វីរុសកូវីដ១៩បានរាលដាលស្ទើរតែគ្រប់កន្លែងនៃពិភពលោកទាមងមូល ហើយវាក៏បានក្លាយទៅជាបញ្ហាមួយគួរឲ្យបារម្ភខ្លាំងបំផុតសម្រាប់មនុស្សជាតិ ប្រព័ន្ធសុខាភិបាល និងរដ្ឋាភិបាល។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ការដែលមានភាពរាលដាលយ៉ាងលឿនបែបនេះ បានធ្វើកុំប្រជុំធំៗត្រូវបានលុបចោល រួមទាំងរោងកុន សាលារៀន និងកន្លែងធ្វើការជាច្រើនត្រូវបង្ខំចិត្តបិតជាបណ្តោះអាសន្នដើម្បីទប់ស្កាត់ការរាលដាលរបស់វីរុសនេះ។ រាល់កន្លែងសាធារណៈ ដែលមានការប៉ះពាល់ដោយមនុស្សជាច្រើន អាចជាកន្លែងទុំនៅរបស់វីរុស ហើយវាក៏ជារឿងពិតមួយផងដែរសម្រាប់ក្លិបហាត់ប្រាណ។ សម្រាប់អ្នកដែលជាសមាជិកក្លិបហាត់ប្រាណតែងតែចង់បានរាងកាយមានសុខភាពល្អនោះ តែការទៅហាត់ក្នុងក្លិបទៀតនៅពេលនេះអាចជារឿងគ្រោហថ្នាក់ខ្លាំងសម្រាប់សុខភាពទៅវិញទេ។
ការចៀសឆ្ងាយពីកន្លែងជុំគ្នាគឺជាវិធីសាស្រ្តដ៏ល្អបំផុតក្នុងការបង្ការការរាលដាលរបស់វីរុសកូវីដ១០។ ក្លិនហាត់ប្រាណអាចចាត់ទុកថាជាកន្លែងប្រជុំជនមួយដែរ ដោយសារតែមានមនុស្សចូលច្រើន។ ដៃរបស់ពួកគេអាចនឹងប៉ះឧបករណ៍ហាត់ប្រាណក្នុងក្លិប ដែលអាចចម្លងវីរុសទៅកន្លែងនោះ។ នៅពេលអ្នកប្រើប្រាស់ម៉ាស៊ីនទាំងនោះដែរ នោះវានឹងចម្លងមកលើដៃរបស់អ្នក។ ចាប់តាំងពីយើងបែកញើសក្នុងក្លិបហាត់ប្រាណ យើងទំនងជាយកដៃទៅប៉ះពាល់នៅមុខច្រើនដង។ អ្នកជំនាញបានហាមឃានចំពោហការប៉ះមុខ ដោយសារតែវីរុសអាចចូលក្នុងរាងកាយតាមមាត់ ច្រមុះ និងភ្នែកបាន។
ទោះបីជាវាជារឿងមួយពិបាកក៏ដោយ បើសិនជាមានករណីអ្នកជំងឺកូវីដ១៩ ត្រូវបានរកឃើញវិជ្ជមានក្នុងប្រទេសហើយ អ្នកត្រូវតែចៀសវាងការទៅក្លិបហាត់ប្រាណតែម្តង។ ការចៀសវាងកន្លែងជួបជុំគ្នាច្រើនកុះករ និងនៅផ្ទះឲ្យបានច្រើនបំផុតតាមតែអាចធ្វើទៅបានគឺជារឿងដែលត្រូវធ្វើហើយ។ បើសិនជាអ្នកត្រូវតែទៅក្លិបហាត់ប្រាណមែន ខាងក្រោមនេះគឺជារបៀបដែលអ្នកត្រូវចងចាំ និងអនុវត្តឲ្យបានខ្ជាប់ខ្ជួន៖
- ផ្លាស់ប្តូរសម្លៀកបំពាក់ហាត់ប្រាណជារៀងរាល់ថ្ងៃ។ ចូរមិនត្រូវគេង ញ៉ាំ ឬនៅតែស្លៀកសម្លៀកបំពាក់ហាត់ប្រាណទៀតក្រោយពីត្រឡប់មកផ្ទះវិញឡើយ។
- ចូរដាក់ទឹកលាងដៃដែលមានជាតិអាកុលយ៉ាងហោចណាស់ ៦០ភាគរយតាមខ្លួនជាប់នៅពេលទៅក្លិបហាត់ប្រាណ ហើយប្រើប្រាស់វាជាញឹកញាប់
- ចូរកុំយកដៃដែលកាន់ឧបករណ៍ហាត់ប្រាណរួចហើយទៅប៉ះមុខឲ្យសោះ
- ចូរងូតទឹក ឬយ៉ាងហោចណាស់លាងសម្អាតដៃជាមួយសាប៊ូ និងទឹកក្រោយពីត្រឡប់ពីហាត់ប្រាណវិញ(អាន:ថ្នាំងងុយគេង ពេលអ្នកគួរប្រើ)
- បើសិនជាអ្នកទៅជួបអ្នកឈឺនៅកន្លែងហាត់ប្រាណ ចូរនៅឲ្យឆ្ងាយពីគាត់យ៉ាងហោចណាស់មួយម៉ែត្រ
- បើសិនជាអ្នកមានអាការៈផ្តាសាយ ចូរទៅជួបគ្រូពេទ្យ និងធ្វើតេស្តខ្លួនឯងផងបើសិនជាចាំបាច់៕