ងាយៗ! បំបាត់បញ្ហាម្រាមជើងស្ងួតខ្មៅ ដោយគ្រាន់តែធ្វើបែបនេះ

បញ្ហាម្រាមជើងស្ងួតខ្មៅមិនស្អាតងាយនឹងដោះស្រាយណាស់។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) តើត្រូវធ្វើបែបណាខ្លះមែនទេ? កុំបារម្ភ! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗជួយឱ្យម្រាមជើងមានសំណើមទន់រលោង ៖

១. ម៉ាស្សាជាមួយប្រេងគ្រាប់អាល់ម៉ុន

អ្វីដែលអ្នកត្រូវធ្វើ គឺគ្រាន់តែលាបម៉ាស្សាប្រេងគ្រាប់អាល់ម៉ុនបន្តិចឱ្យសព្វម្រាមជើងរហូតដល់ជ្រាបចូលអស់ក្នុងស្បែកជាការស្រេច។ អនុវត្តជាប្រចាំរហូតទទួលបានលទ្ធផលគាប់ចិត្ត។

២. ប្រេងអូលីវ

កម្ដៅប្រេងអូលីវឱ្យក្ដៅឧណ្ហៗសម្រាប់រយៈពេលប៉ុន្មាននាទីជាមុនសិន។ បន្ទាប់មកលាបម៉ាស្សាវាលើម្រាមជើងដូចប្រេងគ្រាប់អាល់ម៉ុនដែរជាការស្រេច។

៣. ទឹកក្រូចឆ្មារស្រស់

ជ្រលក់ទឹកក្រូចឆ្មារស្រស់លាបលើម្រាមជើងនិងទុកចោលសម្រាប់រយៈពេលប្រហែល ១៥ នាទីសឹមលាងសម្អាតចេញជាមួយទឹកធម្មតា។ អនុវត្តឱ្យបាន ២ដងក្នុងមួយថ្ងៃ។

៤. ស្ករសនិងក្រូចឆ្មារ

លាយស្ករសជាមួយក្រូចឆ្មារឱ្យខាប់ៗបន្តិច រួចដុសម៉ាស្សាល្បាយនេះថ្នមៗលើម្រាមជើង។ លាងសម្អាតចេញជាមួយទឹកធម្មតា។ អនុវត្តឱ្យបាន ២ ដងក្នុងមួយសប្តាហ៍។ អ្នកគួរលាបក្រែមផ្ដល់សំណើមបន្ថែមក្រោយអនុវត្តរូបមន្តនេះ។

៥. ស្ករសនិងទឹកឃ្មុំ

លាយទឹកឃ្មុំនិងស្ករសក្នុងបរិមាណស្មើគ្នា។ បន្ទាប់មកលាបម៉ាស្សាល្បាយនេះលើម្រាមជើងសម្រាប់រយៈពេលពី ២ ទៅ ៣ នាទី សឹមលាងសម្អាតចេញជាមួយទឹកក្ដៅឧណ្ហៗ។ អនុវត្តឱ្យបាន ២ ដងក្នុងមួយសប្តាហ៍។ អ្នកគួរលាបក្រែមផ្ដល់សំណើមបន្ថែមក្រោយអនុវត្តរូបមន្តនេះ។

៦. ប្រេងដូង

អ្វីដែលអ្នកត្រូវធ្វើ គឺគ្រាន់តែលាបម៉ាស្សាប្រេងដូងពេញប្រអប់ជើងរួមទាំងម្រាមនៅពេលយប់មុនចូលគេង។ កុំភ្លេចពាក់ស្រោមជើង៕