ជាធម្មតាទារកដែលទើបនឹងកើតគួរតែបំបៅនៅរៀងរាល់៣ទៅ៤ម៉ោងម្តង ប៉ុន្តែអ្នកក៏ត្រូវតែគិតពីពេលវេលាដែលបៅរបស់កូនមកលៃលកបរិមាណនៃទឹកដោះគោរបស់កូនដែរ ម្យ៉ាងទៀតម្សៅទឹកដោះគោ និងទឹកដោះម្តាយគឺមានល្បឿនរំលាយមិនដូចគ្នាទេ ហើយនៅពេលដែលអ្នកបំបៅកូន អ្នកក៏ត្រូវប្រយ័ត្ននូវចំនុចមួយចំនួនដែរ។ តើមានអ្វីខ្លះទៅ?
- ទារកដែលទើបនឹងកើតមានប្រពន្ធ័ការពាររាងកាយខ្សោយណាស់ ដូចនេះនៅពេលដែលអ្នកយកដបទឹកដោះគោមកប្រើ អ្នកគួរតែសម្អាតដប និងក្បាលដបទឹកដោះគោឱ្យបានស្អាត រួមជាមួយសម្លាប់មេរោគ ទើបកូនមិនមានជំងឺឆ្លងផ្សេងៗ។
- មិនថាអ្នកយកទឹកដោះម្តាយច្រកក្នុងដប រួចយកមកបំបៅកូន ឬឆុងម្សៅទឹកដោះគោទេ អ្នកត្រូវតែប្រយ័ត្នពីសីតុណ្ហភាពនៃទឹកដោះគោ ទើបមិនប៉ះពាល់ដល់សុខភាពកូន ដោយមុនពេលដែលយកទៅបំបៅកូន អ្នកគួរតែតក់លើដៃដើម្បីស្ទង់ពីសីតុណ្ហភាពនៃទឹកដោះគោ។
- នៅពេលដែលកូនយំ អ្នកមិនត្រូវប្រញាប់បំបៅកូនឡើយ អ្នកត្រូវតែឆែកមើលពីខោទឹកនោម ឬពីមូលហេតុផ្សេងៗជាមុនសិន ដើម្បីចៀសវាងកូនបៅហួសកំណត់ ដែលអាចធ្វើឱ្យគេពិបាករំលាយអាហារ។
- នៅពេលដែលអ្នកឆុងទឹកដោះគោឱ្យកូន អ្នកត្រូវតែមើលដបនៃក្បាលដោះតូចឬធំ បើតូចពេក អ្នកមិនត្រូវឆុងខាប់ពេកទេ ព្រោះធ្វើឱ្យកូនពិបាកបៅ ហើយក៏ពិបាករំលាយអាហារផងដែរ។
- ក្រោយពេលដែលអ្នកបំបៅទឹកដោះគោកូនរួចអ្នកត្រូវតែគោះខ្នងរបស់កូនថ្នមៗដើម្បីចៀសវាងកូនក្អែរទឹកដោះគោចេញមក្រៅវិញ៕
ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
