ការរួមបញ្ចូលអាហារដែលពន្លឿនការដុតបំផ្លាញជាតិខ្លាញ់ខ្លាញ់ គឺចាំបាច់ណាស់ដើម្បីសម្រកទម្ងន់។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើអាហារទាំងនោះមានអ្វីខ្លះទៅ? កុំបារម្ភ! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីអាហារដែលជួយដុតបំផ្លាញខ្លាញ់ក្នុងរាងកាយ ៖
១. ទឹកខ្មេះផ្លែប៉ោម
អាស៊ីតអាសេទិកក្នុងទឹកខ្មេះផ្លែប៉ោមធ្វើឱ្យវាក្លាយជាអ្វីមួយដែលអ្នកគួររួមបញ្ចូលក្នុងរបបអាហារប្រចាំថ្ងៃដើម្បីទទួលបានក្បាលពោះតឹងណែនរាបស្មើ។ អាស៊ីតនេះជួយដុតបំផ្លាញខ្លាំងក្បាលពោះឆាប់រហ័ស ហើយថែមទាំងទប់ស្កាត់ការស្តុកទុកនូវជាតិខ្លាញ់ក្នុងពេលជាមួយគ្នាទៀតផង។ អ្នកអាចលាយទឹកខ្មេះផ្លែប៉ោមជាមួយទឹកឃ្មុំ ឬខ្ញីបន្តិចដើម្បីពន្លឿនដំណើរការដុតបំផ្លាញជាតិខ្លាញ់។
២. ស៊ុត
ជាប្រភពដ៏ល្អបំផុតមួយនៃប្រូតេអ៊ីន ព្រមទាំងខ្លាញ់ល្អៗដែលមានន័យថាការរួមបញ្ចូលស៊ុតក្នុងរបបអាហារប្រចាំថ្ងៃជួយឱ្យឆ្អែតបានយូរនិងរក្សាសុខភាពសាច់ដុំ។ កាន់តែពិសេសនោះ គឺរាងកាយរបស់អ្នកនឹងដុតបំផ្លាញខ្លាញ់ក្នុងពេលជាមួយគ្នាផងដែរ។
៣. គ្រាប់ជី
ជម្រើសដ៏ប្រសើរមួយទៀតដែកអ្នកគួររួមបញ្ចូលក្នុងរបបអាហារ គឺគ្រាប់ជី។ គ្រាប់ពូជនេះជាប្រភពដ៏ប្រសើរនៃជាតិសសៃ អាស៊ីតខ្លាញ់អូមេហ្គា ៣ និងអាស៊ីត alpha-linoleic ដែលមានប្រយោជន៍ជួយឱ្យស្រកទម្ងន់បានឆាប់រហ័ស។ គ្រាប់ជីក៏មានប្រសិទ្ធិភាពប្រឆាំងការរលាក បង្កើនថាមពលរាងកាយ និងជម្រុញថាមពលខួរក្បាលថែមទៀតផង។
៤. សាច់មាន់
ប្រូតេអ៊ីនដើរតួនាទីយ៉ាងសំខាន់បំផុតមួយក្នុងការដុតបំផ្លាញជាតិខ្លាញ់ដោយជួយបង្កើតសាច់ដុំគ្មានខ្លាញ់ ហើយសាច់មាន់ជាប្រភពដ៏ប្រសើរបំផុតមួយនៃប្រូតេអ៊ីនគុណភាពខ្ពស់។ អ្វីដែលកាន់តែពិសេសទៅទៀតនោះ គឺការទទួលទានសាច់មាន់អាចជួយអោយអ្នកមានអារម្មណ៍ឆាប់ឆ្អែតសូម្បីក្នុងបរិមាណត្រឹមតែបន្តិច។ ទោះជាយ៉ាងណាគួរជ្រើសរើសទទួលទានសាច់ទ្រូង។
៥. យ៉ាអួរ
ប្រូបាយអូទិកក្នុងយ៉ាអួរអាចជួយរក្សាសុខភាពពោះវៀនដែលសំខាន់ណាស់សម្រាប់សុខភាពរាងកាយទាំងមូល។ ការរក្សាបាននូវសុខភាពប្រព័ន្ធរំលាយអាហារល្អប្រសើរជួយទប់ស្កាត់អ្នកពីការទទួលទានច្រើនលើស។
៦. ប្រេងអូលីវ
ជម្រើសនៃអាហារមួយប្រភេទទៀតដែលអ្នកគួរដាក់បញ្ចូលក្នុងរបបអាហារប្រចាំថ្ងៃដើម្បីស្រកទម្ងន់នោះ គឺប្រេងអូលីវ ហើយប្រេងនេះក៏ប្រសើរសម្រាប់សុខភាពរាងកាយទាំងមូលផងដែរ។
៧. ក្រូចថ្លុង
ក្រូចថ្លុងមានផ្ទុកនូវអង់ស៊ីមដុតបំផ្លាញជាតិខ្លាញ់ក្នុងបរិមាណខ្ពស់។ អង់ស៊ីមទាំងនោះមិនត្រឹមតែជួយបង្កើនសកម្មភាពនៃការរំលាយអាហារប៉ុណ្ណោះទេ ប៉ុន្តែវាក៏អាចជួយបង្កើនថាមពលរបស់អ្នកទៀតផង។
៨. ត្រីសាលម៉ុន
ជាប្រភពដ៏ល្អបំផុយមួយនៃអាស៊ីតខ្លាញ់អូមេហ្កា ៣ និងប្រូតេអ៊ីនដែលបង្កើនការដុតរំលាយអាហារក្នុងរាងកាយនិងទប់ស្កាត់ការប្រមូលផ្ដុំជាតិខ្លាញ់ក្នុងពោះ។
៩. សាច់គ្មានខ្លាញ់
ធ្លាប់ដឹងទេថាការទទួលទានសាច់គ្មានខ្លាញ់ក៏អាចពន្លឿនការដុតរំលាយអាហារបានយ៉ាងប្រសើរផងដែរ? នេះក៏ព្រោះតែសាច់គ្មានខ្លាញ់មានផ្ទុកប្រូតេអ៊ីនខ្ពស់។ ហើយការទទួលទានអាហារមានផ្ទុកប្រូតេអ៊ីនខ្ពស់ជួយដុតបំផ្លាញខ្លាញ់ ព្រមទាំងកាឡូរីបានច្រើនជាងការទទួលទានអាហារមានផ្ទុកកាបូអ៊ីដ្រាតខ្ពស់៕