ការច្រាលអាស៊ីតពីក្រពះកើតឡើងនៅពេលដែលអាស៊ីតក្រពះស្រាប់តែច្រាលឡើងទៅបំពង់កតែម្តង ដែលរឿងនេះអាចហៅម៉្យាងទៀតថា GERD (Gastroesophageal Reflux Disease) ដោយភាគច្រើនបញ្ហានេះកើតឡើងនៅពេលយប់ ដោយយើងអាចសម្គាល់ដឹងតាមរយៈការក្រហាយដើមទ្រូង ឬក្រោយញ៉ាំអាហាររួច។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
មនុស្សភាគច្រើនក៏ជួបបញ្ហាច្រាលអាស៊ីតពីក្រពះនៅពបេលព្រឹកដែរ។ ដូច្នេះតើវាគួរតែជារឿងគួរបារម្ភទេ? អាការៈញឹកញាប់បំផុតនៃការច្រាលអាស៊ីតពីក្រពះគឺក្រហាយដើមទ្រូង។ អាការៈផ្សេងៗទៀតមានដូចជា៖
- ច្រាលអាហារឡើងមកបំពង់ក ដែលនាំឲ្យមានរសជាតិជូរក្នុងមាត់ ឬបំពង់ក
- ពិបាកលេបអាហារ និងជាប់ទាក់ទងនឹងការមានអារម្មណ៍ថា អាហារជាប់ក្នុងបំពង់ក
- ចង្អោ
- ឈឺទ្រូង
- សម្លេងស្អក ឬឈឺបំពង់ករ៉ាំរ៉ៃ
- ក្អកស្ងួត
ពេលដែលគួរតែទៅជួបគ្រូពេទ្យ៖
- ក្រោយពេលប្រើថ្នាំបំបាត់ការក្រហាយទ្រូងដោយខ្លួនឯងរួចរយៈពពេលពីរបីដងក្នុងមួយសប្តាហ៍ហើយមិនបានធូរស្រាល
- អាការៈនេះកើតឡើងញឹកញាប់ ឬធ្ងន់ធ្ងរ
- ពិបាកដកដង្ហើម
- ឈឺដៃ
- ឈឺថ្គាម។
អ្នកអាចធ្វើរឿងខាងក្រោមនេះដើម្បីចៀសវាងការភ្ញាក់ពីគេងមកចេះតែជូរក្នុងមាត់ ឬបំពង់កទៀត៖
- គេងធ្វើយ៉ាងណាឲ្យខ្លួនខ្ពស់ជាងចង្កេះ
- ឈប់ញ៉ាំអាហារ ៣ម៉ោងមុនចូលគេង
- នៅឲ្យឆ្ងាយពីអាហារដែលតែងតែធ្វើឲ្យច្រាលអាស៊ីតដូចជា កាហ្វេ សូកូឡា ខ្ទឹមស ខ្ទឹមបារាំង និងជីអង្គាម
កត្តាដែលធ្វើឲ្យប្រឈមនឹងជំងឺច្រាលអាស៊ីតក្រពះមានដូចជា៖
- ជាមនុស្សធាត់ជ្រុល(អាន:ថ្នាំងងុយគេង ពេលអ្នកគួរប្រើ)
- ជក់បារី
- មានជំងឺក្លន Hiatal Hernia
- ប្រើថ្នាំធ្វើឲ្យសាច់ដុំខ្ជឹបនៅបំពង់ករធូរ៕