Join with Health.com.kh on Telegram

ថ្វីបើសក់អ្នកកំពុងតែរឹងមាំក៏ដោយ តែវាអាចនឹងងាយខូចខាតវិញដោយសារតែសកម្មភាពប្រចាំថ្ងៃដែរ។ ចុងសក់គឺជាផ្នែកមួយដែលចាស់ជាតិគេ ដែលវាអាចចុះខ្សោយ និងបាត់បង់ស្រទាប់ការពាររបស់វាបាន។ យោងទៅតាមការស្រាវជ្រាវបានឲ្យដឹងថា រឿងនេះអាចបង្កឲ្យសក់បែកចុងរហូតដល់ធ្វើឲ្យផ្នែកខាងក្នុងរបស់សក់ប៉ះពាល់បាន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)កត្តាជាច្រើនដែលអាចនាំឲ្យសក់បែកចុងនោះមានដូចជា៖

  • ការប្រើសារធាតុគីមីលាបថ្នាំសក់
  • ការព្យាបាលដោយកម្តៅ
  • ការសិតសក់ដោយបង្ខំខ្លាំងពេក។ 

ជាអកុសល អ្នកមិនអាចព្យាបាល ឬជួសជុលសក់បែកចុងបានទេ។ ប៉ុន្តែមធ្យោបាយតែមួយដែលអ្នកអាចធ្វើបាននោះ គឺគ្មានអ្វីក្រៅពីការកាត់ផ្នែកដែលបែកចុងនោះចោលឡើយ។ ប៉ុន្តែអ្នកអាចប្រើវិធីបង្ការការសក់បែកចុងបានតាមរយៈវិធីដូចខាងក្រោមនេះ៖

ចូរថ្នមសក់បន្តិចក្រោយពីកក់សក់រួច

សក់ដែលសើមគឺងាយនឹងខូចខ្លាំងណាស់ ដូច្នេះយកល្អគួរតែថែទាំសក់ឲ្យបានល្អផងក្រោយពីកក់សក់ និងអប់សក់រួច។ អ្នកខ្លះមានទម្លាប់ញីសក់ឲ្យស្ងួតដោយប្រើកន្សែងពោះគោ តែវាគឺជារឿងមួយនាំឲ្យខូចសក់ទៅវិញទេ។ ការញីសក់ញឹកញាប់ពេកអាចធ្វើឲ្យសក់ខូចបាន។ ដូច្នេះចូរជំនួសការញីសក់ឲ្យស្ងួត មកទុកវាចោលឲ្យស្ងួតវិញ។ 

កុំចងសក់

ការចងសក់ច្រើន មិនខ្វល់ថាពេលសក់ស្ងួត ឬសើមទេ សុទ្ធតែពិបាកក្នុងការសិត។ ដូច្នេះចូរកុំចងសក់ឡើយមុនពេលស្ងួត ឬសិតសក់។ យកល្អគួរតែប្រើប្រាស់ក្រាសសិតសក់ដែលមានធ្មេញធំៗ ព្រោះវាអាចធ្វើឲ្យក្រាសនោះសិតសក់បានល្អដោយមិនធ្វើឲ្យខូចខាតដល់ចុងសរសៃសក់ ឬខូចសរសៃសក់បាន។ 

បង្គ្រប់ជាតិទឹកដល់សរសៃសក់

ការផ្តល់សំណើមគឺជាគន្លឹះដ៏សំខាន់សម្រាប់បង្ការសក់បែកចុង។ ភាពស្ងួតអាចធ្វើឲ្យសរសៃសក់ចុះខ្សោយបាន ជាពិសេសចុងសក់តែម្តង ហើយក៏ធ្វើឲ្យបែកចុងបានដែរ។ ដើម្បីផ្តល់សំណើមដល់សរសៃសក់ ចូរប្រើធ្វើម៉ាសដើម្បីបិតសក់ម្តងក្នុងមួយសប្តាហ៍។ អ្នកអាចជ្រើសរើសធាតុផ្សំដូចជា ប្រេងដូច ប្រទាលកន្ទុយក្រពើ ទឹកឃ្មុំ ប្រេងអូលីវ ឬផ្លែចេក។ 

គេងនៅលើស្រោមខ្នើយធ្វើពីសរសៃសូត្រ

ការការពារសរសៃសក់នៅពេលយប់ក៏អាចបង្ការសក់បែកចុងបានដែរ។ (អាន:ថ្នាំងងុយគេង ពេលអ្នកគួរប្រើ)ការគេងលើស្រោមខ្នើយដែលធ្វើពីសរសៃសូត្រអាចបន្ថយភាពកកិតខូចជាងការគេងលើស្រោមខ្នើយប្រភេទផ្សេងពីនេះ។ សរសៃសូត្រអនុញ្ញាតិឲ្យសក់កកិតលើយ៉ាងរហអិល និងស្រួល៕