Join with Health.com.kh on Telegram

ជំងឺត្រៀមទឹកនោមផ្អែមគឺជាស្ថានភាពជាតិស្ករក្នុងឈាមមានលក្ខណៈចង់ឡើងខ្ពស់ជាងធម្មតា។ មិនមានជំងឺទឹកនោមផ្អែមគឺជាតិស្ករត្រូវតិចជាង ១០០មីលីក្រាមក្នុងមួយដេស៊ីលីត្រឈាម និងខ្ពស់ជាង ១២៦មីលីក្រាមក្នុងមួយដេស៊ីលីត្រឈាមបើសិនជាមានជំងឺទឹកនោមផ្អែម។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)បើសិនជាជាតិស្ករអ្នកនៅចន្លោះចំនួនពីរខាងលើ មានន័យថា អ្នកកំពុងតែត្រៀមកើតជំងឺទឹកនោមផ្អែមហើយ។ ខាងក្រោមនេះគឺជាអាការៈទូទៅមួយចំនួនដែលអាចជួយប្រាប់ថា អ្នកកំពុងតែមានជំងឺត្រៀមទឹកនោមផ្អែមហើយ៖

ឡើងទម្ងន់ដោយមិនដឹងមូលហេតុ

បើសិនជាអ្នកមិនបានញ៉ាំច្រើន ហាត់ប្រាណទៀងទាត់ និងនៅតែឡើងទម្ងន់ដោយមិនដឹងមូលហេតុ នោះអ្នកអាចនឹងមានបញ្ហាត្រៀមទឹកនោមផ្អែមហើយ។ ឱកាសក្នុងការមានជំងឺទឹកនោមផ្អែមនឹងកើនឡើងទៅតាមអាយុ និងត្រូវបានគេមើលឃើញលើអ្នកជំងឺធាត់ៗ។ ដូច្នេះ យកល្អគួរតែមានទម្លាប់ហាត់ប្រាណដើម្បីសម្រកខ្លាញ់ផង។ 

បញ្ហាស្បែក

ស្បែកទៅជាមានខ្នៅខ្មៅៗ មានដុំសាច់ដុះលោយលើស្បែក និងប្រែពណ៌ស្បែកគឺជាអាការៈញឹកញាប់មួយចំនួននៃជំងឺត្រៀមទឹកនោមផ្អែម។ បើសិនជាស្បែកអ្នកចាប់ផ្តើមប្រែទៅជាខ្មៅនៅក ឃ្លៀក ឬកន្លែងផ្សេងៗទៀតដែលមានស្បែកស្ងៀង នោះ អ្នកត្រូវតែធ្វើតេស្តរកមើលជំងឺទឹកនោមផ្អែមហើយ។ 

មិនទទួលបានការគេងគ្រប់គ្រាន់

ការដែលគេងមិនលក់ ឬគេងមិនគ្រប់គ្រាន់នៅពេលយប់ អាចជាអាការៈមួយដែលបញ្ជាក់ថា កំពុងតែមានជំងឺត្រៀមទឹកនោមផ្អែមហើយ។ ការគេងមិនបានគ្រប់គ្រាន់ក៏អាចធ្វើឲ្យឡើងទម្ងន់ និងប្រឈមកាន់តែខ្លាំងនឹងការកើតជំងឺទឹកនោមផ្អែមបានដែរ។ ដូច្នេះ អ្នកត្រូវតែតាមដានអាការៈបែបនេះ និងធ្វើតេស្តខ្លួនឯងផងបើសិនជាសម្គាល់ឃើអាការៈណាមួយដែលមិនធម្មតា។ 

ព្រឹលភ្នែក

ថ្វីបើមានបញ្ហាសុខភាពផ្សេងទៀតនាំឲ្យព្រឹលភ្នែកដែរនោះ តែវាគឺជាអាការៈដ៏សំខាន់មួយនៃជំងឺត្រៀមទឹកនោមផ្អែម។ (អាន:ថ្នាំងងុយគេង ពេលអ្នកគួរប្រើ)ជំងឺទឹកនោមផ្អែម អាចបង្កជាបញ្ហាដល់ភាពឃើញច្បាស់របស់ភ្នែក និងនាំឲ្យភ្នែកមើលឃើញព្រឺល ដែលវាគឺជាហេតុផលដ៏ធំមួយដែលអ្នកត្រូវទៅពិនិត្យរកជំងឺនេះ៕