Join with Health.com.kh on Telegram

មនុស្សជុំវិញពិភពលោកញ៉ាំស្រាបៀរអស់រយៈពេលរាប់ពាន់ឆ្នាំទៅហើយ។ ស្រាបៀរគឺជាភេសជ្ជៈបែបស្រវឹងដ៏ពេញនិយមណាស់។ ស្រាបៀរភាគច្រើនគឺមានជាតិអាលកុល ៤ ទៅ ៦ភាគរយ។ ការស្រាវជ្រាវបានបង្ហាញថា ការញ៉ាំគ្រឿងស្រាកម្រិតមធ្យមប្រហែលជាមានប្រយោជន៍ចំពោះសុខភាពច្រើន ចុះស្រាបៀរវិញមានប្រយោជន៍អ្វីដែរទេ?(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ប្រយោជន៍ចំពោះបេះដូង

ជំងឺបេះដូងគឺជាមូលហេតុដែលនាំឲ្យស្លាប់ច្រើនជាងគេក្នុងប្រទេសអាមេរិក។ ការសិក្សាជាច្រើននិយាយថា ការញ៉ាំស្រាបៀរកម្រិតតិចតួចទៅមធ្យមអាចបន្ថយការប្រឈមនឹងជំងឺបេះដូងបាន ដោយស្រ្តិអាចញ៉ាំមួយកំប៉ុងក្នុងមួយថ្ងៃ ខណៈពេលដែលបុរសអាចបាន២កំប៉ុងក្នុងមួយថ្ងៃ។ រឿងនេះនឹងពង្រឹងដល់កូឡេស្តេរ៉ុលល្អក្នុងឈាម។ 

ពង្រឹងដល់ការគ្រប់គ្រងជាតិស្ករក្នុងឈាម

ការញ៉ាំគ្រឿងតិចតួចទៅមធ្យមប្រហែលជាពង្រឹងដល់ការគ្រប់គ្រងជាតិស្ករក្នុងឈាមបាន ជាពិសេសអ្នកជំងឺទឹកនោមផ្អែមតែម្តង។ ការសិក្សាជាច្រើនបានរកឃើញថា ការញ៉ាំគ្រឿងស្រវឹងកម្រិតតិចតួចទៅមធ្យមអាចបន្ថយអាការៈជំងឺ Insuline Resistance ដែលជាកត្តាប្រឈមនឹងជំងឺទឹកនោមផ្អែមប្រភេទទី២។ ប៉ុន្តែការញ៉ាំស្រាបៀរច្រើនពេកអាចមានផលវិបាកច្រើន និងប្រឈមខ្ពស់នឹងទឹកនោមផ្អែមវិញ។ 

ប្រយោជន៍ធំៗផ្សេងទៀត

ការញ៉ាំស្រាបៀរតិចតួចទៅមធ្យមអាចមានទំនាក់ទំនងដូចខាងក្រោមនេះ៖

  • ជួយដល់កំហាប់ឆ្អឹង៖ ការញ៉ាំស្រាបៀរតិចតួចទៅមធ្យមអាចធ្វើឲ្យឆ្អឹងបុរស និងស្រ្តីក្រោយរ៉ាំងរដូវរួចកាន់តែរឹងមាំ។
  • បន្ថយការប្រឈមនឹងភាពភ្លេចភ្លាំង៖ ការញ៉ាំគ្រឿងស្រវឹងកម្រិតតិចតួចទៅមធ្យមប្រហែលជាបន្ថយការប្រឈមនឹងភាពភ្លេចភ្លាំងបាន។ ប៉ុន្តែការញ៉ាំច្រើនពេកអាចប្រឈមនឹងការភ្លេចភ្លាំងខ្លាំងវិញ៕(អាន:ថ្នាំងងុយគេង ពេលអ្នកគួរប្រើ)