ការរមួលសាច់ដុំគឺជាអាការៈមិនផ្តល់ផាសុកភាពមួយប្រភេទដែលយើងអាចសម្គាល់ដឹងបានតាមរយៈការឈឺចាប់ខ្លាំង ហើយសាច់ដុំកន្ត្រាក់ដោយខ្លួនឯង។ ជាធម្មតាវាកើតឡើងតែមួយភ្លេតទេ ហើយច្រើនតែស៊ូពេលពីពីរបីវិនាទី ទៅពីរបីនាទីប៉ុណ្ណោះ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថ្វីបើមូលហេតុពិតប្រាកដមិនត្រូវបានគេរកឃើញក៏ដោយ តែការហាត់ប្រាណខ្លាំង ភាពមិនធម្មតានៃសរសៃប្រសាទសាច់ដុំ ជំងឺ អតុល្យភាពអេឡិចត្រូលីត្រ ការប្រើប្រាស់ថ្នាំ និងការខ្សោះជាតិទឹកគឺជាដើមហេតុដ៏ញឹកញាប់របស់វាហើយ។ ខាងក្រោមនេះគឺជាអាហារមួយចំនួនដែលអាចជួយដោះស្រាយបញ្ហារមួលក្រពើបាន៖
ផ្លែប័រ
ផ្លែប័រគឺជាប្រភេទផ្លែឈើដូចក្រែម មានរសជាតិឆ្ងាញ់ ហើយផ្ទុកទៅដោយជីវជាតិជាច្រើនដែលអាចបង្ការការរមួលសាច់ដុំបាន។ វាផ្ទុកទៅដោយជាតិប៉ូតាស្យូម និងម៉ាញ៉េស្យូមជាពិសេសដែលអាចជួយសម្រួលដល់សុខភាពរបស់សាច់ដុំបាន។ ដូច្នេះវានឹងជួយសម្រួលដល់ការរមួលរបស់សាច់ដុំបានយ៉ាងល្អ។ បើសិនជាអ្នកឧស្សាហ៍រមួលសាច់ដុំ ចូរប្រាកដថា អ្នកបានញ៉ាំអាហារសម្បូរអេឡិចត្រូលីត្រមួយនេះ។
ផ្លែឪឡឹក
មូលហេតុមួយនៃការរមួលក្រពើគឺការខ្សោះជាតិទឹកក្នុងខ្លួន។ សាច់ដុំធ្វើការបានល្អបានលុះត្រាតែមានជាតិទឹកក្នុងខ្លួនគ្រប់គ្រាន់ ហើយការកង្វះជាតិទឹក អាចរំខានដល់ការកន្ត្រាក់របស់សាច់ដុំ រហូតដល់កើតជាបញ្ហារមួលក្រពើបាន។ ផ្លែឪឡឹកជាផ្លែឈើមួយប្រភេទមានជាតិទឹកខ្ពស់រហូតដល់ ៩២ភាគរយ ហើយក៏ជាជម្រើសដ៏ឆ្លាតវៃដើម្បីបង្គ្រប់ជាតិទឹកក្នុងខ្លួនដែរ។
ទឹកដូង
ទឹកដូងគឺជាជម្រើសដ៏ល្អមួយសម្រាប់អ្នកហាត់កីឡាអត្តពលកម្មដើម្បីបង្គ្រប់ជាតិទឹកក្នុងខ្លួន និងជំនួសអេឡិចត្រូលីត្រដែលបាត់បង់។ វាគឺជាប្រភពដ៏ឆ្លាតវៃមួយនៃជាតិអេឡិចត្រូលីត្រ ផ្តល់ជាតិកាលស្យូម ប៉ូតាស្យូម សូដ្យូម ម៉ាញ៉េស្យូម និងផូស្វ័រ ដែលអាចបន្ថយការរមួលសាច់ដុំបាន។
ល្ហុង
ផ្លែល្ហុងគឺជាផ្លែឈើដ៏ឆ្ងាញ់មួយដែល ជាពិសេសសម្បូរជាតិប៉ូតាស្យូម និងម៉ាញ៉េស្យូមតែម្តង។ តាមពិតទៅ ល្ហុង ៣១០ក្រាមអាចផ្តល់ប៉ូតាស្យូមបាន ១៥ភាគរយ និងម៉ាញ៉េស្យូមបាន ១៩ភាគរយនៃតម្រូវការប្រចាំថ្ងៃ។ (អាន:ថ្នាំងងុយគេង ពេលអ្នកគួរប្រើ)ការញ៉ាំអាហារសម្បូរជាតិប៉ូតាស្យូមដូចជា ផ្លែល្ហុងប្រហែលជាបន្ថយការប្រឈមនឹងការរមួលក្រពើ។ ប៉ុន្តែវាក៏ត្រូវការការស្រាវជ្រាវបន្ថែមទៀតដើម្បីសិក្សាកាន់តែច្បាស់លាស់ដែរ៕