Join with Health.com.kh on Telegram

ដូចអ្នកទាំងអស់គ្នាបានដឹងរួចហើយថា ជំងឺកូវីដ១៩ ដែលបង្កឡើងដោយវីរុសកូរ៉ូណាថ្មីបាន រីករាលដាលយ៉ាងខ្លាំងទូទាំងពិភពលោក ដែលវាគ្រប់គ្រាន់នឹងធ្វើឲ្យមានការភ័យខ្លាចយ៉ាងខ្លាំង ជាពិសេសអ្នកមានអាយុចាប់ពី ៥០ឆ្នាំឡើងទៅតែម្តង ព្រោះមនុស្សបែបនេះងាយនឹងឆ្លងជំងឺនេះខ្លាំងជាងគេ។ ខណៈពេលដែលមនុស្សគ្រប់គ្នាអនុវត្តអនាម័យដៃជើងទៅតាមអង្គការសុខភាពភិពលោក លាងដៃជាញឹកញាប់ និងនៅដាច់ឆ្ងាយពីគេដើម្បីបង្ការការរាលដាល តែវាក៏ជារឿងល្អមួយទៀតដែលយើងត្រូវរក្សាមុខងារប្រព័ន្ធភាពស៊ាំឲ្យនៅខ្លាំងដើម្បីការពារ និងប្រឆាំងវីរុសនេះបាន។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ខណៈពេលដែលវាគឺជារឿងមួយដែលមិនអាចឡើងក្នុងការបង្កើនមុខងារប្រព័ន្ធភាពស៊ាំរយៈពេលតែមួយយប់ តែមានវិធីធម្មជាតិច្រើនដែលអ្នកអាចស្តារមុខងារប្រព័ន្ធភាពស៊ាំអ្នកឲ្យនៅខ្លាំងដូចជា៖

បង្គ្រប់ជាតិទឹកក្នុងខ្លួន

ទឹកគឺជាសមាសធាតុដ៏សំខាន់សម្រាប់ជីវិត និងមុខងាររបស់រាងកាយ។ ការញ៉ាំទឹក ៣ ទៅ ៤លីត្រជារៀងរាល់ថ្ងៃនឹងបង្កើនការរំលាយអាហាររក្សាសីតុណ្ហភាពរបស់រាងកាយ ច្រោះជាតិពុល និងជំរុញដល់មុខងារប្រព័ន្ធភាពស៊ាំកាន់តែខ្លាំង។ 

អាហារសម្បូរអង់ទីអុកស៊ីដង់

របបអាហារដែលច្រោះជាតិពុលគួរតែជាអាហារដែលចម្អិនដោយខ្លួន។ របបអាហារដែលសម្បូរទៅដោយអង់ទីអុកស៊ីដង់នឹងជួយទប់ស្កាត់រ៉ាឌីកាលសេរី និងបន្ថយការខូចខាតបានទៀត។ ចូរបញ្ចូលបន្លែពណ៌បៃតង ស្ពៃស្ពីណាច ខ្ទឹមស តែបៃតង ម្រេច រមៀតចូលទៅក្នុងរបបអាហារប្រចាំថ្ងៃផងព្រោះវានឹងពង្រឹងដល់មុខងារប្រព័ន្ធភាពស៊ាំបាន។ 

ហាត់ប្រាណ

កាលណាអ្នកហាត់ប្រាណ វានឹងបង្កើនមុខងារក្នុងរាងកាយ និងបង្កើនថាមពលរបស់ប្រព័ន្ធភាពស៊ាំទៀតក្នុងការប្រឈមនឹងវីរុសគ្រោះថ្នាក់។ ចូរចំណាយពេល ៤៥នាទីពីការងារ មកហាត់ប្រាណដើម្បីបែកញើស ពង្រីកសាច់ដុំ និងបង្កើនថាមពលក្នុងខ្លួន។ 

ហាត់យូហ្គា និងតាំងសមាធិ

យូហ្គា គឺជាចលនារាងកាយបូរាណមួយប្រភេទដែលអាចមានឥទ្ធិពលខ្លាំងក្នុងការជំរុញដល់សុខភាពផ្លូវកាយ និងចិត្ត។ ខណជពេលដែលការតាំងសមាធិអាចជួយរក្សាតុល្យភាពប្រព័ន្ធសរសៃប្រសាទអូតូណូមិច តែវាក៏ជួយឲ្យជាសះរបួស និងបង្កើនថាមពលដល់រាងកាយបានដែរ។ 

បង្កើនគុណភាពនៃការគេង

ការគេងគឺជាសកម្មភាពដ៏សំខាន់ និងផ្តល់ផាសុកភាពបំផុតក្នុងការជំរុញដល់ប្រព័ន្ធភាពស៊ាំ។ វានឹងជួយជួសជុល បង្កើតឡើងវិញ និងរៀបចំប្រព័ន្ធរាងកាយឲ្យធ្វើការកាន់តែមានប្រសិទ្ធភាព។ ការគេងមិនគ្រប់គ្រាន់ច្រើនតែទាក់ទងនឹងស្រ្តេស កើនអ័រម៉ូន Cortisol បន្ថយការផលិត Cytokines ដែលសុទ្ធសឹងតែធ្វើឲ្យប្រព័ន្ធភាពស៊ាំចុះខ្សោយទាំងអស។ (អាន:ថ្នាំងងុយគេង ពេលអ្នកគួរប្រើ)ការគេងបានគ្រប់គ្រាន់ នឹងជំរុញដល់តុល្យភាពអ័រម៉ូន បន្ថយស្រ្តេស និងឆ្លើយតបនឹងការបង្ករោគដោយវីរុស និងបាក់តេរីកាន់តែល្អវិញ៕