មានរឿងខ្លះដែលយើងដឹងយ៉ាងច្បាស់ថា គ្រឿងស្រវឹងអាចប៉ះពាល់ដល់សុខភាពរបស់យើងប៉ុណ្ណា ប៉ុន្តែខ្លះទៀតប្រហែលជាគ្រប់គ្រាន់នឹងធ្វើឲ្យអ្នកមានការភ្ញាក់ផ្អើលដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ខាងក្រោមនេះគឺជាឥទ្ធិពលរបស់គ្រឿងស្រវឹងចំពោះសុខភាពមនុស្សយើងដែលមិនសូវមាននរណាបានដឹងច្រើនឡើយ។
ញ៉ាំគ្រឿងស្រវឹងនឹងរំខានដល់មុខងារផ្សេងៗទៀតក្នុងរាងកាយ
នៅពេលអ្នកញ៉ាំគ្រឿងស្រវឹង រាងកាយនឹងជ្រើសរើសរំលាយវាចោលខ្លាំងជាងគេ ហើយក៏ខ្លាំងជាអ្វីផ្សេងទៀតដែរ។ វាមិនដូចប្រូតេអ៊ីន កាបូអ៊ីដ្រាត និងខ្លាញ់ឡើយ រាងកាយយើងមិនមាននាទីរក្សាទុកគ្រឿងស្រវឹងក្នុងខ្លួនទេ ដូច្នេះវាត្រូវតែបញ្ចេញចោលមុនគេ។ ហេតុដូច្នេះហើយវាអាចនឹងប៉ះពាល់ដល់ថ្លើម ដោយសារតែថ្លើមមាននាទីច្រោះជាតិពុល និងបញ្ចេញជាតិស្រវឹងនេះពីក្នុងឈាម។
ប្រមឹកនឹងគ្រឿងស្រវឹងពេកអាចធ្វើឲ្យបាក់តេរីលូតលាស់ច្រើនក្នុងពោះវៀន
រឿងនេះអាចធ្វើឲ្យបាក់តេរីដែលដុះនោះជ្រៀងចូលទៅក្នុងជញ្ជាំងពោះវៀន ហើយចូលដល់ថ្លើមទៀតរហូតដល់ខូចថ្លើមបាន។
ញ៉ាំគ្រឿងស្រវឹងច្រើនពេកមានផលអាក្រក់ចំពោះថ្លើម
វាអាចធ្វើឲ្យបេះដូងចុះខ្សោយ ដោយសារតែជំងឺសាច់ដុំបេះដូង និងបេះដូងលោតខុសចង្វាក់។ វាក៏ធ្វើឲ្យមនុស្សយើងប្រឈមកាន់តែខ្ពស់នឹងការលើសសម្ពាធឈាមផងដែរ។
អ្នកអាចកើតជំងឺរលាកលំពែងបាន
មនុស្សដែលញៀននឹងគ្រឿងស្រវឹង ប្រឈមខ្លាំងនឹងការរលាកលំពែងណាស់។
មហារីក
ការញ៉ាំគ្រឿងស្រវឹងច្រើនពេកអាចធ្វើឲ្យអ្នកងាយនឹងប្រឈមជំងឺមហារីកមួយចំនួនដូចជា មហារីកមាត់ បំពង់ក ថ្លើម និងសុដន់។
ប្រព័ន្ធភាពស៊ាំចុះខ្សោយ
បើសិនជាអ្នកញ៉ាំគ្រឿងស្រវឹងរាល់ថ្ងៃ នោះអ្នកប្រហែលជាសម្គាល់ឃើញថា ខ្លួនឯងងាយនឹងផ្តាសាយ ឬមានជំងឺផ្សេងៗទៀតជាញឹកញាប់ជាងអ្នកមិនបានញ៉ាំច្រើនបែបនេះ។ (អាន:ថ្នាំងងុយគេង ពេលអ្នកគួរប្រើ)នេះដោយសារតែគ្រឿងស្រវឹងអាចធ្វើឲ្យប្រព័ន្ធភាពស៊ាំចុះខ្សោយ និងរាងកាយងាយឆ្លងការបង្ករោគ៕