វាមិនខុសគ្នានឹងជីវជាតិ និងជាតិរ៉ែផ្សេងៗទៀតទេ ប្រូតេអ៊ីនគឺមានសារៈសំខាន់ស្មើគ្នាដែរសម្រាប់មនុស្សគ្រប់រូប។ វាគឺជាសារធាតុសម្រាប់បង្កើតជាឆ្អឹង សាច់ដុំ ឆ្អឹងខ្ចី ស្បែក និងឈាម។ កោសិកានីមួយៗរបស់រាងកាយយើងក៏ត្រូវការប្រូតេអ៊ីនដែរ។ ទោះបីជាសក់ និងក្រចកដៃភាគច្រើនត្រូវបានបង្កើតឡើងដោយប្រូតេអ៊ីនតែម្តង។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែវាមិនដូចខ្លាញ់ និងកាបូអ៊ីដ្រាតឡើយ រាងកាយរបស់យើងមិនអាចរក្សាប្រូតេអ៊ីនទុកប្រើថ្ងៃក្រោយបានទេ ដូច្នេះរាល់ប្រូតេអ៊ីនដែលលើសនឹងត្រូវបញ្ចេញចោល។ ហេតុដូច្នេះហើយទើបវាជារឿងសំខាន់ដែលត្រូវញ៉ាំប្រូតេអ៊ីនឲ្យបានគ្រប់គ្រាន់ជារៀងរាល់ថ្ងៃ។ មនុស្សម្នាក់ត្រូវការប្រូតេអ៊ីនយ៉ាងហោចណាស់ ០.៨ក្រាមក្នុងមួយគីឡូក្រាមនៃទម្ងន់រាងកាយ។ ជាមធ្យមមនុស្សអាយុ ៥០ឆ្នាំ គួរតែញ៉ាំប្រូតេអ៊ីន៥៥ ទៅ៧០ក្រាមជារៀងរាល់ថ្ងៃ។
សម្រាប់មនុស្សចាស់វិញត្រូវការជាតិប្រូតេអ៊ីនច្រើនជាងធម្មតា ជាពិសេសអាយុចាប់ពី ៦៥ឆ្នាំឡើងទៅគួរតែញ៉ាំប្រូតេអ៊ីនប្រហែល ៧០ ទៅ៨៥ក្រាមក្នុងមួយថ្ងៃដើម្បីមានសុខភាពល្អ និងរូបរាងសមសួន។
ហេតុអ្វីបានជាត្រូវការប្រូតេអ៊ីនច្រើនបែបនេះ?
ដោយសារតែមនុស្សម្នាក់ឈានដល់អាយុ ៦៥ឆ្នាំ ពួកគេនឹងចាប់ផ្តើមស្រកទម្ងន់ ប្រព័ន្ធភាពស៊ាំរបស់ពួកគេចាប់ផ្តើមថយចុះ ហើយពួកគេក៏មានជំងឺរ៉ាំរ៉ៃថែមទៀត។ ដោយសារតែកត្តាទាំងនេះហើយ រាងកាយមិនអាចប្រើប្រាស់ប្រូតេអ៊ីនបានគ្រប់គ្រាន់ និងត្រូវការវាកាន់តែច្រើនទៀតដើម្បីថែរក្សាទំហំរបស់សាច់ដុំ និងភាពខ្លាំងរបស់វា ដើម្បីជំរុញដល់សុខភាពឆ្អឹង និងមុខងារសំខាន់ផ្សេងៗទៀត។
យ៉ាងណាមិញមនុស្សចាស់ភាគច្រើនមិនអាចទទួលបានប្រូតេអ៊ីនគ្រប់គ្រាន់តាមតម្រូវការឡើយ។ វាអាចដោយសារតែហេតុផលជាច្រើនដូចជា មិនឃ្លានអាហារ បញ្ហាធ្មេញ ខូចលក្ខណៈស្រង់រសជាតិ និងបញ្ហាលុយកាក។ ការញ៉ាំប្រូតេអ៊ីនកាន់តែតិច អាចធ្វើឲ្យបាត់បង់ទំហំសាច់ដុំកាន់តែច្រើន បន្ថយការជាពីជំងឺនិងអាចឆាប់ស្លាប់ផង។
មនុស្សម្នាក់ត្រូវការញ៉ាំប្រូតេអ៊ីនដ៏គ្រប់គ្រាន់ជារៀងរាល់ថ្ងៃ។ (អាន:ថ្នាំងងុយគេង ពេលអ្នកគួរប្រើ)ចូរព្យាយាមបន្ថែមអាហារសម្បូរប្រូតេអ៊ីនក្នុងរបបអាហារជារៀងរាល់ថ្ងៃ។ សាច់បក្សី ត្រី អាហារធ្វើពីទឹកដោះគោ និងស៊ុត គឺជាប្រភពប្រូតេអ៊ីនដ៏ល្អ។ សម្រាប់អាហារមួយពេលៗគួរតែញ៉ាំប្រូតេអ៊ីនតិចៗ៕