អ្នកវិទ្យាសាស្រ្ត៖ អ្នកជំងឺលើសសម្ពាធឈាម និងទឹកនោមផ្អែមអាចប្រឈមខ្លាំងនឹងវីរុសកូវីដ១៩

អ្នកជំងឺទឹកនោមផ្អែម និងលើសសម្ពាធឈាមអាចប្រឈមកាន់តែខ្ពស់នឹងអាការៈកាន់តែធ្ងន់ធ្ងរ ឬគ្រោះថ្នាក់ដល់អាយុជីវិតដោយសារតែវីរុសកូវីដ១៩ ដោយសារតែថ្នាំដែលពួកគេលេបតែម្តង។ ថ្នាំឈ្មោះថា ACE Inhibitors និង Angiotensin Receptors Blockers ប្រហែលជាអាចផ្លាស់ប្តូររូបរាងកោសិការបស់មនុស្សយើងដែលជារឿងមួយអំណោយផលកាន់តែស្រួលសម្រាប់វីរុសកូវីដបង្ករោគ និងបង្កជំងឺកាន់តែធ្ងន់ធ្ងរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)រឿងនេះត្រូវបានចុះផ្សាយក្នុងសារព័ត៌មានវេជ្ជសាស្រ្តរបស់ចក្រភពអង់គ្លេស The Lancet Respiratory Medicine ដែលសិក្សាអំពីរបៀដែលវីរុសកូវីដធ្វើការបង្ករោគលើកោសិការបស់មនុស្ស។ 

ប៉ុន្តែគ្រូពេទ្យម្នាក់បានដាក់បម្រាមថា អ្នកជំងឺដែលកំពុងតែលេបថ្នាំទាំងនោះហើយមិនត្រូវឈប់ប្រើវាភ្លាមឡើយ ហើយក៏ត្រូវតែយករឿងនេះទៅពិគ្រោះជាមួយគ្រូពេទ្យសិន។ អ្នកវិទ្យាសាស្រ្តជាច្រើននិយាយថា ការស្រាវជ្រាវមិនបានអះអាងនូវទំនាក់ទំនងរវាងថ្នាំខាងលើ និងភាពធ្ងន់ធ្ងរនៃជំងឺកូវីដ១៩ឡើយ ប៉ុន្តែទំនាក់ទំនងដ៏មានសក្តានុភាពនោះគួរតែមានការសិក្សាកាន់តែច្បាស់បន្ថែមទៀត។ 

កត្តាផ្សេងៗទៀតដែលនាំឲ្យមានការបង្ករោគកាន់តែធ្ងន់ធ្ងរពីវីរុសកូវីដ១៩នោះមានដូចជា អាយុចាប់ពី ៨០ឆ្នាំឡើងទៅ និងមានជំងឺបេះដូង។ អ្នកដែលមានប្រព័ន្ធភាពស៊ាំចុះខ្សោយស្រាប់ដូចជា អ្នកជំងឺមហារីក ឬអ្នកមានជំងឺសួតរយៈពេលយូរសុទ្ធតែប្រឈមខ្ពស់។ 

នៅក្នុងសារព័ត៌មានគេបានពន្យល់ថា វីរុសកូវីដ១៩នឹងទៅតោងជាប់នឹងកោសិកា និងធ្វើការវាយប្រហារតាមរយៈការទម្លុះចូលសារធាតុឈ្មោះថា Angiotensin-converting Enzyme 2 (ACE2)។ អ្នកជំងឺលើសសម្ពាធឈាមមួយចំនួន ឬជំងឺទឹកនោមផ្អែមប្រភេទទី១ ឬទី២ គួរតែលេបថ្នាំដើម្បីបង្កើនចំនួន ACE2 ដែលមានលើកោសិការបស់ពួកគេ ដើម្បីគ្រប់គ្រងជំងឺទាំងនេះ។ 

យ៉ាងណាមិញ យោងទៅតាមទិន្នន័យបានបញ្ជាក់ថា ចំនួនសារធាតុ ACE2 មានការកើនឡើងលើអ្នកជំងឺទឹកនោមផ្អែម និងអ្នកព្យាបាលជំងឺឡើសសម្ពាធឈាមដោយប្រើថ្នាំ ACE Inhibitors។ ដូច្នេះផលវិបាកនោះគឺថា កាលណាកើនឡើងវត្តមានរបស់ ACE2 នោះនឹងជំរុញដល់ការបង្ករោគកាន់តែស្រួលពីសំណាក់វីរុសកូវីដ១៩។ ចំណែកពពួកថ្នាំប្រភេទ ACE Inhibitors ដែលមានរាល់ថ្ងៃនោះមានដូចជា Ramipril, Losartan, Lisinopril និង Candesartan ជាដើម។ 

ទោះបីជាយ៉ាងណាក៏ដោយ យោងទៅតាមសាស្រ្តាចារ្យ Tim Chico មកពីសាកលវិទ្យាល័យ Sheffield និយាយថា “រឿងនេះមិនមានបង្ហាញអំពីអំណះអំណាងបញ្ជាក់អំពីទំនាក់ទំនងរវាងថ្នាំ និងការប្រឈមខ្ពស់នឹងការស្លាប់ដោយសារតែវីរុសកូវីដ១៩នៅឡើយទេ។ វាមិនទាន់មានសេចក្តីរាយការណ៍អំពីលទ្ធផលនៃការសិក្សានៅឡើយទេ តែអ្វីដែលមានគឺសំណួរដែលសួរថាតើអាចទេដែលប្រភេទនៃថ្នាំបញ្ចុះសម្ពាថឈាម និងថ្នាំជំងឺបេះដូង ឈ្មោះថា ACE Inhibitors អាចប្រឈមខ្ពស់នឹងការបង្ករោគដោយវីរុសកូវីដ១៩ធ្ងន់ធ្ងរ។ វាគ្មានអ្វីបញ្ជាក់ច្បាស់នៅឡើយទេ តែគួរតែមានការសិក្សាបន្ថែម ហើយក៏មិនអាចនិយាយបានថា ថ្នាំខាងលើធ្វើឲ្យជំងឺកូវីដ១៩កាន់តែធ្ងន់ធ្ងរនោះដែរ”។ (អាន:ថ្នាំងងុយគេង ពេលអ្នកគួរប្រើ)លោកសាស្រ្តាចារ្យ បានបន្ថែមទៀតថា “បើសិនជាអ្នកជំងឺឈប់លេបថ្នាំ និងមានលក្ខណៈធ្ងន់ធ្ងររហូតដល់ត្រូវការសម្រាកក្នុងមន្ទីរពេទ្យក្នុងពេលតែមួយដោយសារតែកំពុងតែដោះស្រាយការកើនឡើងរបស់ករណីជំងឺកូវីដ១៩នោះ រឿងនេះគួរតែដាក់បន្ទុកទៅលើសេវាកម្មថែទាំសុខភាពទៅវិញទេ”៕