សម្បកឈើអ៊ែមគឺជាគ្រឿងផ្សំធ្វើម្ហូបមួយប្រភេទដែលមានភាពពេញនិយមយ៉ាងខ្លាំង។ សារធាតុដែលមានក្នុងគ្រឿងផ្សំមួយនេះគឺអង់ទីអូកស៊ីដង់ និងសារធាតុប្រឆាំងការរលាក។ វាក៏ជួយដល់ការព្យាបាលជំងឺបេះដូងសរសៃឈាម និងពង្រឹងដល់សុខភាពពោះវៀនផងដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

អត្ថប្រយោជន៍មួយចំនួនរបស់សម្បកឈើអ៊ែមចំពោះសុខភាពមានដូចជា៖

សម្រួលដល់ជាតិស្ករក្នុងឈាម

ម្សៅសម្បកឈើអ៊ែមប្រហែលជាជួយដល់ការបញ្ចុះជាតិស្ករក្នុងឈាមបាន ដូច្នេះវាត្រូវបានគេចាត់ទុកថាមានប្រយោជន៍សម្រាប់អ្នកជំងឺទឹកនោមផ្អែម ដោយសារតែអាចគ្រប់គ្រងអាការៈរបស់ជំងឺទឹកនោមផ្អែមប្រភេទទី២បាន។ 

បញ្ចុះកូឡេស្តេរ៉ុល

ការញ៉ាំសម្បកឈើអ៊ែមក៏អាចជួយបន្ថយចំនួនកូឡេស្តេរ៉ុលបានដែរ ដូច្នេះវាអាចជួយបញ្ចុះចំនួនអាស៊ីតខ្លាញ់ពីក្នុងឈាមបានទៀត។ 

ព្យាបាលជំងឺមុន

ការលាបល្បាយផ្សំគ្នារវាងទឹកឃ្មុំ និងម្សៅសម្បកឈើអ៊ែមអាចជួយព្យាបាលជំងឺមុនបានយ៉ាងល្អ។ សម្បកឈើអ៊ែមអាចជួយគ្រប់គ្រងជំងឺមុនដែលបង្កឡើងដោយបាក់តេរីបាន។ 

បន្ថយការរលាក

សារធាតុដែលមានក្នុងសម្បកឈើអ៊ែមគឺ Cinnamaldehyde អាចមានប្រសិទ្ធភាពយ៉ាងអស្ចារ្យក្នុងការបំបាត់ការហើម ហើយវាក៏សម្បូរទៅដោយសារធាតុប្រឆាំងការរលាក ក្នុងការជួយទប់ស្កាត់សារធាតុដែលជាប់ទាក់ទងនឹងការលូតលាស់កោសិកាមិនធម្មតាដែរ។ 

ប្រឆាំងបាក់តេរី និងការបង្ករោគផ្សិត

ដោយសារតែសម្បកឈើអ៊ែមសម្បូរទៅដោយសារធាតុប្រឆាំងការរលាក ដូច្នេះវាអាចប្រឆាំងនឹងការបង្ករោគ និងព្យាបាលការបង្ករោគនៅផ្លូវដង្ហើមបានដែរ។ និយាយរួមគឺអាចគ្រប់គ្រងការលូតលាស់បាក់តេរី។ ការដែលសម្បូរទៅដោយសារធាតុសម្លាប់មេរោគរបស់សម្បកឈើអ៊ែម នឹងជួួបង្ការបញ្ហាផ្លូវដង្ហើមអាក្រក់ៗនិងបង្ការការពុកធ្មេញថែមទៀត។ 

ជួយបន្ថយភាពចាស់របស់អាយុ

សារធាតុចម្រាញ់ចេញពីសម្បកឈើអ៊ែមអាចជួយបន្ថយអាការៈនៃការចាស់ទៅតាមអាយុ និងជួយថែរក្សាស្បែកឲ្យរលោងស្អាត និងទន់ ដោយមើលទៅកាន់តែក្មេងជាងវ័យថែមទៀត។ 

បន្ថយការប្រឈមនឹងជំងឺបេះដូង

សារធាតុដែលមានក្នុងសម្បកឈើអ៊ែមក៏ប្រហែលជាអាចជួយបន្ថយការប្រឈមនឹងជំងឺបេះដូងសរសៃឈាមបាន ហើយវាក៏ប្រហែលជាបន្ថយចំនួនកូឡេស្តេរ៉ុលក្នុងឈាមថែមទៀត។ (អាន:ថ្នាំងងុយគេង ពេលអ្នកគួរប្រើ)សម្បកឈើអ៊ែមក៏អាចជួយគ្រប់គ្រងសម្ពាធឈាមបាន ដូច្នេះវានឹងមានប្រយោជន៍ក្នុងការបន្ថយការប្រឈមជំងឺបេះដូងថែមទៀត៕