ទង្វើទាំង៤ដែលអ្នកម្តាយខ្ចិល អាចធ្វើឲ្យកូនមានចរឹតឯករាជ្យ

នៅពេលដែលអ្នកមើលថែទាំកូន ប្រសិនជាអ្នកខ្ចិលធ្វើនូវរឿងទាំង៤ខាងក្រោមនេះ នោះកូនអ្នកនឹងអាចមានចរឹតដែលឯករាជ្យមួយតាំងពីតូច ដោយមិនពឹងតែទៅលើអ្នកឡើយ។ តើមានអ្វីខ្លះទៅ?(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ខ្ចិលនាំកូនទៅរៀន

នៅពេលដែលសាលារៀនរបស់កូននៅជិតផ្ទះ អ្នកគួរតែទុកឲ្យគេដើរទៅរៀនតែម្នាក់ឯង ដោយមិនចាំបាច់នាំគេទៅទេ ប៉ុន្តែអ្នកអាចឈរលួចមើលគេពីក្រោយ ដើម្បីសុវត្ថិភាពរបស់កូន នោះនៅពេលដែលអ្នកធ្វើបែបនេះ កូនអ្នកនឹងមានចរឹតឯករាជ្យដោយមិនពឹងលើអ្នកដើម្បីជូនគេទៅរៀនរហូតនោះទេ។

ខ្ចិលកំដរកូនរៀន

អ្នកមិនត្រូវអង្គុយកំដរកូនធ្វើការងារសាលានោះទេ អ្នកត្រូវទុកឲ្យគេធ្វើម្នាក់ឯង ហើយពិនិត្យម្នាក់ឯង នោះគេនឹងមានទំនួលខុសត្រូវចំពោះខ្លួនឯង ដោយមិនពឹងលើអ្នកដើម្បីកែតម្រូវកិច្ចការសាលាគេឡើយ នោះគេនឹងខំប្រឹងធ្វើឲ្យអស់ពីសម្ថភាពរបស់គេ។

ខ្ចិលរអ៊ូរទាំ

អ្នកមិនត្រូវតែងតែស្តីបន្ទោស ឬរអ៊ូដាក់កូនឡើយ ព្រោះវាអាចធ្វើឲ្យគេមិនខ្លាចអ្នក ដោយអ្នកត្រូវតែប្រើសម្តីធម្មតាណាដែលគេអាចស្តាប់ចូលត្រចៀក នោះគេនឹងអាចធ្វើតាមអ្នក។

ខ្ចិលជួយកូន

នៅពេលដែលគេចង់យកអ្វី ឬចង់ធ្វើអ្វីមួយ អ្នកត្រូវតែបណ្តោយឲ្យគេធ្វើម្នាក់ឯង ដោយមិនត្រូវលូកដៃជួយឡើយ ធ្វើបែបនេះវាអាចបង្រៀនកូនឲ្យចេះមានភាពឯករាជ្យ ដោយមិនរស់នៅពឹងតែទៅលើអ្នកដទៃឡើយ៕(អាន:ថ្នាំងងុយគេង ពេលអ្នកគួរប្រើ)