Join with Health.com.kh on Telegram

ការរួមភេទពិតជាវិធីសាស្រ្តដ៏ល្អក្នុងការជួយឲ្យរបួសឆាប់ជា។ អត្ថប្រយោជន៍ចំពោះសុខភាពនៃការរួមភេទមានច្រើនណាស់ ហើយវាក៏ជួយដល់ការជាសះរបួសផងដែរ។ វាអាចជួយឲ្យរបួសទាំងកាយ និងចិត្តជាវិញ ព្រមទាំងបង្ការជំងឺជាច្រើនថែមទៀត។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)អ្នកខ្លះនិយាយថា វាគឺជាថ្នាំដំបូងគេហើយដែលបុរសស្គាល់ និងគួរតែប្រើប្រាស់វារាល់ថ្ងៃ។ រឿងនេះស្តាប់មើលទៅតើពុតដែរទេ? ខាងក្រោមនេះគឺជាហេតុផលដែលបុរសគួរតែរួមភេទជារៀងរាល់ថ្ងៃ៖

ជាលំហាត់ប្រាណដ៏អស្ចារ្យ

ការរួមភេទត្រូវបានចាត់ទុកថាជាសកម្មភាពរាងកាយមួយប្រភេទដែរ។ ក្នុងពេលរួមភេទ ការប្រែប្រួលក្នុងរាងកាយគឺកើតឡើងជាការហាត់ប្រាណតែម្តង។ អ្នកគ្រាន់តែសម្គាល់ឃើញថា មានសង្វាក់នៃការដកដង្ហើមកើនឡើង នោះមានន័យថា អ្នកអស់ម្លាំង។ ដូច្នេះវានឹងរំលាយជាតិខ្លាញ់បាន។ បើសិនជាអ្នករួមភេទ ៣ដងក្នុងមួយសប្តាហ៍រយៈពេល ១៥នាទីក្នុងមួយដង អ្នកនឹងរំលាយជាតិខ្លាញ់បាន ៧៥០០កាឡូរីក្នុងមួយឆ្នាំ ហើយវាក៏ស្មើនឹងការរត់យឺត ៧៥គីឡូម៉ែត្រដែរ។ កាលណាការដកដង្ហើមកាន់តែខ្លាំង វានឹងបង្កើនចំនួនអុកស៊ីសែនផ្គត់ផ្គង់ដល់កោសិកា បង្កើតអ័រម៉ូនភេទ និងថែរក្សាឆ្អឹងព្រមទាំងសាច់ដុំកាន់តែខ្លាំង។ 

ធ្វើឲ្យក្មេងជាងមុន

ការរួមភេទបីដងក្នុងមួយសប្តាហ៍អាចនឹងធ្វើឲ្យអ្នកក្មេងជាងមុន ១០ឆ្នាំ។ នេះបើយោងទៅតាមអ្នកស្រាវជ្រាវជនជាតិ Scottish។ ចំណែកឯវេជ្ជបណ្ឌិត David Weeks អ្នកជំនាញខាងសរសៃប្រសាទផ្លូវចិត្តនៅឯមន្ទីរពេទ្យ Royal Edinburgh Hospital ដែលបានសិក្សាទៅលើឥទ្ធិបលនៃការរួមភេទចំពោះភាពចាស់របស់អាយុ បាននិយាយថា វាពិតជារឿងល្អណាស់ដែលត្រូវរួមភេទឲ្យបានល្អ។ 

បំបាត់ការឈឺចាប់

ក្នុងពេលរួមភេទ ទាំងរាងកាយបុរស និងស្រ្តីនឹងផលិតសអ័រម៉ូន Endorphins ដែលអាចផ្តល់ឥទ្ធិពលបំបាត់ការឈឺចាប់បាន។ ការសិក្សាមួយបានបង្ហាញថា ក្នុងពេលរួមភេទ ជាពិសេសក្នុងពេលឈានដល់ចំណុចកំពូល យើងនឹងមិនមានអារម្មណ៍ឈឺចាប់អ្វីទៀតឡើយ។ បើសិនជានាងមិនចង់រួមភេទទេ ចូររំលឹកប្រាប់នាងថា ការរួមភេតគឺជារឿងល្អសម្រាប់ប្រព័ន្ធប្រដាប់បន្តពូជទាំងអស់តែម្តង។ ការរួមភេទក៏អាចជួយបំបាត់អាការៈនៃការមករដូវផងដែរ។

ការពារក្រពេញប្រូស្តាត

ជាតិទឹកភាគច្រើនដែលបាញ់ជាមួយទឹកកាមត្រូវបានបញ្ចេញពីក្នុងក្រពេញប្រូស្តាត។ បើសិនអ្នកឈប់បញ្ចេញទឹកកាម ជាតិទឹកក្នុងក្រពេញនេះនឹងបង្កជាបញ្ហាជាច្រើន រហូតដល់ទៅជាហើមទៀត។ ការបញ្ចេញទឹកកាមជាទៀងទាត់នឹងជួយលាងសម្អាតជាតិទឹកទាំងនេះចោល និងធានាថា ក្រពេញប្រូស្តាតនឹងនៅល្អជាប់ទោះបីជាអាយុច្រើនក៏ដោយ។ 

បង្ការលិង្គមិនឡើងរឹង

៥៥ភាគរយនៃមនុស្សប្រុសអាយុចាប់ពី ៤០ឆ្នាំឡើងទៅ តែងជួបបញ្ហាលិង្គមិនឡើងរឹង ហើយបុរសវ័យក្មេងទាំងអស់ក៏ខ្លាចនៅពេលវាមិនអាចឡើងបែបនេះដែរ។ ដូច្នេះថ្នាំដ៏ល្អសម្រាប់ទប់ស្កាត់បញ្ហានេះគឺការរួមភេទតែម្តង។ ការឡើងរឹងរបស់លិង្គនឹងរក្សាលំហូរឈាមក្នុងលិង្គ ដូច្នេះជាលិកាលិង្គនៅតែមានសុខភាពល្អ។

បំបាត់ស្រ្តេស

យោងទៅតាមការពិតបែបវិទ្យាសាស្រ្តបានឲ្យដឹងថា ការរួមភេទអាចជាវិធីសាស្រ្តដ៏មានប្រសិទ្ធភាពបំផុតមួយក្នុងការបន្ថយស្រ្តេស។ (អាន:ថ្នាំងងុយគេង ពេលអ្នកគួរប្រើ)ក្នុងពេលរួមភេទ រាងកាយនឹងផលិតសារធាតុ Dopamine ដែលជាសារធាតុមួយប្រឆាំងភាពស្រ្តេស៕