ភាពភ័យខ្លាចរបស់វីរុសកូរ៉ូណាបានបង្ខំឲ្យមនុស្សជាច្រើនត្រូវសង្ងំក្នុងផ្ទះ និងរស់នៅការពារខ្លួនខ្លាំងដើម្បីកុំឲ្យឆ្លងវីរុសដ៏កាចសាហាវមួយនេះ។ ប៉ុន្តែតើការរស់នៅឆ្ងាយពីគ្នា ឬកុំឲ្យជិតគ្នាបែបនេះគួរតែចៀសវាងរឿងគ្រប់យ៉ាងដែលត្រូវធ្វើជាមួយគ្នាដែរឬយ៉ាងណា?(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
តើមានសកម្មភាពរួមភេទណាមួយដែលមានសុវត្ថិភាពទេ ឬក៏ត្រូវអត់តែម្តង?
ការនៅឆ្ងាយពីគ្នា ឬសង្គមដែលមានមនុស្សជុំបែបនេះ មានន័យថា គឺជាការអនុវត្តការរស់នៅដាច់ដោយឡែកពីគេតែឯង និងចៀសឆ្ងាយពីការជួបជុំគ្នាច្រើន។ ប៉ុន្តែសម្រាប់ការងារលើគ្រែវិញ ជាពិសេសការងារដែលត្រូវធ្វើជាមួយគ្នារវាងមនុស្សពីរនាក់នោះ គួរតែចៀសដែរឬអត់? នៅពេលនិយាយដល់ការរួមភេទវិញ វាក៏អាចជារឿងមួយភ័ណ្ឌច្រឡំតិចតួចដែរដើម្បីដឹងថា តើវាមានសុវត្ថិភាពឬអត់។
ខណៈពេលដែលការលក់ស្រោមអនាម័យ និងថ្នាំពន្យាកំណើតកំពុងតែកើនឡើង គេក៏បានដាក់បម្រាម និងណែនាំដល់មនុស្សជាច្រើនឲ្យមានការប្រុងប្រយ័ត្នអំពីសុខភាពផ្លូវភេទរបស់ពួកគេដែរ។ ដូច្នេះវាក៏បានក្លាយទៅជាសំណួរមួយចោទសួរថា តើការរួមភេទក្នុងស្ថានភាពផ្ទុះជំងឺកូវីដ១៩នេះមានសុវត្ថិភាពដែរឬអត់?
ដូច្នេះតើអ្នកអាចរួមភេទដោយសុវត្ថិភាពដោយមិនបាច់ភ័យខ្លាចចំពោះវីរុសកូរ៉ូណាដែរទេ?
វានៅមិនទាន់មានចម្លើយណាមួយត្រឹមត្រូវនៅឡើយទេ។ វាគឺជារឿងធម្មជាតិសុទ្ធសាតក្នុងការមានចំណង់ផ្លូវភេទខ្លាំង។ ប៉ុន្តែការរស់នៅដាច់ដោយឡែកពីមនុស្សជុំវិញខ្លួន និងចៀសវាងការស្និទ្ធស្នាលគ្នាអាចជារឿងដ៏ល្អមួយក្នុងការបង្ការការរាលដាលរបស់វីរុសបាន។
ការចម្លងរបស់វីរុសជាច្រើនកើតឡើងតាមរយៈការប៉ះពាល់ទឹកសរីរៈ និងផ្លូវភេទ ដូចជា វីរុសអេដស៍ និងហ្ស៊ីកាជាដើម។ ចំពោះវីរុសកូរ៉ូណាថ្មីវិញ វាច្រើនតែចម្ងលតាមរយៈដំណក់ផ្លូវដង្ហើម ទឹកមាត់ សម្បោរ ឬទឹកចេញពីលាមកផងដែរ នៅពេលអ្នកជំងឺក្អក ឬកណ្តាសនៅជិតយើងតិចជាង ២ម៉ែត្រ។ ដោយសារតែវាជាវីរុសដែលថ្មី ដូច្នេះវាមិនទាន់មានអំណះអំណាងណាមួយបញញជាក់ថា អាចរាលដាលតាមរយៈការរួមភេទដូចវីរុសផ្សេងឡើយ។
ប៉ុន្តែចាប់តាំងពីវីរុសកូរ៉ូណាថ្មីនេះកើតឡើង និងមានអាការៈដូចជំងឺផ្តាសាយមក អ្នកជំនាញជាច្រើនបានណែនាំថា វាអាចងាយនឹងចម្លងជំងឺនេះទៅអ្នកដទៃបានបើសិនជាអ្នកឈឺឬមានទំនាក់ទំនងស្និទ្ធស្នាលពេលចាប់ផ្តើមចេញរោគសញ្ញា។ ដូច្នេះ វាច្រើនតែត្រូវបានគេនិយាយថា នៅពេលមនុស្សម្នាក់កំពុងតែមានជំងឺផ្លូវដង្ហើម វាគឺជារឿងល្អបំផុតក្នុងការចៀសវាងការទំនាក់ទំនងផ្លូវកាយ។ មានន័យថា រាល់ការថើប ឬអោបគឺជារឿងដែលត្រូវឈប់ធ្វើក្នុងពេលវេលាមួយនេះ។ (អាន:ថ្នាំងងុយគេង ពេលអ្នកគួរប្រើ)
ប៉ុន្តែបើសិនអ្នករស់នៅជាមួយនរណាម្នាក់ដែលមិនមានជំងឺ (គិតថាមានសុខភាពល្អហើយ) វាក៏មិនមានការប្រឈមមុខអ្វីច្រើនដែរ តែត្រូវមានទម្លាប់អនាម័យឲ្យមានសុវត្ថិភាពផងមុនពេល និងក្រោយពេលរួមភេទ៕