សមាគមន៍សុខភាពមាត់ធ្មេញអាមេរិកបានណែនាំយូរណាមកហើយថា អ្នកត្រូវតែដុសធ្មេញចំនួនពីរដងក្នុងមួយថ្ងៃ សរុបចំនួន ២នាទីនៃការដុសធ្មេញទាំងពីរដងនេះ។ ប៉ុន្តែអ្វីដែលការណែនាំនេះមិនបានប្រាប់ពេលវេលាច្បាស់លាស់ដែលយើងគួរតែដុសធ្មេញ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
សម្រាប់ទម្លាប់ដុសធ្មេញជាប្រចាំ មនុស្សភាគច្រើនតែងដុសធ្មេញក្នុងពេលវេលាដូចៗគ្នាជារៀងរាល់ថ្ងៃ។ ការដុសសម្អាតជារៀងរាល់ព្រឹក និងម្តងទៀតនៅពេលយប់មុនពេលគេង ហាក់បីដូចជាស្តង់ដារមួយដែលមនុស្សភាគច្រើនគួរតែធ្វើ ហើយវាក៏បានក្លាយទៅជាទម្លាប់ដ៏ស្រួលផងដែរ។ ប៉ុន្តែតើមានអ្វីកើតឡើងទៅបើសិនជាអ្នកដុសសម្អាតធ្មេញខុសទម្លាប់នៅពេលព្រឹក? អ្នកជំនាញខ្លះនិយាយថា ការដុសសម្អាតធ្មេញមុនពេលអាហារពេលព្រឹកគឺជារឿងមានប្រយោជន៍ខ្លាំងសម្រាប់សុខភាពធ្មេញ និងមាត់ធ្មេញទាំងមូល។
ហេតុអ្វីបានជាការដុសធ្មេញមុនអាហារពេលព្រឹកអាចជារឿងល្អជាង?
រឿងនេះប្រហែលជាមានចម្លើយបែបវិទ្យាសាស្រ្តចំពោះសំណួរមួយនេះ។ ខណៈពេលដែលអ្នកគេង កំណកជាប់ធ្មេញនឹងធ្វើឲ្យបាក់តេរីក្នុងមាត់បំបែកកូនចៅកាន់តែច្រើន។ នេះហើយជាផ្នែកមួយដែលធ្វើឲ្យអ្នកភ្ញាក់ពីគេងព្រឹកឡើងមានក្លិនមាត់មិនល្អ។ ការលាងសម្អាតបាក់តេរីទាំងនោះភ្លាមៗជាមួយនឹងថ្នាំដុសធ្មេញមានជាតិ ហ្ល័រអូរ៉ាយ អាចលុបបំបាត់កំណក និងបាក់តេរីបាន។ វាក៏ជួយការពារស្រទាប់ការពារធ្មេញពីអាស៊ីតក្នុងអាហារដែលអ្នកញ៉ាំបានដែរ។
យោងទៅតាម Mayo Clinic បានឲ្យដឹងថា អ្នកគួរតែចៀសវាងការដុសសម្អាតធ្មេញក្រោយពីញ៉ាំអាហាររួចយ៉ាងហោចណាស់ ៣០នាទីបើសិនជាអ្នកញ៉ាំអ្វីមួយមានជាតិអាស៊ីត។ អាហារពេលព្រឹក និងភេសជ្ជៈដូចជា ផ្លែឈើជូរៗ និងកាហ្វេ ពិតជាមានជាតិអាស៊ីតចំតួរហើយ។ នៅពេលអ្នកដុសសម្អាតធ្មេញដំបូងគេនៅពេលព្រឹក អ្នកក៏បង្កើតទឹកមាត់ច្រើនដែរ។ តាមការសិក្សាតូចមួយទៅលើមនុស្សចាស់ចំនួន ២១នាក់បានបង្ហាញថា ក្រោយដុសធ្មេញរួច អ្នកចូលរួមទាំងនោះឃើញមានការផលិតទឹកមាត់ច្រើនរហូតដល់ ៥នាទី។ ទឹកមាត់ទាំងនេះហើយជាអ្នកជួយរំលាយអាហារ និងសម្លាប់បាក់តេរីគ្រោះថ្នាក់ក្នុងមាត់។
ការប្រុងប្រយ័ត្នចំពោះការដុសធ្មេញក្រោយអាហារពេលព្រឹក
បើសិនជាការដុសសម្អាតធ្មេញក្រោយអាហារពេលព្រឹកមានលក្ខណៈល្អជាងសម្រាប់ទម្លាប់អ្នក អ្នកនៅតែអាចធ្វើវាបានដដែល ប៉ុន្តែអ្នកប្រហែលជាត្រូវរចងចាំរឿងមួយចំនួនដែរ។ ការដុសសម្អាតធ្មេញភ្លាមៗក្រោយអាហារពេលព្រឹករួចប្រហែលជាបន្សល់ទុកនូវជាតិអាស៊ីតតិចតួចរបស់អាហារជាប់ធ្មេញទៀត ដែលជាហេតុនាំឲ្យស្រទាប់ការពារធ្មេញចុះខ្សោយ។ អាហារពេលព្រឹកដែលអាចបំផ្លាញស្រទាប់ការពារធ្មេញបាននោះមានដូចជា៖
- ទឹកក្រូចច្របាច់
- ផ្លែឈើជូរៗ
- ផ្លែឈើក្រៀម
- នំបុ័ង
ដូច្នេះការដុសសម្អាតធ្មេញភ្លាមប្រហែលជារឿងមិនល្អឡើយសម្រាប់ធ្មេញក្រោយពីញ៉ាំអាហារពេលព្រឹករួច។ ការរងចាំរយៈពេល ៣០នាទីទៅមួយម៉ោងក្រោយញ៉ាំអាហាររួច ហើយដុសធ្មេញ គឺជាមធ្យោបាយដ៏ល្អបំផុតដើម្បីឲ្យច្បាស់ថា អ្នកបានការពារធ្មេញ និងមិនបំផ្លាញស្រទាប់ការពារធ្មេញទេ។
សមាគមន៍សុខភាពមាត់ធ្មេញអាមេរិកបានណែនាំថា អ្នកគួរតែរងចាំរយៈពេល ៦០នាទីសិនក្រោយពីញ៉ាំអាហាររួច ជាពិសេសក្រោយញ៉ាំអាហារមានជាតិអាស៊ីតតែម្តង បើសិនជាចង់ដុសសម្អាតធ្មេញ។ (អាន:ថ្នាំងងុយគេង ពេលអ្នកគួរប្រើ)ការញ៉ាំទឹក ឬទំពារស្ករកៅស៊ូគ្មានជាតិផ្អែមខ្លះក្រោយញ៉ាំអាហាររួច អាចសម្អាតធ្មេញខ្លះមុនពេលដុសធ្មេញ៕