ប្រព័ន្ធសសៃប្រសាទដើរតួនាទីយ៉ាងចាំបាច់ក្នុងរាងកាយដោយវាទទួលខុសត្រូវសម្រាប់មុខងារផ្សេងៗគ្នានៃរាងកាយចាប់ពីការរំលាយអាហារដល់ប្រតិកម្មតបតនឹងស្ថានភាពផ្សេងៗដែលអ្នកជួបប្រទះ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប្រព័ន្ធសសៃប្រសាទក៏ទទួលទានខុសត្រូវចំពោះកម្រិតនៃភាពស្ត្រេសដែលមានន័យថាប្រសិនបើអ្នកថែរក្សាវាមិនបានត្រឹមត្រូវ ឬនៅពេលប្រព័ន្ធសសៃប្រសាទមានបញ្ហាវាអាចបង្កជំងឺផ្សេងៗ រួមទាំងជំងឺផ្លូវចិត្តផងដែរ។ ទោះជាយ៉ាងណាកុំបារម្ភពេក! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីអាហារដែលជួយព្យាបាលប្រព័ន្ធសសៃប្រសាទ ៖
១. បន្លែបៃតង
ការរួមបញ្ចូលបន្លែបៃតងក្នុងរបបអាហារ គឺល្អណាស់ចំពោះសុខភាពរាងកាយទាំងមូល រួមទាំងប្រព័ន្ធប្រសាទ។ នេះក៏ព្រោះតែបន្លែបៃតងជាប្រភពដ៏ប្រសើរនៃវីតាមីន C វីតាមីន B វីតាមីន E ម៉ាញ៉េស្យូម សារធាតុចិញ្ចឹមនិងជាតិរ៉ែច្រើនផ្សេងទៀតដែលរាងកាយត្រូវការដើម្បីកាន់តែរឹងមាំ។ វីតាមីន B អាចជួយប្រព័ន្ធសសៃប្រសាទក្នុងការសំយោគ ក៏ដូចជាបញ្ចូនសសៃប្រសាទ neurotransmitters ដែលនឹងធ្វើឱ្យអ្នកដកដង្ហើមបានកាន់តែប្រសើរ សម្រួលចង្វាក់បេះដូង ហើយក្រពះចាប់ផ្ដើមដំណើរការរំលាយអាហារបានត្រឹមត្រូវ។
២. សូកូឡាខ្មៅ
ផ្សំឡើងពីកាកាវយ៉ាងហោចណាស់ ៧០ ភាគរយ។ សូកូឡាខ្មៅមានផ្ទុកសារធាតុ L-tryptophan ដែលជួយផ្ដល់ភាពស្ងប់ដល់ខួរក្បាលសម្រួលប្រព័ន្ធសសៃប្រសាទ។ ម៉ាញ៉េស្យូមក្នុងសូកូឡាខ្មៅក៏ល្អសម្រាប់ប្រព័ន្ធសសៃប្រសាទផងដែរ។
៣. ផ្លែបឺរ
ជាអាហារមួយប្រភេទទៀតដែលមានផ្ទុកសម្បូរទៅដោយវីតាមីន B វីតាមីន A និងវីតាមីន C ចាំបាច់សម្រាប់សុខភាពប្រព័ន្ធសសៃប្រសាទ។ ម៉ាញ៉េស្យូមនិងកាល់ស្យូមក្នុងផ្លែបឺរក៏ជួយសម្រួលប្រព័ន្ធសសៃប្រសាទផងដែរ។
៤. ត្រីសម្បូរខ្លាញ់
ជាអាហារដែលសំខាន់បំផុតមួយជួយសម្រួលដល់ប្រព័ន្ធសសៃប្រសាទ។ ត្រីសម្បូរខ្លាញ់មានផ្ទុកអាស៊ីតខ្លាញ់អូមេហ្កា ៣ ខ្ពស់ដែលល្អសម្រាប់សុខភាពរាងកាយទាំងមូលរួមទាំងប្រព័ន្ធប្រសាទ។
៥. បឺរី
រួមមានស្ត្របឺរី ឈើរី និងប្លូបឺរីជាដើមសុទ្ធតែជាប្រភពដ៏ប្រសើរនៃវីតាមីន C ដែលជួយបំបាត់ស្ត្រេសនិងសម្រួលប្រព័ន្ធសសៃប្រសាទ៕