ដោយសារតែយើងត្រូវការអនុវត្តការមិនប្រមូលផ្តុំគ្នា ឬនៅជាមួយមនុស្សជុំៗ និងការសង្ងំក្នុងផ្ទះឲ្យបានច្រើនតាមតែអាចធ្វើបានដើម្បីចៀសវាងការឆ្លងជំងឺកូវីដ១៩ តែភាគច្រើនការដែលមានអារម្មណ៍ខ្លាចវីរុសនេះពបេក អាចនាំឲ្យមានបញ្ហាដល់សុខភាពផ្លូវកាយច្រើនណាស់។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ស្រ្តេសដែលបង្កឡើងដោយជំងឺកូវីដ១៩ ប្រហែលជាធ្វើឲ្យអ្នកមានទម្លាប់ញ៉ាំអាហារមិនផ្តល់សុខភាព។ តែចូរចាំថា នេះគឺជាពេលវេលាដែលអ្នកត្រូវរស់នៅឲ្យមានសុខភាពល្អតាមតែអាចធ្វើទៅបាន។ ការទទួលបានជីវជាតិគ្រប់គ្រាន់ពីរបបបអាហារនឹងជួយបង្កើនមុខងារប្រព័ន្ធភាពស៊ាំ ព្រមទាំងបង្ការជំងឺកុំឲ្យធ្ងន់ធ្ងរបាន។ រឿងដ៏សំខាន់បំផុតដែលយើងអាចធ្វើបានគឺញ៉ាំអាហារឲ្យមានតុល្យភាព ព្រោះវានឹងជួយបង្កើនមុខងារប្រព័ន្ធភាពស៊ាំ និងជួយឲ្យមានសុខភាពកាន់តែបានយូរ។
- ចូរជ្រើសរើសអាហារសម្រន់ដែលធ្វើដោយខ្លួនឯង ព្រោះវានឹងផ្ទុកទៅដោយជីវជាតិល្អៗ ហើយមិនសូវប៉ះពាល់ដល់សុខភាពច្រើន
- ចូរកុំញ៉ាំអាហារដែលមានជាតិស្ករច្រើន ទាំងអាហារមិនផ្តល់សុខភាព និងអាហារកៃឆ្នៃ។ ចូរជំនួសមកវិញនូវការញ៉ាំបន្លែនិងផ្លែឈើដែលអាចបង្កើនមុខងារប្រព័ន្ធភាពស៊ាំ
- ចូរយល់ដឹងអំពីដែនកំណត់របស់ខ្លួន និងត្រូវផ្អាកសិនបើសិនជារាងកាយប្រាប់ថាមិនអាចទៅរួចទេ
- ចូរញ៉ាំទឹកឲ្យបានគ្រប់គ្រាន់ និងភេសជ្ជៈផ្តល់សុខភាពផ្សេងៗទៀតដើម្បីជំនួសជាតិទឹកដែលបាត់បង់ និងបង្ការជំងឺផ្តាសាយផង
- ពង្រឹងប្រព័ន្ធភាពស៊ាំដើម្បីជួយរាងកាយទប់ស្កាត់នឹងការបង្ករោគបែបធម្មជាតិជាមួយនឹងការញ៉ាំអាហារ ឬថ្នាំបំប៉នដែលណែនាំដោយគ្រូពេទ្យត្រឹមត្រូវ
- គ្រឿងផ្សំធ្វើម្ហូបដែលគួរមានក្នុងរបបអាហារប្រចាំថ្ងៃមានដូចជា ខ្ញី ខ្ទឹមស ត្របែក ផ្លែគីវី រមៀត ម្រេច ទឹកឃ្មុំ បន្លែពណ៌បៃតង ស្ពៃក្តោប ម្ទេសប្លោក ដំឡូវជ្វា។
លើសពីនេះទៅទៀត មិនត្រូវផ្អាកការហាត់ប្រាណឡើយ។ ការដែលមានសកម្មភាពរាងកាយជាប្រចាំ នឹងជំរុញដល់ភាពខ្លាំងរបស់ប្រព័ន្ធភាពស៊ាំ និងសម្រួលដល់ការប្រឆាំងនឹងការបង្ករោគដោយវីរុស ឬបាក់តេរីផ្សេងៗបាន។ វាក៏ជួយគ្រប់គ្រងទម្ងន់ ជំងឺទឹកនោមផ្អែម លើសសម្ពាធឈាម។ល។ (អាន:ថ្នាំងងុយគេង ពេលអ្នកគួរប្រើ)អ្វីដែលសំខាន់ទៀតគឺវាអាចបំបាត់ស្រ្តេស និងជួយរំងាប់អារម្មណ៍ខណៈពេលដែលអ្នកកំពុងតែស្រ្តេសនឹងដំណឹងថ្មីអំពីជំងឺកូវីដ១៩តែម្តង៕