Join with Health.com.kh on Telegram

ថ្មីៗនេះគេបានរកឃើញប្រយោជន៍ចំពោះសុខភាពធំៗជាច្រើននៃការញ៉ាំកាហ្វេជាមួយនឹងទឹកក្រូចឆ្មា។ រឿងនេះត្រូវបានគេជឿថា អាចជួយរំលាយជាតិខ្លាញ់ និងបំបាត់បញ្ហាឈឺក្បាល និងរាករូសបាន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ចាប់តាំងពីកាហ្វេ និងក្រូចឆ្មាមានប្រយោជន៍ច្រើនចំពោះសុខភាព អ្នកប្រហែលជាឆ្ងល់ថាតើការញ៉ាំវាទាំងពីរមុខចូលគ្នាផ្តល់ប្រយោជន៍អ្វីបន្ថែមឬអត់។ ខាងក្រោមនេះគឺជាប្រយោជន៍ធំៗនៃការញ៉ាំកាហ្វេជាមួយនឹងក្រូចឆ្មា៖

ជួយរំលាយជាតិខ្លាញ់

វិធីសាស្រ្តតែមួយក្នុងការបំបាត់ខ្លាញ់ដែលលើសគឺការញ៉ាំកាឡូរីតិច និងរំលាយខ្លាញ់ឲ្យបានច្រើន តែវាគឺជារឿងមិនត្រឹមត្រូវទេ។ ប៉ុន្តែការសិក្សាបានបង្ហាញថា កាហ្វេប្រហែលជាជួយសម្រកទម្ងន់ ដែលអាចជាមួយធ្វើឲ្យមនុស្សមួយចំនួនអាចសម្រកទម្ងន់បានខ្លះនៅពេលញ៉ាំភេសជ្ជៈមួយនេះ។ ជាតិកាហ្វេអ៊ីនប្រហែលជាទៅភ្ញោចដល់ជាលិកាខ្លាញ់ពណ៌ត្នោត ដែលជាជាលិកាខ្លាញ់ដ៏សំខាន់មួយត្រូវបានថយចុះពេលអាយុច្រើន។

បំបាត់ការឈឺក្បាល

ការឈឺក្បាល និងឈឺក្បាលបែបប្រកាំងត្រូវបានគេចាត់ទុកថាជាហេតុនាំឲ្យពិការភាពលើមនុស្សអាយុក្រោម ៥០ឆ្នាំ។ ថ្វីបើវាមានវិធីសាស្រ្តព្យាបាលដោយខ្លួនឯងច្រើនក៏ដោយ តែជាតិកាហ្វេអ៊ីនក្នុងកាហ្វេមានប្រសិទ្ធភាពជា Vasoconstrictor សម្រាប់បន្ថយលំហូរឈាមទៅខួរក្បាល ហើយបន្ថយការឈឺចាប់ទៀត។ ថ្វីបើវាជួយបន្ថយការឈឺក្បាលមែន តែនេះដោយសារតែជាតិកាហ្វេអ៊ីនទេ មិនមែនដោយសារកាហ្វេ និងទឹកក្រូចឆ្មាឡើយ។ 

បំបាត់ការរាករូស

ថ្មីៗនេះ មិនមានអំណះអំណាងណាមួយគាំទ្រលើការប្រើប្រាស់ក្រូចឆ្មាដើម្បីព្យាបាលការរាករូសឡើយ ហើយកាហ្វេអាចភ្ញោចដល់ពោះវៀនធំដែលអាចជួយបង្កើនការបន្ទោបង់ដែរ។ លើសពីនេះទៅទៀត ភាពរាករូសធ្វើឲ្យបាត់បង់ជាតិទឹកច្រើនរហូតដល់ខ្សោះជាតិទឹក ប៉ុន្តែសារធាតុបញ្ចុះទឹកនោមរបស់កាហ្វេប្រហែលជាធ្វើឲ្យវាកាន់តែធ្ងន់ធ្ងរបន្ថែមទៀត។ 

ផ្តល់ប្រយោជន៍ដល់ស្បែក

ការស្រាវជ្រាវបានបញ្ជាក់ថា ទាំងកាហ្វេ និងទឹកក្រូចឆ្មាសុទ្ធតែមានអង់ទីអុកស៊ីដង់សម្រាប់ផ្តល់ប្រយោជន៍ដល់ស្បែក ដូច្នេះវាហាក់បីដូចជាការពិតមួយហើយ។ កាហ្វេនឹងពង្រឹងដល់លំហូរឈាម ហើយបង្គ្រប់ជាតិទឹកដល់ស្បែក។ ការសិក្សាបង្ហាញថា ការញ៉ាំកាហ្វេប្រហែលជាបន្ថយភាពស្ងួតរបស់ស្បែក ពង្រឹងដល់ភាពរលោង និងបន្ថយការខូចរបាំងការពារស្បែក។ (អាន:ថ្នាំងងុយគេង ពេលអ្នកគួរប្រើ)ម៉្យាងវិញទៀត វីតាមីន C របស់ក្រូចឆ្មាអាចភ្ញោចដល់ការផលិតរបស់កូឡាជែន ដែលជាប្រូតេអ៊ីនមួយប្រភេទជួយឲ្យស្បែករឹងមាំ និងយឺត ហើយក៏បន្ថយភាពខូចរបស់ស្បែកបានទៀតផង៕