ងាយៗ! កម្ចាត់ក្លិនមាត់មិនល្អ ក្រោយញ៊ាំខ្ទឹម ជាមួយអាហារនិងភេសជ្ជៈទាំងនេះ

ភាគច្រើននៃពួកយើងប្រាកដជាធ្លាប់ជួបបញ្ហាធុំក្លិនមាត់ក្រោយពេលទទួលទានខ្ទឹម! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើធ្វើយ៉ាងណាដើម្បីដោះស្រាយបញ្ហានេះ? កុំបារម្ភ! ថ្ងៃនេះវេបសាយសុខភាព Health.com.kh បង្ហាញឱ្យដឹងពីគន្លឹះងាយៗបំបាត់ក្លិនមាត់ក្រោយញ៊ាំខ្ទឹម ៖

១. ផ្លែប៉ោម

ផ្លែប៉ោមជាប្រភពនៃសារធាតុ polyphenols ដែលមានប្រសិទ្ធភាពកម្ចាត់អង់ស៊ីមក្នុងខ្ទឹមទប់ស្កាត់ក្លិនខ្លាំងជាប់ក្នុងមាត់ក្រោយទទួលទាន។

២. តែខ្មៅ ឬតែបៃតង

សារធាតុមួយចំនួនក្នុងតែទាំងពីរនេះពិសេស polyphenols អាចបន្សាបសមាសធាតុដែលបង្កក្លិនមិនល្អក្នុងខ្ទឹម។ ដូច្នេះកុំភ្លេចទទួលទានតែបៃតង ឬតែខ្មៅក្រោយពេលញ៊ាំខ្ទឹមដើម្បីបំបាត់ក្លិនមាត់។

៣. ទឹក

ការទទួលទានទឹកជួយដល់ដំណើរការរំលាយអាហារ។ ទឹកជួយបញ្ជូនអាហារទៅក្នុងប្រព័ន្ធរំលាយអាហារប្រកបដោយប្រសិទ្ធភាពនិងកម្ចាត់កំទេចកំទីអាហារក្នុងមាត់ជាប់ធ្មេញដែលបង្កក្លិនខ្យល់ដង្ហើមមិនល្អ។

៤. យ៉ាអួ

ការទទួលទានយ៉ាអួរជួយកម្ចាត់បាក់តេរីបង្កក្លិនខ្យល់ដង្ហើមមិនល្អគួរឱ្យកត់សម្គាល់។ ចូរជ្រើសរើសទទួលទានយ៉ាអួរសុទ្ធគ្មានជាតិស្ករបន្ថែមទើបប្រសើរ។

៥. ជីវ៉ាន់ស៊ុយ

សារធាតុក្លរ៉ូភីលក្នុងជីវ៉ាន់ស៊ុយមានលក្ខណៈសម្បត្តិប្រឆាំងបាក់តេរីដែលបំបែកសមាសធាតុ sulfur ទប់ស្កាត់បញ្ហាក្លិនមាត់មិនល្អ។

៦. ជីអង្កាម

ជីអង្កាមមានផ្ទុកសារធាតុ menthol និងលក្ខណៈសម្បត្តិប្រឆាំងបាក់តេរីជួយប្រយុទ្ធប្រឆាំងសារធាតុ halitosis ដែលបង្កបញ្ហាក្លិនខ្យល់ដង្ហើមមិនល្អបានយ៉ាងប្រសើរ។ អ្វីដែលអ្នកត្រូវធ្វើ គឺគ្រាន់តែទំពារស្លឹកជីអង្កាមមួយចំនួនក្នុងមាត់។ ស្ករកៅស៊ូផ្សំឡើងពីជីអង្កាមក៏មានប្រសិទ្ធភាពដូចគ្នា៕