យោងទៅតាមការចុះផ្សាយរបស់សារព័ត៌មាន The Lancet បានឲ្យដឹងថា មនុស្សចាស់ ឬអ្នកមានជំងឺក្នុងខ្លួនដូចជា លើសសម្ពាធឈាម និងជំងឺទឹកនោមផ្អែមប្រហែលជាប្រឈមខ្ពស់នឹងការស្លាប់ដោយសារតែវីរុសកូវីដ១៩ នេះបើយោងទៅតាមតាមការសិក្សាបែបសង្កេតដែលធ្វើឡើងទៅលើអ្នកជំងឺដែលត្រូវបានបញ្ជាក់ច្បាស់ថាមានផ្ទុកវីរុសកូវីដ១៩ ចំនួន ១៩១នាក់ មកពីមន្ទីរពេទ្យពីរក្នុងទីក្រុងវ៉ូហាន ប្រទេសចិន ផ្ទាល់តែម្តង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
វាគឺជាលើកដំបូងហើយដែលអ្នកស្រាវជ្រាវបានធ្វើការពិនិត្យទៅលើកត្តាប្រឈមមុខដែលជាប់ទាក់ទងនឹងជំងឺ្ងន់ធ្ងរ និងការស្លាប់លើមនុស្សធំដែលសម្រាកក្នុងមន្ទីរពេទ្យ ទាំងជាអ្នកស្លាប់ និងអ្នកត្រូវបានឲ្យចេញពីមន្ទីរពេទ្យ។ វេជ្ជបណ្ឌិត Zhibo Liu មកពីមន្ទីរពេទ្យ Jinyintan ប្រទេសចិន បាននិយាយថា “មនុស្សអាយុកាន់តែច្រើន អ្នកមានជំងឺក្នុងខ្លួនដូចជា លើសសម្ពាធឈាមខ្ពស់ និងទឹកនោមផ្អែម ឃើញថាបង្ហាញនូវអាការៈជាច្រើននៃការបង្ករោគប្រភេទ Sepsis ពេលដាក់ឲ្យចូលសម្រាកពេទ្យ ហើយក៏ត្រូវការប្រើវិធីសាស្រ្តជំនួយផ្លូវដង្ហើមរយៈពេល ដែលរឿងនេះគឺជាកត្តាដ៏សំខាន់នៃការស្លាប់របស់អ្នកជំងឺទាំងនេះ។ លទ្ធផលព្យាបាលកាន់តែពិបាកទៅៗលើមនុស្សចាស់អាចដោសយារតែភាពចុះខ្សោយនៃប្រព័ន្ធភាពស៊ាំដែលទាក់ទងនឹងអាយុ និងបង្កើនការរលាកដែលអាចរំរុញដល់ការបង្កើតកូនចៅកាន់តែច្រើនរបស់វីរុស និងឆ្លើយតបការរលាកកាន់ទែខ្លាំង រហូតដល់មានការខូចខាតបេះដូង ខួរក្បាល និងសរីរាង្គផ្សេងៗទៀត”។ ក្នុងការសិក្សាដែលធ្វើទៅលើអ្នកជំងឺចំនួន ១៩១នាក់ មាន១៣៧នាក់បានចេញពីមន្ទីរពេទ្យ និង ៥៤នាក់បានស្លាប់ក្នុងមន្ទីរពេទ្យ។ យ៉ាងណាមិញ អ្នកស្រាវជ្រាវបានសម្គាល់ឃើញថា ការបកប្រែទៅលើការស្រាវជ្រាវរបស់ពួកគេប្រហែលជាមានដែនកំណត់ដោយសារតែទំហំនៃការសិក្សា។
សាស្រ្តាចារ្យ Bin Cao មកពីមន្ទីរពេទ្យមិត្តភាពចិនជប៉ុន និងសាកលវិទ្យាល័យ Capital Medical University ប្រទេសចិន បាននិយាយថា “ភាពរាលដាលនៃការវីរុសក្នុងខ្លួនមនុស្សដែលយើងបានរកឃើញក្នុងការសិក្សា អាចជារឿងសំខាន់សម្រាប់ណែនាំទៅលើការសម្រេចចិត្តចំពោះភាពប្រុងប្រយ័ត្នលើការដាក់អ្នកជំងឺឲ្យនៅដាច់ដោយឡែកពីគេ និងការព្យាបាលដោយប្រើថ្នាំប្រឆាំងវីរុសលើអ្នកជំងឺដែលមានការបញ្ជាក់ថាមានការបង្ករោគដោយវីរុសកូវីដ១៩។ (អាន:ថ្នាំងងុយគេង ពេលអ្នកគួរប្រើ)យ៉ាងណាមិញ យើងត្រូវតែច្បាស់លាស់ថា ពេលវេលាចេញពីខ្លួនរបស់វាវីរុសមិនគួរណាមានភាពភ័ណច្រឡំជាមួយនឹងក្បួនណែនាំដាក់ឲ្យនៅដាច់ដោយឡែកខ្លួនឯងសម្រាប់អ្នកដែលប៉ះពាល់នឹងវីរុសកូវីដ១៩ ប៉ុន្តែវាគឺជាពេលវេលាគ្មានរោគសញ្ញា ព្រោះក្បួនណែនាំនេះគឺផ្អែកទៅលើរយៈពេលសម្ងំរបស់វីរុស៕