យោងតាមគេហទំព័រម៉េលអនឡាញ ចុះផ្សាយកាលពីថ្ងៃទី១៦ ខែឧសភាបានឱ្យដឹងថា ពិធីការិនីទូរទស្សន៍ម្នាក់ត្រូវបានថ្នាក់លើបញ្ឈរជើងពីការងារនៅទូរទស្សន៍រដ្ឋរបស់ប្រទេស កូវែត បន្ទាប់ពីនិយាយលេងសើចជាមួយបុរសមិត្តរួមការងាររបស់នាងទាក់ទិនរូបសម្រស់ របស់បុរសនោះ។
ពេលស្ត្រីដែលគេមិនបញ្ចេញឈ្មោះរូបនេះ ប្រគល់តួនាទីផ្សាយទៅឱ្យបុរសរួមការងារខាងលើ នាងបាននិយាយលេងសើចនឹងបុរសនោះថា ឈប់សឺរ៉េឆ្នួតក្បាលដាក់កាមេរ៉ាទៅ ព្រោះគាត់ “សង្ហាស្រាប់ហើយ”។
ហើយពិធីការិនីរូបនេះ ក៏បានផ្ទុះសំណើចក្នុងម៉ោងផ្សាយបន្តផ្ទាល់អំពីការបោះឆ្នោតថ្នាក់ក្រុង នៅប្រទេសកូវែត កាលពីចុងសប្ដាហ៍។
វីដេអូឃ្លីបបង្ហាញពីការនិយាយឆ្លើយឆ្លងគ្នាក្នុងម៉ោងផ្សាយនេះ ត្រូវបានគេបង្ហោះចែករំលែក តៗគ្នាព្រោងព្រាតតាមបណ្តាញទំនាក់ទំនងសង្គមហើយបានធ្វើឱ្យបណ្តារដ្ឋមន្ត្រីរដ្ឋាភិបាល ខឹងយ៉ាងខ្លាំង៕
ប្រភព៖ rasmeinews.com
