ភ្នាក់ងារសង្គ្រោះបន្ទាន់បានចុះជួយអន្តរាគមន៍ បង្កការភ្ញាក់ផ្អើលកាលពីថ្ងៃសៅរ៍ ដើមខែឧសភា បន្ទាប់ពីសិស្សស្រីម្នាក់ដែលរៀននៅអនុវិទ្យាល័យមួយក្នុងខេត្តចឺជាំង (Zhejiang) ប្រទេសចិន បានគាបជាប់ក្នុងចម្រឹងគ្រែដែកអំឡុងពេលល្បងជាមួយមិត្ត រួមថ្នាក់របស់នាង ដើម្បីចង់ដឹងថាតើអ្នកមានរូបរាងស្វែលជាងគេបំផុត។
ថ្មីៗនេះបណ្តាអ្នកនិយមប្រើប្រាស់អ៊ិនធឺណិតចិនពេញនិយមលេងល្បែងវាស់រាងស្វែល របស់ខ្លួនក្នុងទម្រង់ផ្សេងៗគ្នា ហើយនេះជាល្បែងថ្មីមួយទៀត។ ល្បែងមុនៗរួមមានដូចជា “A4 Waist Challenge” ដែលនារីៗលើកសន្លឹកក្រដាសទំហំ ៨.៣អ៊ីញដើម្បីបង្អួតពីចង្កេះ រាងរាវរបស់ពួកគេ និង “Belly-button Challenge” ដែលអ្នកលេងអ៊ិនធឺណិតព្យាយាមព័ទ្ធ ដៃរបស់ពួកគេទៅក្រោយ ហើយលូកឱ្យមកដល់ផ្ចិតក្បាលពោះ៕
ប្រភព៖ rasmeinews.com