មកដឹងអំពីអាការៈ ១០យ៉ាងរបស់អ្នកមានជីវិតរស់ពីវីរុសកូវីដ១៩ ដែលអ្នកអាចរៀនសូត្រពីកំហុសរបស់ពួកគេបាន

ដោយសារតែវីរុសកូវីដ១៩ មានការផ្ទុះយ៉ាងខ្លាំងក្នុងប្រទេសអ៊ីតាលី ហើយភាគរយរបស់វាសឹងតែតាមទាន់ប្រទេសចិនទាំងអត្រាអ្នកឆ្លង និងស្លាប់ ដែរនោះ ធ្វើឲ្យមនុស្សជាច្រើនចាប់ផ្តើមប្រើប្រាស់បណ្តាញសង្គម និងអ៊ីធើណេតដើម្បីផ្តល់ព័ត៌មានអំពីវីរុសនេះ និងការរាលដាលរបស់វា។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)គំនិតដ៏ពេញនិយមចំពោះជនជាតិអ៊ីតាលីគឺថា គ្រប់គ្នាដែលមានអាការៈរបស់វីរុសកូវីដ គិតថា វាគ្រាន់តែជាជំងឺផ្តាសាយធម្មតា ដូច្នេះពួកគេនៅតែបន្តចេញទៅខាងក្រៅ ដែលនាំឲ្យចំនួនអ្នកផ្ទុកជំងឺមានការកើនឡើងយ៉ាងខ្លាំងពេញប្រទេស។ 

ក្នុងពេលដែលស្ថានភាពជំងឺកាន់តែទ្រុតទ្រោម យកល្អគួរតែស្វែងយល់អំពីអាការៈនៃការបង្ករោគនេះ និងសិក្សាអំពីអ្នកដែលមានបទពិសោធន៍ផ្ទុកជំងឺនេះដំបូងគេ និងវិធីទប់ស្កាត់វីរុសនេះផង។ ខាងក្រោមនេះគឺជាអាការៈមួយចំនួនដែលបានមកពីអ្នកមានជីវិតរស់នៅដោយសារតែវីរុសកូវីដ១៩ ហើយយើងក៏អាចសិក្សាពីកំហុសរបស់ពួកគេបានដែរ៖

មានសម្ពាធក្នុងទ្រូង

អាការៈមួយនៃការបង្ករោគដោយវីរុសកូវីដ១៩នោះគឺ ការមានសម្ពាធក្នុងទ្រូង។ វីរុសកូវីដ១៩ ធ្វើឲ្យមានការបង្ករោគនៅផ្លូវដង្ហើម ពិបាកដកដង្ហើម ដូច្នេះបញ្ហាផ្លូវដង្ហើមគឺជាអាការៈចំបងគេនៃជំងឺនេះ។ 

ហៀរសម្បោ

ការហៀរសម្បោគឺជាអាការៈញឹកញាប់មួយផ្សេងទៀតនៃការបង្ករោគដោយវីរុសកូវីដ១៩។ ប៉ុន្តែសារព័ត៌មាន ABC បានដកស្រង់សម្តីអ្នកជំងឺម្នាក់ដែលរកឃើញមានវេជ្ជមានវីរុសកូវីដ១៩ថា នៅពេលអ្នកមានអាការៈនេះ វាប្រហែលជាយឺតពេលណាស់ទៅហើយ។ ដូច្នេះបើសិនជាអ្នកធ្លាប់មានទំនាក់ទំនងជាមួយមនុស្សម្នាក់ដែលមានការបង្ករោគដោយវិរុសកូវីដ១៩នោះ ការដាក់ខ្លួននៅដាច់ដោយឡែក និងធ្វើតេស្តខ្លួនឯងគឺជារឿងសំខាន់បំផុត ទោះបីជាអ្នកមិនមានរោគសញ្ញាអ្វីក៏ដោយ។ 

ឈឺខ្លួន

អាការៈញឹកញាប់មួយដែលអ្នកជំងឺភាគច្រើននិយាយនោះគឺការឈឺខ្លួនតែម្តង។ ការឈឺខ្លួនបែបនេះក៏អាចដោយសារតែក្តៅខ្លួ និងការចុះខ្សោយដោយសារជំងឺដែរ។ សេចក្តីរាយការណ៍មួយរបស់អ្នកជំងឺម្នាក់បាននិយាយថា អាការៈដំបូងដែលគាត់ប្រាប់នោះគឺ ការឈឺក្បាល និងឈឺរាងកាយ។ 

