Join with Health.com.kh on Telegram

វីរុសកូវីដ១៩ដែលមានអត្រានៃការឆ្លងខ្លាំងនោះ បានរាលដាលច្រើនជាង ៧០ប្រទេសទៅហើយទូទាំងពិភពលោក ដោយក្នុងនោះមានអ្នកស្លាប់ជាង ៣០០០នាក់ដែរ។ ដោយសារតែមិនមានវ៉ាក់សាំង ឬការព្យាបាលដែលច្បាស់លាស់នៅឡើយ ធ្វើឲ្យមនុស្សទូរទាំងពិភពលោកកំពុងតែដុតដៃដុតជើងដើម្បីស្វែងរកវិធីបង្ការខ្លួនពីវីរុសដ៏កាចសាហាវមួយនេះ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

តើអ្នកអាចធ្វើអ្វីបានទៅដើម្បីការពារខ្លួនឯងពីវីរុសកូវីដ១៩នេះ?

មធ្យោបាយដ៏ល្អបំផុតដើម្បីការពារខ្លួនគឺមានមូលដ្ឋានគ្រឹះដូចជា ឧស្សាហ៍លាងសម្អាតដៃ។ មែនហើយ ការអនុវត្តអនាម័យផ្ទាល់ខ្លួនបែបនេះនៅតែជាវិធីសាស្រ្តដ៏មានប្រសិទ្ធភាពនៃការបង្ការវីរុសកូវីដ១៩។ យកល្អគួរតែយល់ថា ការលាងសម្អាតដៃជាមួយសាប៊ូ និងទឹក ឬទឹកអាលកុលលាងដៃ គឺជារឿងតែមួយ។ 

ការលាងសម្អាតដៃ និងការប្រើទឹកអាកុលលាងដៃ

អ្នកជំនាញបាននិយាយថា ទឹកអាកុលលាងដៃមិនអាចសម្លាប់មេរោគក្នុងពោះវៀន និងបាក់តេរីបង្កជំងឺទេ។ ផ្ទុយទៅវិញ ការលាងសម្អាតដៃមិនគ្រាន់តែអាចសម្លាប់មេរោគទេ តែវាក៏អាចកំចាត់ចោលនូវភាពគគ្រិច និងប្រលាក់ដែលអាចធ្វើឲ្យអ្នកឈឺបានដែរ។ ដូច្នេះចូរប្រាកដថា អ្នកត្រូវការប្រើទឹកលាងដៃមានជាតិអាកុលនៅពេលអ្នកមិនអាចរកទឹក និងសាប៊ូប្រើបាន។ ប៉ុន្តែក្នុងពេលជាមួយគ្នានោះ យកល្អគួរតែលាងសម្អាតដៃឲ្យបានស្អាតដើម្បីសម្លាប់ចោលនូវមេរោគបង្កជំងឺ។ ខាងក្រោមនេះគឺជាក្បួនណែនាំមួយៗអំពីរបៀបលាងសម្អាតដៃឲ្យបានស្អាតល្អ និងបង្ការការរាលដាលរបស់ជំងឺឆ្លង៖

  • ចូរលាងដៃជាមួយនឹងទឹកស្អាតចេញពីក្បាលរ៉ូមីណេ។ ចូរប្រើប្រាស់កែងដៃដើម្បីបិទវ៉ានទឹក ព្រោះបើអ្នកប្រើប្រអប់ដៃបិត នោះវានឹងបង្កើនការប៉ះពាល់មេរោគបាន។ 
  • ចូរចាក់សាប៊ូលើដៃ និងម្រាមដៃ
  • ចូរប្រាកដថាសាប៊ូនៅលើខ្នងដៃ ចន្លោះម្រាមដៃ និងក្រោមក្រចក
  • យកល្អគួរតែត្រដុសប្រអប់ដៃលើគ្នាឲ្យបានយ៉ាងហោចណាស់ ២០វិនាទី ព្រោះវានឹងបង្កើតជាការកកិតដែលអាចកំចាត់ចោលនូវមេរោគភាពគក្រិច និងការប្រឡាក់នានាចេញពីស្បែក។
  • ក្រោយពីដុសនឹងសាប៊ូរួច ចូរលាងសម្អាតសាប៊ូជាមួយនឹងទឹកស្អាតចេញពីក្បាលរ៉ូមីណេ(អាន:ថ្នាំងងុយគេង ពេលអ្នកគួរប្រើ)
  • ចូរសម្ងួតដៃដោយប្រើប្រាស់កន្សែងជូតដែលប្រើតែម្តងហើយបោះចោល ឬសម្ងួតនឹងខ្យល់ស្ងួត៕