ជំងឺសរសៃឈាមបេះដូងកើតឡើងនៅពេលដែលសរសៃឈាមធំៗរបស់បេះដូងរងការខូចខាត ឬមានជំងឺ។ សរសៃឈាមទាំងនេះអាចរួមតូច ឬក្រិនរឹងដោយសារតែការកើនឡើងកំណកខ្លាញ់ក្នុងសរសៃឈាម។ អាការៈនៃជំងឺសរសៃឈាមបេះដូងអាចប្រែប្រួលពីមនុស្សម្នាក់ទៅមនុស្សម្នាក់ទៀត។ អ្នកខ្លះមិនមានអាការៈអ្វីទាំងអស់តែម្តង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)នៅពេលមានអាការៈមែន វាអាចមានលក្ខណៈជាការឈឺចាប់នៅទ្រូងដូចជា តឹង ក្រហាយ ឬធ្ងន់ជុំវិញទ្រូង។ អាការៈផ្សេងៗទៀតមានដូចជា៖
- បែកញើស
- ឈឺបែបរមួល
- ចង្អោ
- ពិបាកដង្ហើម។
ខាងក្រោមនេះគឺជាអាហារមួយចំនួនដែលអ្នកគួរតែបញ្ចូលក្នុងរបបអាហារនៅពេលមានជំងឺសរសៃឈាមបេះដូង៖
ផ្លែឈើ និងបន្លែស្រស់
ការបង្កើនការញ៉ាំអាហារធ្វើពីរុក្ខជាតិអាចពង្រឹងដល់ជំងឺបេះដូង និងជួយបង្ការជំងឺគាំងបេះដូង និងបេះដូងឈប់លោតបាន។ បន្លែ និងផ្លែឈើសុទ្ធតែផ្ទុកទៅដោយវីតាមីន និងជីវជាតិផ្តល់សុខភាពដែលជំរុញដល់សុខភាពបបេះដូងទាំងអស់។ ចាប់តាំងពីវាក៏ជាប្រភពដ៏អស្ចារ្យនៃជាតិសរសៃមក បន្លែ និងផ្លែឈើនឹងជួយបញ្ចុះកូឡេស្តេរ៉ុល និងការពារបេះដូងបានទៀត។
គ្រាប់ធញ្ញជាតិ
ការញ៉ាំគ្រាប់ធញ្ញជាតិក៏អាចជំរុញដល់សុខភាពបេះដូង និងបបន្ថយឥទ្ធិពលអវិជ្ជមានរបស់ជំងឺសរសៃឈាមបេះដូងដែរ។ ដូចគ្នានឹងបន្លែ និងផ្លែឈើដែរ គ្រាប់ធញ្ជាតិគឺជាអាហារមានជីវជាតិខ្លាំង និងជាប្រភពដ៏ឆ្លាតវៃនៃជាតិសរសៃទៀត។ ក្រៅពីនេះ វាក៏អាចជួយសម្រួលដល់កូឡេស្តេរ៉ុលក្នុងឈាម និងសម្ពាធឈាមថែមទៀត។
ខ្លាញ់ផ្តល់សុខភាព
បើសិនជាអ្នកមានជំងឺសរសៃឈាមបេះដូង អ្នកគួរតែគិតថា រាល់ខ្លាញ់ទាំងអស់មិនមែនអាក្រក់ទាំងអស់ឡើយ។ ការពិតនោះគឺថា ការញ៉ាំខ្លាញ់ផ្តល់សុខភាពក្នុងកម្រិតមធ្យមអាចជារឿងល្អសម្រាប់សុខភាពបេះដូង។ ខ្លាញ់ផ្តល់សុខភាពអាចបញ្ចុះកូឡេស្តេរ៉ុល និងការពារជំងឺគាំងបេះដូង និងដាច់សរសៃឈាមខួរក្បាលថែមទៀត។ ខ្លាញ់ផ្តល់សុខភាពមានដូចជា Monunsaturated និង Polyunsaturated Fat ដែលអ្នកអាចរកបានក្នុង៖
- ប្រេងអូលីវ
- ប្រេងល្ហុង
- ផ្លែប័រ
- គ្រាប់ធញ្ញជាតិ និងគ្រាប់ផ្លែឈើ។
ប្រូតេអ៊ីនសុទ្ធ
ការញ៉ាំប្រូេតអ៊ីនក៏នាំឲ្យមានសុខភាពល្អដែរ។ ប៉ុន្តែចូរជ្រើសរើសប្រូតេអ៊ីនណាដែលមានខ្លាញ់តិច។ (អាន:ថ្នាំងងុយគេង ពេលអ្នកគួរប្រើ)ជម្រើសផ្តល់សុខភាពនោះមានដូចជា ប្រភេទនៃត្រីដែលសម្បូរអាស៊ីតខ្លាញ់អូមេហ្គាបី ព្រោះវាអាចជួយបញ្ចុះកូឡេស្តេរ៉ុល និងខ្លាញ់ Triglycerides បាន៕