បញ្ហាក្រពះពោះវៀន

យោងទៅាតមការស្រាវជ្រាវថ្មីដែលដែលសិក្សាទៅលើអ្នកជំងឺកូវីដ១៩ និងអាការរបស់ពួកគេបានរកខើញថា បញ្ហាក្រពះពោះវៀនដូចជា រាករូស ឈឺក្រពះ ។ល។ ក៏ជាអាការៈញឹកញាប់នៃការបង្ករោគដោយវីរុសកូវីដ១៩ដែរ ក្រៅពីវិបត្តិផ្លូវដង្ហើម។ ខណៈពពេលដែលមនុស្សជាច្រើនផ្តោតសំខាន់តែលើការក្អក កណ្តាស និងបញ្ហាផ្លូវដង្ហើម ការយកចិត្តទុកដាក់ទៅលើអាការៈផ្លូវក្រពះពោះវៀនក៏ជារឿងសំខាន់ដែរ។ 

ឈឺបំពង់ក និងស្អកក

សេចក្តីរាយការណ៍មួយរបស់ express.co.uk បានដកស្រង់សម្តីរបស់អ្នកជំងឺម្នាក់ថា អាការៈពីរបីដំបូងដែលគាត់ជួបប្រទេសនោះរួមមាន ការឈឺបំពង់ក និងស្អកកក។ ការឈឺបំពង់ករនេះកើតឡើឹញឹកញាប់បំផុតនៃការបង្ករោគដោយវីរុស។ ការក្អកដែឡមិនបានប្យាបាលត្រឹមត្រូវក៏ជាប់ទាក់ទងនឹងការឈឺបំពង់ករដែរ។ 

ឈឺក្បាល

អ្នកជំងឺម្នាក់បាននិយាយអំពីការឈឺក្បាលដ៏ចម្លែកដែលគាត់មាន ហើយអ្នកជំងឺផ្សេងៗទៀតដែលធ្វើតេស្តវិជ្ជមានដែរនោះក៏មានអាការៈដូចគ្នានឹងគាត់ដែរ។ និយាយទៅ អាការៈឈឺក្បាលគឺជាផ្នែកមួយដ៏ធ្ងន់ធ្ងរនៃអាការរបស់វាតែម្តង។ 

ក្រហាយភ្នែក និងរលាកភ្នែក

យោងទៅតាមសេចក្តីរាយការណ៍ជាច្រើននិយាយថា អ្នកដែលធ្លាប់មានបញ្ហាក្រហាយភ្នែក និងរលាកភ្នែក អាចជាអាការៈមួយនៃវីរុសកូវីដ១៩។ 

តឹងច្រមុះ ឈឺចាប់ក្នុងប្រហោងឆ្អឹងមុខ

ការបង្ករោគដោយវីរុសកូវីដ១៩ ត្រូវបានគេប្រាប់ថា អាចធ្វើឲ្យឈឺចាប់ក្នុងទ្រូង ប្រហោងឆ្អឹងក្នុងមុខ និងធ្វើឲ្យតឹងទ្រូង។ អ្នកជំងឺខ្លះដែលជាហើយមានអារម្មណ៍ថា សួតរបស់ពួកគេប្រៀបដូចជាថង់ក្រដាសអ៊ីចឹង ហើយលឺសម្លេងនៅពេលដកដង្ហើម។ រឿងនេះអាចជាអាការៈនៃជំងឺរលាកសួតដែលបង្កឡើងដោយករណីធ្ងន់ធ្ងររបស់វីរុសកូវីដ១៩។ 

មានអារម្មណ៍មិនស្រួលខ្លួន និងមិនឃ្លានអាហារ

ភាគច្រើនមនុស្សគ្រប់គ្នាដែលធ្វើតេស្តទៅឃើញវិជ្ជមាននៃវីរុសកូវីដ១៩ បានបង្ហាញនូវអាការៈទាំងនេះ។ អ្នកដែលមិនមានបញ្ហាអ្វីទាក់ទងនឹងការដកដង្ហើម ក៏មានអារម្មណ៍ថាមិនស្រួលខ្លួន ឬអស់កម្លាំងជាងមុនពេលពួកគេធ្វើតេស្តវិជ្ជមានដែរ។ ការមិនឃ្លានអាហារក៏ត្រូវបានរកឃើញញឹកញាប់លើអ្នកជំងឺទាំងអស់ផងដែរ។ (អាន:ថ្នាំងងុយគេង ពេលអ្នកគួរប្រើ)

ក្តៅខ្លួន

ការក្តៅខ្លួនគឺជាអាការៈដំបូងគេនៃវីរុសកូវីដ១៩។ ខណៈពេលដែលអ្នកជំងឺខ្លះប្រាប់ថា ក្តៅខ្លួនជាប់រហូត តែអ្នកខ្លះទៀតបែរជាក្តៅបាត់ៗ៕