ខណៈពេលដែលវីរុសកូរ៉ូណាថ្មីមានការផ្ទុះខ្លាំងជុំវិញពិភពលោក និងមានមនុស្សជាច្រើនបានឆ្លងជំងឺនេះ រួមទាំងប្រជាជនកម្ពុជាផងដែរនោះ វាក៏បង្កើតនូវភាពភ័យខ្លាចយ៉ាងខ្លាំងដល់មនុស្សជាតិគ្រប់ស្រទាប់វណ្ណៈទាំងអស់។ យ៉ាងណាមិញ បើសិនជាអ្នកមានឱកាសឆ្លងវីរុសកូរ៉ូណាថ្មីនេះមែន ប្រព័ន្ធភាពស៊ាំរបស់យើងមាននាទីទទួលខុសត្រូវក្នុងការប្រឆាំងនឹងវា ហើយយើងក៏អាចមានរភងដែលត្រូវធ្វើ និងអាហារដែលត្រូវញ៉ាំជាច្រើនដែរដើម្បីមានសុខភាពកាន់តែល្អដើម្បីអាចយកឈ្នះជំងឺនេះ និងបង្ការវាផងដែរ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) តាមការស្រាវជ្រាវបានឲ្យដឹងថា ការទទួលបានជីវជាតិគ្រប់យ៉ាងនឹងជួយទ្រទ្រង់ដល់ប្រព័ន្ធភាពស៊ាំធ្វើការកាន់តែខ្លាំង។ វីតាមីន C ត្រូវបានគេស្គាល់ឈ្មោះម៉្យាងទៀតថា Ascorbic Acid គឺជាវិធីព្យាបាលដោយខ្លួនឯងដ៏ញឹកញាប់មួយដែលមនុស្សមួយចំនួនជឿថា វាអាចជួយព្យាបាលជំងឺផ្តាសាយបាន។ ថ្វីបើវាអាចជួយថែរក្សាមុខងារប្រព័ន្ធភាពស៊ាំ ដែលរឿងនេះអាចបង្ការជំងឺនេះបាន។ វីតាមីន C អាចជួយសម្អាតភាពរញ៉េរញ៉ៃដែលបង្កឡើងដោយកោសិការឆ្លើយតបនឹងការរលាកបានដូចជា Neutrophils, Lymphocytes និង Phagocytes។ វីតាមីន C នេះជាជីវជាតិដ៏មានសារៈសំខាន់សម្រាប់រាងកាយលូតលាស់ និងរក្សាសុខភាពជាលិកា សរសៃឈាម និងឆ្អឹងខ្ចីផង។ ខាងក្រោមនេះគឺជាអាហារមួយចំនួនដែលត្រូវបានគេរកឃើញថាសម្បូរទៅដោយវីតាមីន C៖
ក្រូច
ផ្លែក្រូច និងទឹកផ្លែក្រូចក៏ជាប្រភពដ៏ល្អមួយនៃជាតិប៉ូតាស្យូម Folate, Lutein និង វីតាមីន A ផង។ ផ្លែក្រូចទាំងមូលក៏ជាប្រភពដ៏ល្អមួយនៃជាតិសរសៃដែរ ប៉ុន្តែជាតិសរសៃភាគច្រើននឹងបាត់បង់នៅពេលអ្នកញ៉ាំទឹករបស់វា។
ម្ទេសប្លោកពណ៌បៃតង
ថ្វីបើវាសម្បូរទៅដោយវីតាមីន C ក៏ដោយ តែម្ទេសប្លោកពណ៌បៃតងក៏អាចផ្តល់នូវតម្រូវការវីតាមីន A, K និង B6 ប្រចាំថ្ងៃបានដែរ។ ម្ទេសប្លោកទាំងមូលមាន ២៤កាឡូរី។ ដូច្នេះអ្នកអាចចិតវាដើម្បីទទួលទាន ឬធ្វើជាម្ហូបញ៉ាំយ៉ាងឆ្ងាញ់បាន។
ស្ត្របឺរី
សួរថា តើនរណាខ្លះមិនចូលចិត្តស្ត្របឺរីនោះ? វាមានរសជាតិឆ្ងាញ់ជូអ៊ែម និងសម្បូរវីតាមីន C ណាស់។ ស្ត្របឺរីក៏ជាប្រភពដ៏ឆ្លាតវៃមួយនៃជាតិសរសៃ និង Folate ហើយមានប៉ូតាស្យូម និងម៉ាញ៉េស្យូមផងដែរ។
ប្រូខូលី
ប្រូខូលីឆៅមួយកូនចានចង្កឹះផ្ទុកទៅដោយវីតាមីន C ៨១មីលីក្រាម។ ការញ៉ាំប្រូខូលីឆៅច្រើននឹងទទួលបានវីតាមីន C ទៅតាមតម្រូវការប្រចាំថ្ងៃ។ ចំនួនវីតាមីន C នឹងថយចុះវិញអាស្រ័យទៅតាមការចម្អិនរបស់អ្នក។
ផ្លែគីវី
ផ្លែគីវីពណ៌បៃតងមួយនេះគឺជាប្រភពដ៏ឆ្លាតវៃមួយនៃវីតាមីន C។ ផ្លែឈើដ៏តូចមួយនេះមានវីតាមីន C ច្រើនជាង ៦០មីលីក្រាមទៅទៀត។ (អាន:ថ្នាំងងុយគេង ពេលអ្នកគួរប្រើ)វាក៏សម្បូរទៅដោយជាតិប៉ូតាស្យូម និងជាតិសរសៃ និងមានកាឡូរីទាប៕