ស្រ្តីគ្រប់រូបតែងតែស្រមៃចង់បានសក់ក្បាលដែលពេញក្បាល មានលក្ខណៈរលោង និងមានសុខភាពល្អ។ ខណៈពេលដែលការទទួលបានសក់ស្អាត និងភ្លឺរលោងបែបធម្មជាតិអាចជារឿងទាក់ទងនឹងហ្សែន និងសំណាងនោះ តែក៏មានមធ្យោបាយច្រើនទៀតដែលអ្នកអាចជួយរក្សាសរសៃសក់កាន់តែមានសុខភាពល្អបានដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ក្រែមអប់សក់ត្រូវបានគេរកឃើញថាជាប្រភពដ៏អស្ចារ្យនៃជីវជាតិរបស់សក់។ វាមិនគ្រាន់តែផ្តល់ជីវជាតិដល់សរសៃសក់ទេ តែក៏វាអាចធ្វើឲ្យសក់កាន់តែរលោងជាងមុនដែរ។ មនុស្សគ្រប់រូបត្រូវការក្រែមអប់សក់ដើម្បីធ្វើឲ្យសក់កាន់តែទន់រលោងចាប់ពីគល់រហូតដល់ចុងសក់។ ខាងក្រោមនេះគឺជាអត្ថប្រយោជន៍មួយចំនួននៃក្រែមអប់សក់៖
បង្ការសក់ជំពាក់
ការប្រើប្រាស់ក្រែមអប់សក់ក្រោយកក់សាប៊ូរួចអាចនឹងមានប្រយោជន៍ច្រើន។ ការសិតសក់ទាំងសក់សើមក្រោយអប់សក់រួចនឹងនាំឲ្យសក់ខូចកាន់តែតិច ហើយក៏ជួយដោះស្រាយបញ្ហាជំពាក់សក់ផងដែរ។
បន្ទន់សក់បានល្អ
ការអប់សក់ពីគល់ដល់ចុងអាចជួយពង្រឹងដល់គុណភាពសរសៃសក់ និងជួយផ្តល់ភាពរលោងដល់សរសៃសក់ផងដែឬ។ ការប្រើប្រាស់វាក៏ផ្តល់ភាពស្រស់ស្អាតដល់សរសៃសក់បានដែរ។
បន្ថែមភាពភ្លឺរលោង
ដោយសារតែក្រែមអប់សក់មានជាតិប្រូតេអ៊ីន ប្រេង និងទឹក ដូច្នេះការប្រើប្រាស់វាជាប្រចាំថ្ងៃច្រើនតែផ្តល់ភាពភ្លឺរលោងដល់សរសៃសក់យើងបាន។ វាក៏ផ្តល់នូវភាពមានរបៀបរៀបរយដល់សរសៃសក់យើងផងដែរ។
ផ្តល់សំណើមដល់សក់ដែលកំពុងតែស្ងួត
អត្ថប្រយោជន៍ដ៏សំខាន់មួយផ្សេងទៀតនៃការប្រើបប្រាស់ក្រែមអបប់សក់គឺថា វាអាចជួយបំបាត់ភាពស្ងួត និងការពុកផុយរបស់សក់បាន។ ចូរផ្តល់សំណើមដល់សរសៃសក់ដើម្បីចៀសវាងបញ្ហាសក់ផ្សេងៗដូចជា សក់បែកចុង និងខូចសរសៃសក់ជាដើម។
បន្ថយការប្រើប្រាស់កន្សែងជូត
មនុស្សភាគច្រើនតែងរអ៊ូថា ជ្រក់សក់ខណៈពេលដែលពួកគេច្រើនតែប្រើកន្សែងស្ងួតសម្ងួតសក់ក្រោយងូតទឹករួច។ ការបប្រើប្រាស់ក្រែមអប់សក់ពិតជាអាចបន្ថយការបារម្ភរបស់អ្នកបាននៅពេលដែលយើងអប់សក់រួច។
ជម្រុញដល់ភាពយឺតរបស់សរសៃសក់
ការប្រើប្រាស់ក្រែមអប់សក់ជាទៀងទាត់អាចជួយពង្រឹងដល់ភាពយឺតរបស់សរសៃសក់បាន ប៉ុន្តែបើគ្មានក្រែមនេះអេ សក់អាចនឹងងាយស្ងួត និងផុយ ព្រមទាំងខូចច្រើនទៀតផង។ ការប្រើប្រាស់ក្រែមអប់សក់ជាប្រចាំអាចផ្តល់សំណើមដល់សរសៃសក់បានយ៉ាងល្អ។
ការពារសក់ស្អាតពីការខូចខាត
ការអប់សក់ជាទៀងទាត់នឹងជួយការពារសរសៃក់ពីបរិយាកាសបំពុល និងការខូចខាត។ វាក៏ជួយចៀសផុតពីផលរំខាននៃការលេបស្តាយសក់ ដូចជា អ៊ុតសក់ត្រង់ ឬផ្លុំសក់ផងដែរ។ (អាន:ថ្នាំងងុយគេង ពេលអ្នកគួរប្រើ)វានឹងបង្កើតជាស្រទាប់ការពារជុំវិញសរសៃក់ និងថែរក្សាសក់ឲ្យនៅរលោង និងភ្លឺ៕