ជាមួយនឹងការកើនឡើងចំនួនអ្នកផ្ទុកជំងឺកូវីដ១៩យ៉ាងច្រើនទៅៗពីមួយថ្ងៃទៅមួយថ្ងៃ វាពិតជាមិនមានអ្វីគួរឲ្យភ្ញាក់ផ្អើលឡើយដែលថា មនុស្សជាច្រើនកំពុងតែភ័យខ្លាំងរហូតដល់អាចមានអាការៈរមាស់ក្នុងបំពង់កថែមទៀត។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ស្ថានភាពនេះមានលក្ខណៈគួរឲ្យខ្លាចខ្លាំងចំពោះអ្នកដែលប្រឈមខ្ពស់តែម្តង នោះគឺមនុស្សចាស់អាយុចាប់ពី ៦០ឆ្នាំឡើងទៅ ស្រ្តីមានផ្ទៃពោះ និងអ្នកមានជំងឺរ៉ាំរ៉ៃក្នុងខ្លួន។ ខណៈពេលដែលមនុស្សមួយចំនួនមិនកើតជាអាការៈអ្វីទាំងអស់នៅពេលឆ្លងជំងឺនេះ តែអ្នកខ្លះទៀតអាចនឹងមានអាការៈតិចតួចដល់មធ្យមដូចជាក្អកស្ងួត ក្តៅខ្លួនស្ទិញៗ និងឈឺរាងកាយ។ អ្នកខ្លះក៏ប្រាប់ថា ស្រង់ក្លិនអត់បាន ឬបាត់បង់ការដឹងរសជាតិក៏មាន។ យោងទៅតាមអង្គការសុខភាពពិភពលោក ខាងក្រោមនេះគឺជាអាការៈញឹកញាប់បំផុតនៃការឆ្លងវីរុសកូរ៉ូណា៖
ក្តៅខ្លួន
សេចក្តីរាយការណ៍បានឲ្យដឹងថា ៨៧.៩ភាគរយនៃករណីដែលយកពីមន្ទីរពិសោធន៍ចំនួន ៥៥៩២៤ គឺបញ្ជាក់ថាមានការក្តៅខ្លួន។
ក្អកស្ងួត
សេចក្តីរាយការណ៍បានឲ្យដឹងថា ៦៧.៧ភាគរយនៃករណីដែលយកពីមន្ទីរពិសោធន៍ចំនួន ៥៥៩២៤ គឺបញ្ជាក់ថា មានការក្អកស្ងួតបែបនេះ។
អស់កម្លាំង
សេចក្តីរាយការណ៍បានឲ្យដឹងថា ៣៨.១ភាគរយនៃករណីដែលយកពីមន្ទីរពិសោធន៍ចំនួន ៥៥៩២៤ គឺបញ្ជាក់ថា មានការអស់កម្លាំង។
អាការៈផ្សេងៗទៀតគឺ ការក្អកមានកំហាក (៣៣.៤ភាគរយ) ពិបាកដកដង្ហើម (១៨.៦ភាគរយ) ឈឺបំពង់ក (១៣.៩ភាគរយ) និងឈឺក្បាល (១៣.៦ភាគរយ)។
ធ្វើម៉េចទើបខ្ញុំដឹងថា ការក្តៅខ្លួនរបស់ខ្ញុំបង្កឡើងដោយជំងឺផ្តាសាយធម្មតា ឬជំងឺកូវីដ១៩?
រឿងដំបូងគេដែលអ្នកត្រូវធ្វើបើសិនជាសង្ស័យថាអ្នកឆ្លងវីរុសកូវីដ១៩ គឺទៅពិគ្រោះជាមួយគ្រូពេទ្យ។ យកល្អគួរតែកុំទៅគ្លីនីក ឬមន្ទីរពេទ្យដោយផ្ទាល់អីបើសិនជាអ្នកមិនមានអាការៈអ្វីធ្ងន់ធ្ងរ ឬស្ថិតក្នុងក្រុមអ្នកប្រឈមមុខខ្ពស់។ អ្នកក៏អាចទំនាក់ទំនងទៅកាន់ ១១៥ ដើម្បីដឹងអំពីព័ត៌មានកាន់តែច្បាស់ផងដែរ។
សីតុណ្ហភាពធម្មតារបស់រាងកាយមនុស្សយើងគឺចាប់ពី ៣៦.១ ទៅ ៣៧.២អង្សារ។ សីតុណ្ហភាពរាងកាយយើងក៏នៅតែឡើងចុះៗដែរទៅតាមពេលវេលា សកម្មភាពដែលយើងធ្វើ និងអ្វីដែលបានញ៉ាំឬផឹកផង។ ករណីភាគច្រើន ការឡើងកម្តៅរាងកាយ (តិចជាង៣៨អង្សារ) មិនត្រូវបានចាត់ទុកថាជារឿងគួរបារម្ភឡើយ ព្រោះវាគ្រាន់តែជាការក្តៅខ្លួនស្ទិញៗ និងច្រើនតែស្រាកស្រាន្តទៅវិញដោយខ្លួនឯងតាមរយៈការសម្រាក និងញ៉ាំទឹកគ្រប់គ្រាន់។
ប៉ុន្តែបើសិនជាអ្នកមានអាការៈក្តៅខ្លួនតិចតួច (តិចជាង ៣៨អង្សារ) ជាមួយគ្នានឹងការគ្រុន ញ៉ាក់ ឬចាប់ផ្តើមក្អក អ្នកប្រហែលជាត្រូវទៅជួបពេទ្យដើម្បីពិនិត្យបន្ថែមហើយ។ គ្រូពេទ្យនឹងប្រាប់ថា តើអ្នកត្រូវការការព្យាបាលភ្លាមៗ ឬត្រូវការការធ្វើតេស្តអ្វីបន្ថែម។(អាន:ថ្នាំងងុយគេង ពេលអ្នកគួរប្រើ)
បើសិនជាអ្នកនៅតែបារម្ភថា អ្នកអាចឆ្លងវីរុសកូរ៉ូណាថ្មីមែន អ្នកត្រូវតែចាប់ផ្តើមដាក់ខ្លួនឯងនៅដាច់ដោយឡែកពីគេភ្លាមៗ ដើម្បីតាមដានរោគសញ្ញារយៈពេល ១៤ថ្ងៃ និងចាប់ផ្តើមគ្រប់គ្រងវា។ យ៉ាងណាមិញអាការៈព្រមានមួយចំនួនអំពីតម្រូវសង្គ្រោះបន្ទាន់នោះមានដូចជា៖
- មិនអាចដកដង្ហើមបានស្រួល
- មានអារម្មណ៍ថាតឹងក្នុងទ្រូង
- ជាំនៅបបូរមាត់ ឬមុខ
- វង្វេងវង្វាន់៕