ចង់ឱ្យក្បាលពោះតឹងណែនរាបស្មើជាងមុនមិនពិបាកឡើយ ក្រៅពីការធ្វើលំហាត់ប្រាណអាហារមួយចំនួនក៏មានឥទ្ធិពលបន្ថយខ្លាញ់ក្បាលពោះបានផងដែរ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើអាហារទាំងនេះមានអ្វីខ្លះ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអាហារដែលអ្នកគួរព្យាយាមទទួលទានដើម្បីកម្ចាត់ខ្លាញ់ក្បាលពោះ ៖
១. ក្រូចថ្លុង
ក្រៅពីមានប្រសិទ្ធភាពបន្ថយកម្រិតអាំងស៊ុយលីននិងរក្សាកម្រិតជាតិស្ករក្នុងឈាមប្រក្រតីហើយនោះ ផ្លែឈើនេះក៏ជួយពន្លឿនដំណើរការនៃការស្រកទម្ងន់បានផងដែរ។ ក្រូចថ្លុងមានផ្ទុកនូវអង់ស៊ីមដុតបំផ្លាញជាតិខ្លាញ់ក្នុងបរិមាណខ្ពស់។ អង់ស៊ីមទាំងនោះមិនត្រឹមតែជួយបង្កើនសកម្មភាពនៃការរំលាយអាហារប៉ុណ្ណោះទេ ប៉ុន្តែវាក៏អាចជួយបង្កើនថាមពលរបស់អ្នកទៀតផង។
២. ម្ទេសក្រហម
នេះក៏ព្រោះតែម្ទេសក្រហមមានផ្ទុកសារធាតុ capsaicin ដែលជួយដុតបំផ្លាញជាតិខ្លាញ់គួរឱ្យកត់សម្គាល់។
៣. ត្រីសម្បូរខ្លាញ់
ជាប្រភពដ៏ប្រសើរនៃអាស៊ីតខ្លាញ់អូមេហ្កា ៣ ដែលក្រៅពីបញ្ចុះកម្រិតកូឡេស្តេរ៉ូលមិនល្អប្រសើរសម្រាប់សុខភាពសសៃឈាមបេះដូងហើតនោះ ត្រីសម្បូរខ្លាញ់ក៏ជួយឱ្យស្រកទម្ងន់ដោយជួយឱ្យឆាប់ឆ្អែតបន្ថយបរិមាណកាឡូរី។
៤. ទឹកខ្មេះផ្លែប៉ោម
អាស៊ីតអាសេទិកក្នុងទឹកខ្មេះផ្លែប៉ោមធ្វើឱ្យវាក្លាយជាអ្វីមួយដែលអ្នកគួររួមបញ្ចូលក្នុងរបបអាហារប្រចាំថ្ងៃដើម្បីទទួលបានក្បាលពោះតឹងណែនរាបស្មើ។ អាស៊ីតនេះជួយដុតបំផ្លាញខ្លាំងក្បាលពោះឆាប់រហ័ស ហើយថែមទាំងទប់ស្កាត់ការស្តុកទុកនូវជាតិខ្លាញ់ក្នុងពេលជាមួយគ្នាទៀតផង។ អ្នកអាចលាយទឹកខ្មេះផ្លែប៉ោមជាមួយទឹកឃ្មុំ ឬខ្ញីបន្តិចដើម្បីពន្លឿនដំណើរការដុតបំផ្លាញជាតិខ្លាញ់។
៥. ខ្ញី
ខ្ញីជាភ្នាក់ងារ thermogenic មានប្រសិទ្ធិភាពបង្កើនការរំលាយអាហារ និងដុតរំលាយជាតិខ្លាញ់បានយ៉ាងប្រសើរតាមរយៈការបង្កើនសីតុណ្ហភាពក្នុងរាងកាយ។
៦. ត្រសក់
មានផ្ទុកជាតិទឹកខ្ពស់ដែលជួយឱ្យឆាប់ឆ្អែត ហើយឆ្អែតបានយូរ។ អ្វីដែលសំខាន់ទៀតនោះ គឺត្រសក់ថែមទាំងមានផ្ទុកកាឡូរីទាប ប៉ុន្តែជាតិសសៃខ្ពស់ដែលជួយគ្រប់គ្រងទម្ងន់ និងកម្ចាត់ខ្លាញ់ដែលលើស។ ត្រសក់ជាជម្រើសនៃបន្លែដ៏ល្អបំផុតមួយសម្រាប់កម្ចាត់ខ្លាញ់ក្បាលពោះ៕