តេស្តរកមើលអ្នកផ្ទុកវីរុសកូវីដ១៩ថ្មីរបស់អាមេរិកអាចប្រាប់ថា មានមនុស្សប៉ុន្មាននាក់ឆ្លងវីរុសមួយនេះ

ដោយសារតែការប្រឈមនឹងការចម្លងវីរុសកូវីដ១៩ក្នុងសហគមន៍មានការកើនឡើងយ៉ាងខ្លាំងក្នុងបណ្តាប្រទេសជាច្រើនទូទាំងពិភពលោកទូទាំងពិភពលោក ដូច្នេះវាពិតជារឿងសំខាន់ណាស់សម្រាប់មនុស្សជាច្រើនត្រូវការធ្វើតេស្តរកមើលវីរុសកូវីដ១៩នេះ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

យោងទៅតាមសេចក្តីរាយការណ៍មួយពី LiveScience អ្នកវិទ្យាសាស្រ្តអាមេរិកបានរកឃើញមធ្យោបាយមួយក្នុងការធ្វើតេស្តលើមនុស្សកាន់តែច្រើន ហើយក៏រកឃើញថាមានមនុស្សប៉ុន្មាននាក់ពិតជាឆ្លងវីរុសកូវីដ១៩ខ្លះ។ ប៉ុន្តែក្នុងការសិក្សាថ្មីនេះ អ្នកវិទ្យាសាស្រ្តអាមេរិកមិនគ្រាន់តែបង្កើតតេស្តអង់ទីគ័រធម្មតាថ្មីទេ តែក៏បានចែករំលែកនូវការណែនាំបង្កើតនៅលើបណ្តាញអ៊ីនធើណេត ដើម្បីជួយដល់មន្ទីរពិសោធន៍ជុំវិញពិភពលោកដើម្បីបង្កើតវាផងដែរ។ 

តើវិធីសាស្រ្តធ្វើតេស្តអ្វីដែលអាចឲ្យយើងប្រើប្រាស់បាន?

មធ្យោបាយធ្វើតេស្តដ៏ពេញនិយមបំផុតដែលប្រើប្រាស់ទូទាំងពិភពលោកនោះគឺការបៀកយកកំហាកពីក្នុងបំពង់ក ឬច្រមុះរកមើលវីរុស។ តេស្តនេះអាចបញ្ជាក់ថាមនុស្សម្នាក់មានភាពសកម្មនៃការបង្ករោគដោយវីរុសកូវីដ១៩ឬអត់។ 

តើតេស្តអង់ទីគ័រមានន័យដូចម្តេចទៅ?

តេស្តអង់ទីគ័រគឺជាការបង្កើតថ្មីដ៏សំខាន់មួយដើម្បីធ្វើតេស្តលើដំណើរការណ៍របស់វីរុសកូវីដ១៩។ អង់ទីគ័រត្រូវបានបង្កើតឡើងក្នុងរាងកាយដោយសារតែលទ្ធផលនៃការជ្រៀតចូលនៃរបស់ឬ មេរោគបង្កគ្រោះថ្នាក់ ដែលជ្រៀតចូលទៅក្នុងរាងកាយ។ អង់ទីគ័រនៅតែកើតមានជាដដែលទោះបីជាេមរោគនោះត្រូវបានសម្លាប់អស់ក៏ដោយ។ ដូច្នេះហើយ តេស្តអង់ទីគ័រអាចជួយឲ្យយើងរកឃើញថាតើមនុស្សម្នាក់ធ្លាប់ឆ្លងវីរុសកូវីដ១០កាលពីមុនឬអត់។ 

តេស្តនេះក៏ជួយរកឃើញនូវចំនួនពិតប្រាកដនៃអ្នកធ្លាប់ឆ្លងវីរុសនេះដែរ ទោះបីជាគាត់ឥឡូវនេះបានជាសះស្បើយហើយក៏ដោយ។ ព័ត៌មានមួយនេះនឹងមានប្រយោជន៍ជាពិសេសលើករណីដែលមានអាការៈតិចតួច ឬមិនមានអាការៈអ្វីទាំងអស់។ (អាន:ថ្នាំងងុយគេង ពេលអ្នកគួរប្រើ)ការរកឃើញនូវអត្រាស្លាប់ អត្រាឆ្លង និងភាគរយនៃករណីជំងឺចាប់ពីតិចតួចដល់ធ្ងន់ធ្ងរ ពិតប្រាកដថា ក៏ប្រហែលជាកាន់តែងាយស្រួលថែមទៀតដែរ។

វត្តមានរបស់អង់ទីគ័រក្នុងខ្លួនអ្នកធ្វើការក្នុងសេវាកម្មវេជ្ជសាស្រ្ត អាចនឹងធ្វើឲ្យពួកគេយកចិត្តទុកដាក់ថែទាំអ្នកជំងឺកាន់តែល្អជាងមុន ហើយក៏មិនថ្វើឲ្យពួកគេត្រូវប្រើប្រាស់ជីវិតដើម្បីប្រឈមនឹងវីរុសធ្វើឲ្យស្លាប់នេះដែរ៕