អ្នកប្រហែលជាមានបំណងចង់សម្អាតទ្វារមាសរបស់ខ្លួនជារៀងរាល់ថ្ងៃជាមួយនឹងសាប៊ូ ឬស្ព្រាយអនាម័យហើយ ប៉ុន្តែការអនុវត្តវិធីទាំងនេះអាចបង្កគ្រោះថ្នាក់ជាងផលល្អទៅវិញទេ។ ដើម្បីទ្វារមាសមានសុខភាពល្អ ចូរលាងសម្អាតទ្វារមាសជាមួយនឹងទឹកក្តៅឧណ្ហៗតែប៉ុណ្ណោះដើម្បីកុំឲ្យរំខានដល់កម្រិត pH ធម្មជាតិរបស់ទ្វារមាស ផ្លាស់ប្តូរផលិតផលសម្អាតឈាមរដូវជាញឹកញ៉ាប់ដើម្បីបង្ការការលូតលាស់របស់បាក់តេរី និងជូតសម្អាតទឹកនោម ឬលាមកពីមុខទៅក្រោយ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) យ៉ាងណាមិញ បើសិនជាអ្នកអាចទម្លាប់ធ្វើរឿងខាងក្រោមនេះបន្ថែមទៀត នោះទ្វារមាសនឹងកាន់តែមានសុខភាពល្អថែមទៀតហើយ៖
ចូរពាក់ខោទ្រនាប់ដែលធ្វើពីសាច់កាតុង ឬកុំស្លៀកខោទ្រនាប់តែម្តង
ខោទ្រនាប់ធ្វើពីសាច់ក្រណាត់កាតុង ងាយនឹងស្ងួតលឿន និងអនុញ្ញាតិឲ្យមានខ្យល់ចេញចូលបានស្រួល។ រឿងនេះនឹងបង្ការការហប់ខ្លាំងដែលជំរុញដល់ការលូតលាស់មេរោគផ្សិត និងបាក់តេរីមិនផ្តល់សុខភាពបង្ករោគបាន។ អ្នកក៏អាចបង្ការរឿងនេះបានតាមរយៈការមិនស្លៀកខោទ្រនាប់ដែរ។
ស្លៀកខោអាវដែលរលង់ៗ
ខោខ្លីដែលរឹបៗ ខោទ្រនាប់តឹងៗ គ្រាន់តែធ្វើឲ្យកើតជាសំណើមដល់ស្បែក និងមិនឲ្យមានខ្យល់ចេញចូលដល់ស្បែកបានទេ ហើយវាក៏ច្រើនតែនាំឲ្យមានការបង្ករោគផ្សិតថែមទៀតដែរ។ ចូរព្យាយាមស្លៀកខោអាវធូរៗ ដើម្បីស្បែកអាចដកដង្ហើមបាន។ បើអាចចូរជ្រើសរើសការស្លៀកសំពត់ ឬរ៉ូបជាញឹកញាប់វិញក៏បានដែរ។
ចូរផ្លាស់ប្តូរខោអាវដែលសើមៗចេញភ្លាម
ការស្លៀកខោអាវដែលសើមដោយសារតែងូតទឹក ឬហាត់ប្រាណរយៈពេលពីរបីម៉ោង ពិតជាងាយធ្វើឲ្យមានការបង្ករោគផ្សិតខ្លាំងណាស់។ ចូរប្រាកដថា អ្នកបានផ្លាស់ប្តូរមកស្លៀកសម្លៀកបំពាក់ដែលស្អាត ខោទ្រណាប់ដែលស្ងួតលឿនបំផុតក្រោយពីងូតទឹក ឬហាត់ប្រាណរួច។
ចូរលាងសម្អាតក្រោយរួមភេទរួច
នៅពេលអ្នករួមភេទជាមួយដៃគូ អ្នកកំពុងតែបើកដៃឲ្យបាក់តេរី និងសារធាតុផ្សេងៗទៀតចូលទៅបង្កការរលាកដល់ទ្វារមាសណាស់ ហើយក៏ធ្វើឲ្យមានការបង្ករោគផងដែរ។ ដំណោះស្រាយគឺថា ចូរលាងសម្អាតទ្វារមាសជាមួយនឹងទឹកក្តៅឧណ្ហៗក្រោយពីរួមភេទរួច។ រឿងនេះនឹងកាត់បន្ថយឱកាសនៃការបង្ករោគ និងក្លិនមិនល្អកើតមានទៀត។
នោមក្រោយរួមភេទរួច
ចូរនោមភ្លាមក្រោយរួមភេទរួច ទោះបីជាអ្នកត្រូវការលាងសម្អាតហើយក៏ដោយ។ នៅពេលអ្នករួមភេទ បាក់តេរីមិនល្អអាចជ្រៀតចូលទៅក្នុងបង្ហួរនោម ដែលជាប់ទៅនឹងប្លោកនោមបាន។ ការនោមក្រោយរួមភេទរួចអាចជួយច្រោះបាក់តេរីចេញពីក្នុងទ្វារមាស ហើយជំរុញដល់ការមានសុខភាពល្អ និងចៀសវាងការបង្ករោគនៅក្នុងផ្លូវទឹកម៉ូត្របាន។
ព្យាយាមប្រើស្រោមអនាម័យ
កម្រិត pH របស់ទឹកកាមគឺធម្មតា ខណៈពេលដែល pH របស់ទ្វារមាសមានលក្ខណៈជាអាស៊ីត។ នៅពេលទឹកនោមទុកចោលក្នុងទ្វារមាសក្រោយរួមភេទរួច វាអាចនឹងបង្កអតុល្យភាពដល់ទ្វារមាស ដែលជាហេតុនាំឲ្យវាងាយនឹងលូតលាស់បាក់តេរីក្នុងនោះបាន។ ការប្រើប្រាស់ស្រោមអនាម័យ ឬវិធីបង្ការបែបរបាំងការពារបែបនេះអាចបំបាត់បញ្ហានេះបាន។ (អាន:ថ្នាំងងុយគេង ពេលអ្នកគួរប្រើ)បើសិនជាអ្នកមិនចង់ប្រើស្រោមអនាម័យទេ ចូរលាងសម្អាតទឹកកាមភ្លាមៗក្រោយរួមភេទរួចដូច្នេះ វានឹងមិនមានពេលវេលាផ្លាស់ប្តូរកម្រិត pH របស់ទ្វារមាសឡើយ៕