ការប្រើថ្នាំគ្រុនចាញ់កម្រិតខ្ពស់ទៅលើអ្នកជំងឺកូវីដ១៩ អាចបង្កផលវិបាកបេះដូងធ្ងន់ធ្ងរ៖ ការស្រាវជ្រាវ

អ្នកវិទ្យាសាស្រ្តជាច្រើនក្នុងប្រទេសប្រេហ្ស៊ីលបានឈប់ធ្វើការសិក្សាទៅលើថ្នាំគ្រុនចាញ់ ក្រោយពីវាបាន បង្កជាបញ្ហាដល់ចង្វាក់បេះដូងអ្នកជំងឺរហូតដល់ មួយភាគបួន នៃអ្នកជំងឺដែលគេសិក្សាស្រាវជ្រាវក្នុងការប្រើប្រាស់កម្រិតខ្ពស់រហូតដល់ ២ដូស។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

នេះបើតាមទីភ្នាក់ងារសារព័ត៌មាន AP និងការផ្សាយរបស់សារព័ត៌មាន Daily Mail ។ ថ្នាំប្រភេទ Chloroquine និងថ្នាំថ្មីមួយទៀតស្រដៀងគ្នាដែរឈ្មោះថា Hydroxychloroquine ត្រូវបានប្រធានាធិបតីអាមេរិក លោក Donald Trump ណែនាំឲ្យប្រើប្រាស់ក្រោយ ពីការធ្វើតេស្តកាលពីមុនថា អាចទប់ស្កាត់វីរុសកុំឲ្យចូលទៅក្នុងកោសិកា។ 

ប៉ុន្តែថ្នាំនេះត្រូវបានគេល្បីយូរហើយថា មានផលរំខានធ្ងន់ធ្ងររួមទាំងផ្លាស់ប្តូរចង្វាក់បេះដូងក្នុងកម្រិតមួយ ដែលអាចគ្រោះថ្នាក់ដល់ស្លាប់។ ក្នុងការសិក្សាស្រាវជ្រាវ អ្នកជំងឺមួយភាគបួននៃអ្នកជំងឺទាំងអស់ដែលប្រើប្រាស់ថ្នាំនេះ ៦០០មីលីក្រាមចំនួនពីរដងក្នុងមួយថ្ងៃ រយៈពេល ១០ថ្ងៃកើតមានបញ្ហាចង្វាក់បេះដូង។ដូច្នេះអ្នកវិទ្យាសាស្រ្តក៏បានបញ្ឈប់ការសិក្សានេះ។ 

ចំណែកឯមួយ ក្រុមទៀតត្រូវបានឲ្យប្រើថ្នាំនេះ ៤៥០មីលីក្រាម ពីរដងក្នុងមួយថ្ងៃដំបូង បន្ទាប់មកប្រើតែម្តងក្នុងមួយថ្ងៃរយៈពេលច្រើនជាង ៤ថ្ងៃ។ ការសិក្សាស្រាវជ្រាវរបស់ប្រេស៊ីលនិយាយថាគេមិនទាន់អាចសន្និដ្ឋានបានថាតើថ្នាំទាំងនេះមានសុវត្ថិភាពឬក៏មានប្រសិភាពប្រឆាំងនឹងកូវីដ១៩។ មិនទាន់មានប្រតិកម្មណាមួយទៅលើការសិក្សាស្រាវជ្រាវនេះដោយអ្នកវិទ្យាសាស្រ្តនៅឡើយទេ។ (អាន:ថ្នាំងងុយគេង ពេលអ្នកគួរប្រើ)

ប្រធានាធិបតីប្រហ្ស៊ីល ក៏ធ្លាប់បានរសរសើរថ្នាំទាំងនេះចំពោះការព្យាបាលអ្នកជំងឺកូវីដ១៩ផងដែរមិនថាតែប្រធានាធិបតីត្រាំទេ។ ថ្នាំនេះត្រូវបានគេប្រើយ៉ាងទូលំទូលាយដើម្បីព្យាបាលជំងឺកូវីដ១៩ ខណះដែលគេមិនទាន់រកឃើញវ៉ាក់សាំងប្រឆាំងជំងឺនេះ៕