Join with Health.com.kh on Telegram

សម្រាប់រដូវក្តៅក្នុងខែចេត្រនេះកំពុងតែមានការពិបាកច្រើនណាស់។ ក្រៅពីអាកាសធាតុក្តៅខ្លាំង អ្នកប្រហែលជាត្រូវការថែរក្សាប្រព័ន្ធភាពស៊ាំឲ្យនៅខ្លាំងបន្ថែមទៀត។ ការប្រែប្រួលអាកាសធាតុអាចនាំឲ្យមានការលំបាកច្រើនណាស់ដែរសម្រាប់រាងកាយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)រាងកាយត្រូវតែឆ្លើយតបនឹងស្ថានភាពអាកាសធាតុថ្មីៗ។ ការញ៉ាំអាហារសម្បូរទៅដោយជីវជាតិ ហាត់ប្រាណទៀងទាត់ រក្សារបបអាហារបានល្អសុទ្ធតែជាមធ្យោបាយក្នុងការថែរក្សាមុខងារប្រព័ន្ធភាពស៊ាំ។ អ្នកអាចថែរក្សាមុខងារប្រព័ន្ធភាពស៊ាំសម្រាប់ខែចេត្រនេះតាមរបៀបសាមញ្ញៗខាងក្រោមនេះ៖

ការហាត់ប្រាណគឺជារឿងសំខាន់

ចូរប្រាកដថា អ្នកបានហាត់ប្រាណជាទៀងទាត់ ដោយសារតែវាអាចជួយជំរុញដល់របត់ឈាមរត់។ វាក៏ជួយដល់ការយកឈ្នះបាក់តេរីកុំឲ្យបង្ករោគក្នុងសួត និងផ្លូវដង្ហើមដែរ។ ការហាត់ប្រាណក៏បន្ថយការបញ្ចេញអ័រម៉ូនដែលទាក់ទងនឹងស្រ្តេសថែមទៀត។ ក្រៅពីនេះលំហាត់ប្រាណជួយពង្រឹងដល់ប្រព័ន្ធបេះដូងសរសៃឈាម ព្រមទាំងឲ្យកោសិកាធ្វើចលនាកាន់តែល្អជាងមុន។

ញ៉ាំអាហារមានតុល្យភាព

ចូរព្យាយាមញ៉ាំអាហារសម្បូរទៅដោយជីវជាតិ និងជាតិរ៉ែ ជាពិសេសបន្លែ និងផ្លែឈើដោយសារតែវាអាចជួយកាត់បន្ថយការកើតជំងឺរ៉ាំរ៉ៃបាន។ ចូរញ៉ាំអាហារសម្បូរទៅដោយជាតិប្រូតេអ៊ីន ស័ង្គសី វីតាមីន A, C និង E។ ចូរបញ្ចូលផ្លែឈើជូរៗទៅក្នុងរបបអាហារ ដោយសារតែវាសម្បូរទៅដោយវីតាមីន C ដែលសំខាន់សម្រាប់ប្រព័ន្ធភាពស៊ាំ។ 

បង្គ្រប់ជាតិទឹកក្នុងខ្លួន

ការបង្គ្រប់ជាតិទឹកក្នុងខ្លួនគឺជារឿងដ៏សំខាន់សម្រាប់ជួយឲ្យមានសុខភាពល្អ និងជំរុញដល់ប្រព័ន្ធភាពស៊ាំក្នុងរដូវក្តៅ។ ចូរប្រាកដថា អ្នកញ៉ាំទឹកបានច្រើនក្នុងរដូវមួយនេះ។ ទឹកនឹងជួយច្រោះជាតិពុលពីក្នុងរាងកាយ និងរក្សាភាពសមសួនរបស់រាងកាយថែមទៀត។ 

គេងឲ្យបានគ្រប់គ្រាន់

អ្នកត្រូវតែគេងឲ្យបានគ្រប់គ្រាន់ដើម្បីបង្កើនមុខងារប្រព័ន្ធភាពស៊ាំ។ ថ្វីបើអាកាសធាតុក្តៅអាចរំខានដល់ការគេង តែចូរប្រាកដថា អ្នកគេងឲ្យបាន ៧ ទៅ៨ម៉ោងក្នុងមួយយប់ដើម្បីប្រព័ន្ធភាពស៊ាំធ្វើការកាន់តែបានល្អ។ ចូរប្រាកដថា ក្នុងបន្ទប់គេងអ្នកមានខ្យល់ចេញចូលគ្រប់គ្រាន់ដែរ។ 

វីតាមីន D 

ការទទួលបានវីតាមីន D គ្រប់គ្រាន់គឺជារឿងដែលត្រូវធ្វើក្នុងរដូវក្តៅ ដោយសារតែវាអាចជួយរាងកាយកុំឲ្យកើតជំងឺបាន។ ចូរចំណាយពេលវេលាហាលថ្ងៃដើម្បីទទួលបានវីតាមីន D ជាពិសេសដៃ និងជើងរយៈពេល ១៥នាទីក្នុងមួយថ្ងៃមុនពេលលាបឡេការពារកម្តៅថ្ងៃ។ 

វីតាមីន C

ការញ៉ាំអាហារសម្បូរវីតាមីន C នឹងជួយបង្កើនមុខងារប្រព័ន្ធភាពស៊ាំបាន។ (អាន:ថ្នាំងងុយគេង ពេលអ្នកគួរប្រើ)ខែចេត្រគឺជាពេលវេលាដ៏ល្អបំផុតដើម្បីទទួលបានវីតាមីន C ពីផ្លែឈើដូចជា ស្រ្តបឺរី ក្រូច ឈើរី។ល។ ការញ៉ាំវីតាមីន C ធម្មជាតិក៏សំខាន់សម្រាប់ថែរក្សាមុខងារប្រព័ន្ធភាពស៊ាំឲ្យកាន់តែខ្លាំងដែរ៕