Join with Health.com.kh on Telegram

ខាងក្រោមនេះ យើងខ្ញុំនឹងបង្ហាញអ្នកពីទម្លាប់ដែលធ្វើឲ្យអ្នកស្អាតតាមជីវភាពប្រចាំថ្ងៃ។ តើមានអ្វីខ្លះទៅ? (អាន:ថ្នាំងងុយគេង ពេលអ្នកគួរប្រើ)

  1. នៅពេលដែលអ្នកអង្គុយធ្វើការ អ្នកគួរតែអង្គុយឲ្យត្រង់ ព្រោះការអង្គុយឲ្យត្រង់នេះ មិនត្រឹមតែមិនធ្វើឲ្យឆ្អឹងខ្នងអ្នកកោងទេ ថែមទាំងអាចធ្វើឲ្យអ្នកមានរាងស្អាត ហើយមិនមានក្បាលពោះធំឡើយ។
  2. អ្នកគួរតែពិសារទឹកឲ្យបានច្រើន ព្រោះនៅពេលដែលរាងកាយអ្នកទទួលបានសារធាតុទឹកគ្រប់គ្រាន់ នោះស្បែកអ្នកនឹងមានសំណើម ហើយប្រែជាស្អាតតែម្តង។ ជាពិសេស សុខភាពអ្នកក៏រឹងមាំដែរ មិនងាយជួបនឹងជំងឺអ្វីនោះទេ។
  3. អ្នកគួរតែបរិភោគបន្លែ និងផ្លែឈើឲ្យបានច្រើន ព្រោះក្រោយពេលដែលអ្នកញ៉ាំរួច អ្នកមិនត្រឹមតែមិនធាត់ទេ ថែមទាំងធ្វើឲ្យក្បាលពោះអ្នកបាត់ទៀតផង។ ជាពិសេស ប្រព័ន្ធការពាររាងកាយអ្នកនឹងប្រែជារឹងមាំខ្លាំង ដោយអាចទប់ទល់នឹងមេរោគគ្រប់បែបយ៉ាងមិនឲ្យចូលក្នុងរាងកាយអ្នកងាយនោះទេ។
  4. អ្នកអាចញ៉ាំកាហ្វេខ្មៅក្តៅមិនដាក់ស្ករបាន ព្រោះកាហ្វេខ្មៅនេះ អាចជួយធ្វើឲ្យក្បាលពោះអ្នករាបស្មើ ថែមទាំងអាចការពារស្បែកអ្នកមិនងាយចាស់ និងទប់ស្កាត់មិនឲ្យកាឡូរីមានច្រើនក្នុងរាងកាយអ្នកឡើយ។
  5. អ្នកមិនគួរទំពារស្ករកៅស៊ូឡើយ ព្រោះវាមិនអាចធ្វើឲ្យបាត់ក្បាលពោះអ្នកបានឡើយ មានតែធ្វើឲ្យអ្នកហើមពោះតែប៉ុណ្ណោះ ព្រោះខ្យល់ចូលទៅច្រើនពេក។
  6. នៅពេលដែលអ្នកបរិភោគអាហារ អ្នកគួរតែទំពារឲ្យម៉ត់ ទើបអាចរំលាយអាហារបាន។ ប្រសិនជាអ្នកទំពារមិនម៉ត់ នោះក្រពះអ្នកនឹងពិបាករំលាយ ដោយធ្វើឲ្យក្បាលពោះអ្នករីកធំទៅៗជាមិនខានឡើយ។
  7. ការបត់ជើងធំឲ្យទៀងជារៀងរាល់ថ្ងៃ ជារឿងដែលចាំបាច់បំផុត ព្រោះបើអ្នកមិនបង់ជើងធំក្នុងរយៈពេលយូរ នឹងធ្វើឲ្យក្បាលពោះអ្នកធំណាស់ ហើយថែមទាំងធ្វើឲ្យជាតិពុលមិនអាចបញ្ចេញមកក្រៅផងដែរ។ 
  8. ជារៀងរាល់ថ្ងៃ អ្នកគួរតែចេះបន្ធូរអារម្មណ៍ឲ្យបាន២០នាទី ព្រោះការបន្ធូរអារម្មណ៍នេះ អាចធ្វើឲ្យអ្នកមានរាងស្អាត និងសុខភាពល្អខ្លាំងណាស់ មិនងាយកើតជំងឺនានានោះឡើយ។ ដូចនេះ អ្នកគួរតែរក្សាទម្លាប់ទាំងនេះជាប្រចាំថ្ងៃ ទើបអ្នកមានទាំងរាងស្អាត ហើយសុខភាពដែលល្អ៕ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)