Join with Health.com.kh on Telegram

រាងកាយមនុស្សយើងត្រូវបានបង្កើតឡើងដោយជាតិទឹកប្រហែល ៧០ភាគរយ។ ការបង្គ្រប់ជាតិទឹកដើរតួនាទីដ៏សំខាន់មួយក្នុងការថែរក្សាសុខភាពរបស់មនុស្សយើង ហើយក៏ធានាថា មុខងាររាងកាយទាំងអស់ធ្វើការយ៉ាងមានប្រសិទ្ធភាព និងគ្មានបញ្ហាអ្វីទេ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ការរស់នៅមានជាតិទឹកក្នុងខ្លួនគ្រប់គ្រាន់គឺជារឿងដែលត្រូវបានគេណែនាំដើម្បីសម្រកទម្ងន់ ផ្តល់សុខភាពស្បែក និងសក់ ព្រមទាំងបង្កើនមុខងារប្រព័ន្ធភាពស៊ាំ។ 

ដោយសារតែវីរុសកូវីដ១៩ មានការរាលដាលយ៉ាងលឿនទូទាំងពិភពលោកនោះ អ្នកជំនាញជាច្រើនបានណែនាំថា ក្រៅពីអនុវត្តអនាម័យផ្ទាល់ខ្លួនតាមរយៈការលាងសម្អាតដៃជាញឹកញាប់ ការក្អក និងកណ្តាសដោយការគ្របមាត់ និងច្រមុះត្រឹមត្រូវ មនុស្សយើងអាចញ៉ាំអាហារផ្តល់សុខភាព រស់នៅញ៉ាំទឹកគ្រប់គ្រាន់ និងការផ្តាច់បារី សុទ្ធតែអាចបន្ថយការប្រឈមនឹងការបង្ករោគដោយវីរុសកូវីដ១៩បានទាំងអស់។ 

ជំនឿមិនត្រឹមត្រូវមួយដែលនិយាយថា ការញ៉ាំទឹកជារៀងរាល់ ១៥នាទីម្តងនោះអាចជួយការពារការឆ្លងវីរុសកូវីដ១៩បាន បានកំពពុងតែសាយភាយពេញបណ្តាញសង្គមខ្លាំងណាស់ហើយក្នុងរយៈពេលប៉ុន្មានថ្ងៃចុងក្រោយនេះ។ ខណៈពេលដែលការញ៉ាំតឹកមិនអាចធានាថា អ្នកនឹងមិនឆ្លងវីរុសកូវីដ១៩នោះ តែការញ៉ាំទឹកបានគ្រប់គ្រាន់អាចបង្កើនមុខងារប្រព័ន្ធភាពស៊ាំ និងធានាថា រាងកាយអាចប្រឆាំងនឹងវីរុសបានបើសិនជាឆ្លងមែននោះ។ 

ការញ៉ាំតឹកនឹងជួយផ្តល់អុកស៊ីសែនដល់កោសិកា។ នៅពេលកោសិកាទទួលបានអុកស៊ីសែនបានគ្រប់គ្រាន់ វានឹងមានសមត្ថភាពពេញលេញ ក្នុងការការពាររាងកាយពីរបស់ពីខាងក្រៅរាងកាយដែលព្យាយាមចូលក្នុងខ្លួន ហើយប្រឆាំងនឹងវាដល់ទីបំផុត។ 

ការញ៉ាំទឹកគ្រប់គ្រាន់ក៏ដើរតួនាទីដ៏សំខាន់បំភុតក្នុងការសម្រួលដល់សីតុណ្ហភាពរបស់រាងកាយ។ ដូច្នេះបើសិនជាអ្នកមានបញ្ហាក្តៅខ្លួន ដោយមិនខ្វល់ថាបង្កឡើងដោយវីរុសកូវីដ១៩ឬអត់ទេ ការញ៉ាំទឹកគ្រប់គ្រាន់គឺជារឿងសំខាន់បំផុត។ យោងទៅតាមសេចក្តីរាយការណ៍របស់ HarvardHealth បានឲ្យដឹងថា ការញ៉ាំទឹកគ្រប់គ្រាន់គឺជារឿងសំខាន់បំផុតសម្រាប់ហេតុផលជាច្រើន ហើយក៏បន្ថយការចម្លងរោគបានផងដែរ។ (អាន:ថ្នាំងងុយគេង ពេលអ្នកគួរប្រើ)ការញ៉ាំទឹកគ្រប់គ្រាន់នឹងជួយដល់ការផ្គត់ផ្គង់ជីវជាតិទៅដល់រាងកាយគ្រប់កន្លែង ដើម្បីរាងកាយធ្វើការកាន់តែមានប្រសិទ្ធភាព៕