ក្រុមហ៊ុនផលិតថ្នាំដ៏ល្បីរបស់បារាំងឈ្មោះថា Sanofi កាលពីថ្ងៃសុក្រនេះបាននិយាយថា វាមិនមានអំណះអំណាងបែបវិទ្យាសាស្រ្តថ្មីណាមួយដែលបញ្ជាក់ថា ការប្រើប្រាស់ថ្នាំ Ibuprofen ធ្វើឲ្យជំងឺបង្កឡើងដោយវីរុសកូវីដ១៩ កាន់តែធ្ងន់ធ្ងរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)សេចក្តីថ្លែងការណ៍របស់ក្រុមហ៊ុននេះកើតចេញក្រោយពីអង្គការសុខភាពពិភពលោកបានប្រកាសកាលពីប៉ុន្មានថ្ងៃមុនថា អ្នកដែលកំពុងតែមានអាការៈរបស់ជំងឺកូវីដ១៩ គួរតែចៀសវាងការលេបថ្នាំ Ibuprofen ដោយខ្លួនឯងក្រោយអជ្ញាធរជនជាតិបារាំងបានដាក់បម្រាមថា ថ្នាំប្រឆាំងការរលាកបែបនេះអាចធ្វើឲ្យវីរុសធ្វើទុក្ខក្នុងខ្លួនកាន់តែខ្លាំង។
ក្រុមហ៊ុនថ្នាំខាងលើនេះនិយាយថា អង្គការសុខភាពពិភពលោកបាននិយាយនូវអ្វីដែលមិនមានការចុះផ្សាយច្បាស់លាស់ ឬទិន្នន័យស្រាវជ្រាវត្រឹមត្រូវនៅឡើយទេចំពោះថ្នាំ Ibuprofen ធ្វើទុក្ខជំងឺកូវីដ១៩កាន់តែធ្ងន់ ហើយគ្រាន់តែផ្អែកលើព័ត៌មានដែលមានស្រាប់នោះ បែរជាមិនណែនាំឲ្យគេប្រើប្រាស់ Ibuprofen តែម្តង។
ក្រុហ៊ុន Sanofi និយាយបន្ថែមទៀតថា “ក្នុងក្រុមហ៊ុន Sanofi អតិភាពរបស់យើងគឺផ្តល់សុវត្ថិភាពសម្រាប់អ្នកប្រើប្រាស់ អ្នកជំងឺ បុគ្គលិក ក្រុមគ្រួសារ និងសហគមន៍របស់ពួកគេ ហើយយើងក៏ផ្តល់នូវការផ្គត់ផ្គង់ដ៏ជាប់លាប់សម្រាប់សុវត្ថិភាព និងផលិតផលត្រឹមត្រូវ”។
សម្រាប់សេចក្តីថ្លែងការណ៍ជាច្រើនដែលធ្វើឡើងដោយអជ្ញាធរសុខាភិបាលនាពេលថ្មីនេះ រួមទាំងភ្នាក់ងារថ្នាំអ៊ឺរ៉ុប (European Medicine Agency, EMA) សុទ្ធតែមិនមានបញ្ជាក់អំពីអំណះអំណាងបែបវិទ្យាសាស្រ្តរវាងថ្នាំ Ibuprofen និង ការធ្វើទុក្ខកាន់តែខ្លាំងរបស់វីរុសកូវីដ១៩ នៅឡើយទេ។ នៅក្នុងខ្សែបន្ទាត់ក្បួនណែនាំព្យាបាលថ្នាក់ជាតិរបស់ប្រទេសក្នុងតំបន់អ៊ឺរ៉ុប ក្រុមគ្រូពេទ្យនៅតែអាចបន្តផ្តល់ថ្នាំប្រភេទ NSAID ដូចជា Ibuprofen សម្រាប់អ្នកជំងឺប្រើប្រាស់បានដដែល។ (អាន:ថ្នាំងងុយគេង ពេលអ្នកគួរប្រើ)
ទោះបីជាយ៉ាងណាក៏ដោយ ក្រុមហ៊ុនផលិតថ្នាំខាងលើកំពុងតែតាមដានស្ថានភាពនេះយ៉ាងដិតដល់ ហើយក៏នឹងមើលឡើងវិញរាល់ព័ត៌មានថ្មីទាំងឡាយដែលអាចរកបានទាក់ទងនឹងបញ្ហាមួយនេះចំពោះការផ្ទុះរបស់ជំងឺកូវីដ១៩៕