ប្រទេសជាច្រើនជុំវិញពិភពលោកកំពុងតែរងសម្ពាធយ៉ាងខ្លាំងដោយសារតែការរាលដាលយ៉ាងលឿនរបស់វីរុសកូវីដ១៩។ ហេតុដូច្នេះហើយ តាំងពីកន្លែងធ្វើការដល់ផ្ទះ ការរស់នៅដាច់ឆ្ងាយពីមនុស្សជុំៗគ្នាគឺជាផ្នែកមួយនៃជីវិតរស់នៅប្រចាំថ្ងៃហើយដើម្បីបង្ការការឆ្លងវីរុសនេះ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យោងទៅតាមអង្គការសុខភាពពិភពលោកបានឲ្យដឹងថា វីរុសកូវីដ១៩ គឺជាត្រកូលគ្រួសារវីរុសដ៏ធំមួយដែលបង្កជំងឺច្រើនប្រភេទចាប់តាំងពី ជំងឺផ្តាសាយរហូតដល់ជំងឺផ្លូវដង្ហើមធ្ងន់ធ្ងរ ដូចជា ជំងឺសារ និងជំងឺរលាកផ្លូវដង្ហើមមជ្ឈមបូព៌ា។ 

យោងទៅតាមអង្គការសុខភាពពិភពលោក វីរុសកូវីដ១៩គឺជាប្រភេទវីរុសកូរ៉ូណាថ្មីដែលរកឃើញក្នុងឆ្នាំ២០១៩ ដែលឆ្លងចូលរាងកាយមនុស្ស។ អាការៈញឹកញាប់នៃការបង្ករោគមួយនេះមានដូចជា អាការៈផ្លូវដង្ហើម ក្តៅខ្លួន ក្អក ពិបាកដកដង្ហើម និងដកដង្ហើមខ្លីៗ។ ករណីធ្ងន់ធ្ងរ វាអាចបង្កជាជំងឺរលាកសួត ចង្កោមរោគសញ្ញាផ្លូវដង្ហើមស្រួចស្រាវធ្ងន់ធ្ងរ ខ្សោយតម្រងនោម និងស្លាប់។ 

រឿងមួយដែលកំពុងតែមានការចែកចាយយ៉ាងខ្លាំងនោះគឺថា កាលណាអាកាសធាតុក្តៅកាន់តែខ្លាំងគឺអាចសម្លាប់វីរុសបាន។ រឿងនេះបានធ្វើឲ្យសេចក្តីរាយការណ៍ជាច្រើននិយាយថា ការចាប់ផ្តើមរដូវក្តៅនឹងជាថ្ងៃអវសានសម្រាប់បញ្ឈប់ការចម្លងវីរុសហើយ។ ប៉ុន្តែរឿងនេះមិនទាន់សេចក្តីសន្និដ្ឋានចុងក្រោយនៅឡើយទេ។ អ្នកវិទ្យាសាស្រ្តមិនបានផ្តល់ជាចម្លើយច្បាស់លាស់ណាមួយដែលទាក់ទងនឹងឥទ្ធិពលរបស់អាកាសធាតុក្នុងរដូវក្តៅចំពោះវីរុសកូវីដ១៩ទេ។ យោងទៅតាមការសិក្សាបានឲ្យដឹងថា វីរុសនេះអាចនៅតែមានភាពសកម្មរយៈពេល ៨ ទៅ១០ថ្ងៃនៅលើផ្ទៃដែលស្ងួត ខណៈពេលដែលវាអាចរស់នៅក្នុងខ្លួនមនុស្សមានសីតុណ្ហភាព ៣៧អង្សារទៀត។ (អាន:ថ្នាំងងុយគេង ពេលអ្នកគួរប្រើ)ប៉ុន្តែសីតុណ្ហភាពខ្លាំងប៉ុណ្ណាដែលអាចសម្លាប់វីរុសកូវីដ១៩នោះនៅតែមិនទាន់ដឹងនៅឡើយទេ៕