សព្វថ្ងៃនេះ វីរុសកូវីដ១៩មិនត្រឹមតែបានចម្លងមនុស្សរាប់ពាន់នាក់ទូទាំងពិភពលោកទេ តែវាក៏បង្កើតជាអារម្មណ៍ខ្លាចឆ្លងលើប្រជាជនទូទៅផងដែរ។ ប្រហែលជាយើងទាំងអស់គ្នាធ្លាប់មានអារម្មណ៍មួយស្រ្តេសខ្លាំងចំពោះវីរុសបង្កជំងឺផ្លូវដង្ហើមមួយនេះហើយដែលចេះតែបន្តរាលដាលពាសពេញពិភពលោកបែបនេះ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ដំណឹងល្អនោះគឺថា វាដូចជាមិនត្រូវការខ្លាចខ្លាំងបែបនេះទេ ដោយសារតែមានមធ្យោបាយច្រើនក្នុងការបង្ការវា។ ខាងក្រោមនេះគឺជាហេតុផលដែលអ្នកមិនគួរណាខ្លាចវីរុសកូវីដ១៩ខ្លាំងពេកឡើយ៖
- គ្រាន់តែរយៈពេលប្រហែល១៩ម៉ោងក្រោយអាមេរិកប្រកាសថា បានចាប់ផ្តើមដំណាក់កាលសិក្សាស្រាវជ្រាវវ៉ាក់សាំងដំបូងគេបំផុត mRNA-1273 ស្រាប់តែចិនបានដំណើរការណ៍ការសិក្សាលវ៉ាក់សាំងកូវីដ១៩ដ៏មានសុវត្ថិភាពលើមនុស្ស ដែលបានបង្កើតឡើងដោយអ្នកជំនាញ Military Bio-warfare និងក្រុមការងាររបស់ខ្លួន។ វាអាចនឹងត្រូវការពបេល ១២ ទៅ ១៨ខែដើម្បីវ៉ាក់សាំងនេះអាចចែកចាយប្រើប្រាស់ពេញពិភពលោកបាន។ យោងទៅតាមសេចក្តីរាយការណ៍បានឲ្យដឹងថា មានគម្រោងច្រើនជាង ៨ឯណោះដែលកំពុងតែធ្វើដើម្បីបង្កើតជាវ៉ាក់សាំងប្រឆាំងនឹងវីរុសកូវីដ១៩នេះ។
- ក្រុមគ្រូពេទ្យនៅខេត្តព្រះសីហនុបានព្យាបាលអ្នកជំងឺផ្ទុកវីរុសកូវីដ១៩ដែលជាជនជាតិចិនមកពីក្រុងវ៉ូហានផ្ទាលតែម្តងនោះ បានជាសះស្បើយយ៉ាងជោគជ័យ ហើយក៏បានអនុញ្ញាតិឲ្យគាត់ចេញពីមន្ទីរពេទ្យវិញដែរ។
- ថ្វីបើអំណះអំណាងជាច្រើនដែលបញ្ជាក់ថា អ្នកជំងឺវ័យចាស់ៗងាយនឹងឆ្លងវីរុសកូវីដ១៩ក៏ដោយ តែមនុស្សចាស់មួយចំនួនដែលឆ្លងជំងឺនេះបានជាសះស្បើយហើយ។
- ខណៈពេលដែលពិភពលោកកំពុងតែបន់ស្រន់រកថ្នាំបន្សាបវីរុសកូវីដ១៩ សេចក្តីរាយការណ៍ព័ត៌មានបានណែនាំថា ថ្នាំព្យាបាលជំងឺផ្តាសាយដែលប្រើក្នុងប្រទេសជប៉ុនបានបង្ហាញនូវលទ្ធផលសន្យាថា អាចព្យាបាលអ្នកជំងឺកូវីដ១៩បាន។ តាមការសិក្សាដោយប្រើថ្នាំប្រឆាំងនឹងវីរុសឈ្មោះថា Favipiravir ឬ Avigan ព្រោះការព្យាបាលសម្រាប់វីរុសថ្មីនេះបានបង្ហាញនូវលទ្ធផលល្អបំផុត។
- ការធ្វើតេស្ត (Real-time RTPCR) ដើម្បីរកមើលវីរុសថ្មីអាចប្រើប្រាស់បានចាប់តាំងពីថ្ងៃទី ១២ ខែមករា ឆ្នាំ២០២០ មកម្លេះ។ ស្ថានភាពកំពុងតែធូរស្រាលច្រើនហើយក្នុងប្រទេសចិន ដោយមានខេត្តជាច្រើននៃប្រទេសនេះនិយាយថាមិនមានករណីថ្មីណាមួយកើតឡើងទៀតទេ។ អ្នកស្រាវជ្រាវបានណែនាំថា ៨០ភាគរយនៃករណីកូវីដ១៩គឺមានលក្ខណៈតិចតួច ថ្វីបើវីរុសនេះអាចបង្កជំងឺរលាកសួតធ្ងន់ធ្ងរតែ ១៤ភាគរយ និងអាចស្លាប់មាន ៥ភាគរយក៏ដោយ។ ផ្នែកមួយដ៏ល្អបំផុតនោះគឺការអនុវត្តរបៀបរស់នៅផ្តល់សុខភាពដូចជា ការលាងសម្អាតដៃឲ្យបានស្អាតល្អ អនុវត្តការក្អកបែបទទួលខុសត្រូវ នៅឆ្ងាយពីកន្លែងមានមនុស្សជុំគ្នាច្រើន នៅដាច់ដោយឡែកពីគេបើសិនជាអ្នកឈឺ ព្រោះវាអាចជួយបង្ការ ឬបន្ថយការប្រឈមនឹងការចម្លងវីរុសបាន។(អាន:ថ្នាំងងុយគេង ពេលអ្នកគួរប្រើ)
រដ្ឋាភិបាលជុំវិញពិភពលោកកំពុងតែដុតដៃដុតជើងដើម្បីគ្រប់គ្រងការរាលដាលរបស់វីរុស។ ប្រហែលជាយើងទាំងអស់គ្នាដើរតួនាទីដ៏សំខាន់បន្ថែមទៀត ដើម្បីជួយគ្នាជំរុញដល់ការគ្រប់គ្រងនេះ និងបង្ការការរាលដាលរបស់ជំងឺនេះបាន តាមរយៈការអនុវត្តអនាម័យដៃជើងទាំងអស់គ្នា៕