ចង់គេងលក់កាន់តែស្រួល កុំភ្លេចញ៉ាំភេសជ្ជៈទាំងនេះមុនគេង

សព្វថ្ងៃនេះមនុស្សយើងមានភាពមរមាញឹកច្រើនទាក់ទងនឹងការងារប្រចាំថ្ងៃ ដូច្នេះការដេកពួនអាចនឹងពិបាកនឹងធ្វើ ជាពិសេសការគេងដែលគ្រប់គ្រាន់តែម្តង ខណៈពេលដែលអ្នកខ្លះគេងមិនលក់តែម្តង។ សម្រាប់មនុស្សពេញវ័យ ការគេងគួរតែធ្វើយ៉ាងណាឲ្យបាន ៧ ទៅ៩ម៉ោងក្នុងមួយយប់ទើបរាងកាយ និងចិត្តគំនិតត្រឡប់មកធម្មតាវិញ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ហេតុដូច្នេះហើយបើសិនជាអ្នកពិបាកនឹងការគេង ខ្ញុំសូមណែនាំភេសជ្ជៈខ្លះៗដូចខាងក្រោមនេះ ព្រោះវាអាចជំរុញដល់ការគេងលក់កាន់តែស្រួល៖

ទឹកដោះគោក្តៅឧណ្ហៗ

ទឹកដោះគោក្តៅឧណ្ហៗគឺជាជម្រើសដ៏ល្អបំផុតមួយដើម្បីជំរុញដល់ការគេងលក់កាន់តែស្រួ។ វាផ្ទុកទៅដោយសារធាតុ Tryptophan ដែលបង្កើនចំនួន Serotonin ក្នុងខួរក្បាល សម្រាប់ជំរុញដល់អារម្មណ៍រីករាយ និងសប្បាយចិត្ត។ អ័រម៉ូន Melatonin ត្រូវបានផលិតកាន់តែច្រើននៅពេលមនុស្សយើងស្ថិតក្នុងស្ថានភាពសប្បាយចិត្តបែបនេះ ដូច្នេះវានឹងល្អសម្រាប់អ្នកគេងមិនលក់រ៉ាំរ៉ៃ។ 

តែជីអង្កាម

តែជីអង្កាមជួយបំបាត់បញ្ហាឈឺក្រពះបាន នេះដោយសារតែវាមានសារធាតុប្រឆាំងការរលាក។ តាមរយៈការជួយឲ្យធូរសាច់ដុំ ជីអង្កាមក៏បន្ថយភាពតឹងរបស់សាច់ដុំ ដើម្បីឲ្យរាងកាយមានភាពធូរស្រាលបាន។ បើសិនជាអ្នកត្រូវទៅប្រឡង ឬត្រូវធ្វើបទបង្ហាញសំខាន់ណាមួយ ហើយចង់គេងលក់ពីយប់យ៉ាងល្អនោះ ចូរញ៉ាំតែជីអង្កាមទៅ។ 

ទឹកផ្លែឈើរី

ទឹកផ្លែឈើរីក៏មិនខុសគ្នានឹងទឹកដោះគោដែរ គឺផ្ទុកទៅដោយសារធាតុ Tryptophan។ វាអាចផលិតអ័រម៉ូន Melatonin ដើម្បីពង្រឹងដល់ការគេងដ៏មានគុណភាព។ ទឹកផ្លែឈើមួយនេះត្រូវបានការសិក្សាជាច្រើនធ្វើតេស្តដើម្បីព្យាបាលការគេងមិនលក់ ហើយក៏ត្រូវបានគេទទួលស្គាល់ថាជាជម្រើសដ៏មានប្រសិទ្ធភាពមួយក្នុងការបំបាត់ការគេងមិនលក់។ 

តែបៃតង

តែបៃតងផ្ទុកទៅដោយអង់ទីអុកស៊ីដង់ជាច្រើន ហើយក៏ជាជម្រើសដែលអ្នកគួរតែញ៉ាំគ្រប់ពេលដែរ។ យ៉ាងណាមិញ នៅពេលនិយាយដល់ការគេង តែបៃតងដែលគ្មានជាតិកាហ្វេអ៊ីនគឺជាជម្រើសដ៏ល្អបំផុត។(អាន:ថ្នាំងងុយគេង ពេលអ្នកគួរប្រើ) វាផ្ទុកទៅដោយសារធាតុ Theanine ដែលជំរុញដល់ការធូរស្រាលក្នុងអារម្មណ៍ និងការបំបាត់ស្រ្តេស ដូច្នេះអ្នកនឹងគេងលក់បានយ៉ាងសុខស្រួល៕