យោងទៅតាមអ្នកវិទ្យាសាស្រ្តក្នុងប្រទេសអូស្រ្តាលីបានឲ្យដឹងថា ថ្នាំដែលប្រើដើម្បីព្យាបាលវីរុសបង្កជំងឺអេដស៍ និងគ្រុនចាញ់អាចប្រើដើម្បីព្យាបាលវីរុសកូវីដ១៩បាន។ អ្នកជំនាញខាងជំងឺឆ្លងមួយក្រុមមកពីសាកលវិទ្យាល័យ Queensland ក្នុងតំបន់ Brisbane និយាយថា ពួកកេបានរកឃើញថ្នាំពីរប្រភេទដែលអាចគ្រប់គ្រងការបង្ករោគដោយវីរុសកូវីដ១៩បាន នោះគឺ Chloroquine ដែលជាថ្នាំសម្លាប់មេរោគក្រុនចាញ់ និងថ្នាំពន្យាជំងឺអេដស៍ Lopinavir/Ritonavir ដែលវាទាំងពីរនេះត្រូវបានគេរាយការណ៍ថា អាចធ្វើតេស្តលើមនុស្សបាន និងធ្វើឲ្យវីរុសរលាយបាត់ពីអ្នកជំងឺតែម្តង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

យ៉ាងណាមិញថ្នាំទាំងនេះត្រូវបានអ្នកវិទ្យាសាស្រ្ត និងគ្រូពេទ្យជុំវិញពិភពលោកមានបំណងចង់សាកល្បង និងបង្កើតវ៉ាក់សាំង ឬព្យាបាលវីរុសដ៏កាចសាហាវមួយនេះ។ ក្នុងនោះដែល អ្នកស្រាវជ្រាវមកពី Queensland លោកសាស្រ្តាចារ្យ David Paterson និយាយថា គាត់សង្ឃឹមថានឹងអាចធ្វើការព្យាបាលលើមនុស្សទ្រង់ទ្រាយធំនៅចុងខែនេះ។ វានឹងមិនអាចខុសឡើយក្នុងការពិចារណាថាថ្នាំនេះ អាចព្យាបាលការបង្ករោគលើផ្លូវដង្ហើមដ៏កាចសាហាវនេះបាន។ 

គាត់បានពន្យល់ថា នៅពេលថ្នាំព្យាបាលជំងឺអេដស៍ Lopinavir/Ritonavir ត្រូវបានបប្រើលើអ្នកជំងឺផ្ទុកវីរុសកូវីដ១៩ ក្នុងប្រទេសអូស្រ្តាលី វាអាចធ្វើឲ្យវីរុសនោះបាត់ខ្លួនពីរាងកាយអ្នកជំងឺតែម្តង។ ដូច្នេះវាពិតជាការព្យាបាលដ៏មានប្រសិទ្ធភាពខ្លាំង។ 

នៅប្រទេសអូស្រ្តាលីត្រូវបានគេបញ្ជាក់ថាមានករណីជំងឺកូវីដ១៩ ជាង ១០០ករណី ហើយក៏មានមនុស្ស៣នាក់បានស្លាប់ផងដែរ។ ចំណែកឯថ្នាំប្រឆាំងនឹងវីរុសអេដស៍ កំពុងតែត្រូវបានគេធ្វើតេស្ត។ ករណីប្រើវិញគឺអាចប្រើពីរដងក្នុងមួយថ្ងៃចំពោះអ្នកជំងឺផ្ទុកមេរោគអេដស៍ដើម្បីបន្ថយចំនួនវីរុសដែលមានក្នុងខ្លួន។ ការដែលប្រើថ្នាំនេះជាទៀងតាត់គឺដើម្បីបញ្ឈប់ការបង្កើតកូនចៅរបស់វីរុសអេដស៍ក្នុងឈាម ហើយក៏ប្រហែលជាបន្ថយការចម្លងទៅអ្នកដទៃទៀតផង។ ថ្នាំនេះត្រូវបានដាក់លក់ក្នុងឈ្មោះជា Kaletra។ សមត្ថភាពរបស់វីរុសនេះត្រូវបានសាស្រ្តាចារ្យខាងលើទទួលស្គាល់ថា មានសមត្ថភាពបញ្ឈប់វីរុសកុំឲ្យបង្កើតកូនចៅ និងបង្ករោគទៅលើកោសិកាថ្មី ហើយក៏ត្រូវបានគេជឿជាក់ថាអាចព្យាបាលវីរុសកូវីដ១៩បានយ៉ាងមានប្រសិទ្ធភាព។ 

ម៉្យាងវិញទៀត ថ្នាំប្រឆាំងជំងឺគ្រុនចាញ់ឈ្មោះថា Chloroquine មានប្រសិទ្ធភាពខុសគ្នា ហើយវាច្រើនតែត្រូវបានគេប្រើប្រាស់ដើម្បីព្យាបបាលការបង្ករោគគ្រុនចាញ់បើសិនជាអ្នកជំងឺត្រូវបានមូសផ្ទុកប៉ារ៉ាសិតគ្រុនចាញ់ខាំ។ ថ្នាំនេះមានប្រសិទ្ធភាពព្យាបាលជំងឺគ្រុនចាញ់ដោយវាបង្កើតអំបិលចូលដើម្បីបំពុលប៉ារ៉ាសិតបង្កជំងឺគ្រុនចាញ់ និងបង្ការកុំឲ្យវាលូតលាស់នៅក្នុងកោសិកាគ្រាប់ឈាមក្រហមរបស់មនុស្ស។ វាក៏ត្រូវបានគេរកឃើញថា អាចសម្លាប់វីរុសជាច្រើនបានដែរ ហើយអ្នកវិទ្យាសាស្រ្តបានរកឃើញក្នុងការធ្វើតេស្តក្នុងមន្ទីរពិសោធន៍ថា វាអាចមានប្រសិទ្ធភាពប្រឆាំងនឹងវីរុសកូវីដ១៩ថែមទៀត។ 

គួរបញ្ជាក់ផងដែរថា សាស្រ្តាចារ្យ Paterson ដែលជាគ្រូពេទ្យជំនាញខាងជំងឺឆ្លងបានធ្វើយុទ្ធនាការណ៍រៃអង្គាសថវិកាជាមួយមន្ទីរពេទ្យ Royal Brisbane and Women’s Hospital ដើម្បីបង្កើនប្រាក់ចំណូលទ្រទ្រង់ដល់កម្មវិធីស្រាវជ្រាវនេះ។ (អាន:ថ្នាំងងុយគេង ពេលអ្នកគួរប្រើ)ថវិកាសកម្មភាពកូរ៉ូណា ឬហៅថា Coronavirus Action Fund សង្ឃឹមថាអាចមានចំណូល ៧៥០០០០ដុល្លា ដើម្បីឈ្មោះទៅរកការយល់ដឹងកាន់តែច្បាស់ និងព្យាបាលកាន់តែល្អលើករណីជំងឺបង្កឡើងដោយវីរុសកូវីដ ១៩ នេះ។ ការស្រាវជ្រាវនេះនឹងធ្វើឡើងភ្លាមកាលណាទទួលបានថវិការគ្រប់គ្រាន់៕