Join with Health.com.kh on Telegram

ការឡើងទម្ងន់នៅពេលរ៉ាំងរដូវគឺជារឿងដែលកើតមានជាញឹកញាប់បំផុត។ មានកត្តាច្រើនណាស់ដែលនាំឲ្យរឿងនេះកើតឡើងដូចជា៖(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

  • អ័រម៉ូន
  • ការចាស់ទៅតាមអាយុ
  • របៀបរស់នៅ
  • ហ្សែន

យ៉ាងណាមិញ ដំណើរការណ៍នៃការរ៉ាំងរដូវគឺទាក់ទងនឹងបុគ្គលមួយៗ។ វាក៏ប្រែប្រួលពីស្រ្តីម្នាក់ទៅស្រ្តីម្នាក់ទៀតដែរ។ 

ការប្រែប្រួលទម្ងន់ក្នុងជុំវិញការរ៉ាំងរដូវ

ដំណាក់កាលនេះត្រូវបានគេរកឃើញថា អាចធ្វើឲ្យឡើងទម្ងន់ពី ១ទៅ២គីឡូក្រាម។ ប៉ុន្តែក៏អាចមានច្រើនជាងនេះដែរ។ ស្រ្តីក្នុងពេលនេះគឺមានអាយុខ្ទង់ ៤២ ទៅ ៥០ឆ្នាំ។ ស្រ្តីងាយនឹងឡើងទម្ងន់នៅក្បាលពោះ និងស្រក់ទំហំសាច់ដុំ។ កត្តាផ្សេងទៀតដែលធ្វើឲ្យឡើងទម្ងន់ដែរនោះគឺ កើនចំនួនអ័រម៉ូនឃ្លានអាហារ Ghrelin ដែលនាំឲ្យពួកគេចង់ញ៉ាំអាហារកាន់តែច្រើន។ មួយវិញទៀត ស្រ្តីជុំវិញការរ៉ាំងរដូវគឺមានអ័រម៉ូនភេទចុះទាប ហើយវាក៏នាំឲ្យចុះខ្សោយដល់មុខងារអ័រម៉ូន Leptin និង Neuropeptide Y ដែលជាអ័រម៉ូនគ្រប់គ្រងភាពឆ្អែត និងឃ្លានអាហារ។ 

ការប្រែប្រួលទម្ងន់ក្នុងពេល និងក្រោយពេលរ៉ាំងរដូវ

បម្រែបម្រួលអ័រម៉ូន និងការឡើងទម្ងន់ប្រហែលជាបន្តកើតឡើងទៀតរហូតដល់ស្រ្តីចូលដំណាក់កាលរ៉ាំងរដូវពេញលេញ។ ការសិក្សាមួយបានរកឃើញថា ស្រ្តីដែលឆាប់រ៉ាំងរដូវជាងធម្មតា ឬអាយុចាប់ពី ៥១ឆ្នាំចុះក្រោម គឺមិនសូវមានខ្លាញ់នៅក្នុងរាងកាយទេ។ (អាន:ថ្នាំងងុយគេង ពេលអ្នកគួរប្រើ)ស្រ្តីក្រោយរ៉ាំងរដូវដែលចាទូទៅមិនសូវមានភាពសកម្មដូចកាលនៅក្មេង ជាពិសេសបន្ថយការប្រើថាមពលរាងកាយ នោះនឹងបាត់បង់ទំហំសាច់ដុំច្រើន។ ស្រ្តីដែលរ៉ាំងរដូវហើយក៏ធ្វើឲ្យប្រឈមខ្ពស់នឹងជំងឺបេះដូងផងដែរ៕