សព្វថ្ងៃនេះជំងឺកូវីដ១៩ កំពុងតែរាលដាលយ៉ាងខ្លាំងទូទាំងពិភពលោក។ អាការៈញឹកញាប់មួយនៃការបង្ករោគមួយនេះគឺការក្តៅខ្លួន ក្អកស្ងួត និងពិបាកដកដង្ហើម។ ជាមួយនឹងករណីជំងឺនេះចេះតែកើនឡើងជាប់រហូត សម្ពាធទៅលើធនធានវេជ្ជសាស្រ្តក៏មិនមានការកើនឡើងល្អអ្វីដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)សព្វថ្ងៃនេះ ៩៥%នៃករណីអ្នកឆ្លងវីរុសមួយនេះគឺមានអាការៈតិចតួចទេ ដែលអាចព្យាបាល និងថែរក្សាសុខភាពខ្លួនឯងនៅផ្ទះបានតែត្រូវនៅឆ្ងាយពីគេ។ សម្រាប់អ្នកដែលមានអាការៈតិចតួច ឬនៅតែមិនមានអាការៈ តែខ្លាចឆ្លងវីរុសនេះទៀត គ្រូពេទ្យក៏បានណែនាំឲ្យវាស់កម្តៅយ៉ាងហោចណាស់ពីរដងក្នុងមួយថ្ងៃ និងតាមដានរហូតថាតើវាស្រួលបួលវិញ ឬកាន់តែធ្ងន់ធ្ងរទៅៗ។ ខាងក្រោមនេះគឺជាគន្លឹះខ្លះក្នុងការតាមដានកម្តៅរបស់ខ្លួនឯងនៅពេលផ្ទះ៖

ចំនួនលេខអាចនឹងប្រែប្រួល

សីតុណ្ហភាពរាងកាយធម្មតាច្រើនតែត្រូវបានគេប្រាប់ថា ស្ថិតក្នុងកម្រិត ៣៧អង្សារ។ ប៉ុន្តែការស្រាវជ្រាវបានណែនាំថា សីតុណ្ហភាពធម្មតាគឺទាបជាង ៣៦.៦បន្តិច។ សីតុណ្ហភាពរាងកាយក៏ប្រែប្រួលពីមនុស្សម្នាក់ទៅមនុស្សម្នាក់ទៀតទៅតាមទម្ងន់ កម្ពស់ និងកត្តាផ្សេងៗទៀតដែរ។ ដូច្នេះហើយបើសិនជាអ្នកក្តៅខ្លួនពិតប្រាកដមែន កម្តៅគួរតែមានចាប់ពី ៣៨.៦អង្សារឡើងទៅ។ 

ពេលវេលាគឺជារឿងសំខាន់

អ្នកខ្លះប្រហែលជាមិនភ្ញាក់ពីគេងឡើយនៅពេលក្តៅខ្លួន តែបែរជាក្តៅខ្លួននៅពេលថ្ងៃទៅវិញ។ ជាធម្មតា ពេលវេលាចន្លោះម៉ោង ៤រសៀល និងម៉ោង ៩យប់ គឺជាពេលវេលាដែលភាពក្តៅខ្លួនឡើងខ្ពស់ជាងគេ។ ដូច្នេះហើយ បើសិនជាអ្នកវាស់កម្តៅពីរដងក្នុងមួយថ្ងៃ គួរតែវាស់ម្តងនៅពេលខាងលើនេះ។ ជាមួយគ្នានេះដែរ ការវាស់សីតុណ្ហភាពក្នុងពេលវេលាដូចៗគ្នាជារៀងរាល់ថ្ងៃក៏នឹងជួយបំបាត់ភាពឡើងចុះៗមិនត្រឹមត្រូវដែរ។ 

តើគួរតែប្រើឧបករណ៍អ្វីវាស់សីតុណ្ហភាពទៅ?

បើសិនជាអ្នកគ្រាន់តែចង់វាស់កម្តៅទេ អ្នកក៏មិនចាំបាច់ត្រូវការអ្វីដែលឡូយឆាយច្រើនដែរ។ ត្រឹមទែម៉ូម៉ែត្រធម្មតា ឌីជីថល ឬបារត គឺគ្រប់គ្រាន់ក្នុងការទទួលបានលទ្ធផលសុក្រិតនៃសីតុណ្ហភាពរាងកាយទៅហើយ។ វាក៏មិនត្រូវការចំណាយលុយច្រើនដើម្បីទិញឧបករណ៍ស្គេនដោយប្រើបច្ចេកវិទ្យាអ៊ីនហ្វ្រា ដើម្បីរកមើលសីតុណ្ហភាពតាមរយៈការបញ្ចាំវាលើថ្ងាសទេ។ (អាន:ថ្នាំងងុយគេង ពេលអ្នកគួរប្រើ)យ៉ាងណាមិញ ឧបករណ៍បែបនេះច្រើនតែត្រូវបានគេប្រើទៅលើតំបន់ដែលមានចរាចរណ៍ខ្លាំងដូចជា អាកាសយាន្តដ្ឋាន ដូច្នេះហើយវាដូចជាមិនផ្តល់ប្រយោជន៍អ្វីពិសេសឡើយនៅពេលប្រើប្រាស់ក្នុងផ្ទះ៕