ជាមួយគ្នានឹងការរកឃើញចំនួនអ្នកផ្ទុកជំងឺកូវីដ១៩ យ៉ាងច្រើនណាស់ទូទាំងពិភពលោក និងអ្នកស្លាប់យ៉ាងច្រើនដែរនោះ រាល់ប្រទេសដែលប៉ះពាល់នៅជុំវិញពិភពលោកបានអនុវត្តផែនការ កុំឲ្យជួបជុំគ្នា ឬមិនចេញពីផ្ទះបើសិនជាមិនចាំបាច់ដើម្បីបង្ការការឆ្លងជំងឺនេះ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ដើម្បីបន្ថយការទំនាក់ទំនងមនុស្សជុំវិញខ្លួន ការនៅតែផ្ទះទាំងស្រុងគ្រាន់តែមានប្រសិទ្ធភាពក្នុងការបង្អាក់ការឆ្លងជំងឺកូវីដ១៩ប៉ុណ្ណោះ។ ប៉ុន្តែវិធីសាស្រ្តថ្នាក់ជាតិបែបនេះ បានកំពុងតែធ្វើឲ្យមនុស្សជាច្រើនមានភាពស្រ្តេសខ្លាំងណាស់ ដោយសារតែមិនទាន់ឃើញមានភាពធូរស្រាលរបស់ជំងឺនេះនៅឡើយ។ ដូច្នេះតើអ្នកមានដឹងទេថា មានតេស្តមួយដែលអាចវាស់ដឹងថាអ្នកស្រ្តេសខ្លាំងប៉ុណ្ណាទេ?
អ័រម៉ូណស្រ្តេស Cortisol
អ័រម៉ូន Cortisol ត្រូវបានផលិតចេញពីក្រពេញលើតម្រងនោមនៅពេលរាងកាយជួបការឆ្លើយតបនឹងភាពភ័យខ្លាច។ វាក៏ជាប្រព័ន្ធគ្រប់គ្រងស្រ្តេសយ៉ាងសំខាន់របស់រាងកាយ ហើយក៏ជារបៀបដែលប្រាប់យើងឲ្យដឹងថា កំពុងតែមានការប្រកាសអាសន្នដែរ។ ក្រពេញលើតម្រងនោមនេះមាននាទីបញ្ចេញអ័រម៉ូន Adrenaline និង Cortisol នៅពេលរាងកាយជួបហេតុការណ៍ណាមួយដោយគិតថា វាគឺជាការគម្រាមគំហែង។
តេស្តឈាមរកមើល Cortisol
ខណៈពេលដែល ការមានអាការៈស្រ្តេសម្តងម្កាលគឺជារឿងធម្មតា និងអាចលើកទឹកចិត្តយើងឲ្យធ្វើការនោះ បើសិនជាអ្នកមានអារម្មណ៍ស្រ្តេសខ្លាំងពេក នោះវាអាចជាបញ្ហាទៅវិញទេ។ នៅពេលអ្នកស្រ្តេសជាប់រហូត វាអាចនឹងធ្វើឲ្យមុខងាររាងកាយជាច្រើនចុះខ្សោយ។ តេស្តរកមើលកម្រិត Cortisol អាចធ្វើឡើងដើម្បីចង់ដឹងថា វាមានចំនួនច្រើន ឬតិចពេក។ តេស្តនេះក៏អាចជួយរកមើលថាតើអ្នកកំពុងតែមានជំងឺមួយឈ្មោះថា Cushing Syndrome ឬ Addision’s Disease ឬអត់ដែរ។
គ្រូពេទ្យប្រហែលជាណែនាំឲ្យអ្នកធ្វើតេស្តឈាមរកមើលចំនួនអ័រម៉ូន Cortisol បើសិនជាគាត់ជឿថា កម្រិតអ័រម៉ូនមួយនេះរបស់អ្នកឡើងខ្ពស់ពេក។ ចាប់តាំងពីកម្រិតអ័រម៉ូន Cortisol មានការប្រែប្រួលពេញមួយថ្ងៃមក (ឡើងខ្ពស់នៅជុំវិញម៉ោង ៧ពញរឹក និងចុះទាបវិញនៅពេលល្ងាច) យកល្អគួរតែតាមដានពេលវេលានៅពេលធ្វើបូមឈាមទៅមើលផង។ (អាន:ថ្នាំងងុយគេង ពេលអ្នកគួរប្រើ)ជាធម្មតាមធ្យមភាគនៃអ័រម៉ូន Cortisol នៅពេលព្រឹក (ម៉ោង ៦ ទៅ៨ព្រឹក) អាចនៅចន្លោះ ៦ ទៅ ២៣ម៉ៃក្រូក្រាមក្នុងមួយដេស៊ីលីត្រ។ បើសិនជាអ័រម៉ូននេះឡើងខ្ពស់ពេក គ្រូពេទ្យប្រហែលជាធ្វើតេស្តបន្ថែមទៀតបើសិនជាគាត់យល់ថា អ្នកកំពុងតែមានជំងឺណាមួយក្នុងខ្លួនដែលធ្វើឲ្យចំនួនអ័រម៉ូន Cortisol ក្នុងឈាមឡើងខ្ពស់៕