ក្នុងនាមជាឪពុកម្តាយ ការប្រាកដថា កូនមានសុវត្ថិភាពពីជំងឺ និងការបង្ករោគគឺជារឿងមានអតិភាពបំផុត។ ជាមួយនឹងវីរុសកូវីដ១៩រាលដាលយ៉ាងខ្លាំងជុំវិញពិភពលោក វាពិតជារឿងធម្មតាមួយដែលឪពុកម្តាយត្រូវបារម្ភអំពីការប្រឈមមុខរបស់កូនរបស់ខ្លួនដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ខណៈពេលដែលក្នុងប្រទេសកម្ពុជាយើងមានករណីឆ្លងវីរុសកូវីដចំនួនបីករណីហើយ ដោយទីមួយបុរសជនជាតិចិនមកពីក្រុងវ៉ូហានផ្ទាល់ ទីពីរបុរសជនជាតិខ្មែរនៅខេត្តសៀមរាប និងទីបីថ្មីៗម្សិលមិញនេះ ជាស្រ្តីជនជាតិអង់គ្លេសដែលឆ្លងពីប្រទេសវៀតណាមតាមរយៈទូកទេសចរណ៍។
ជាអកុសល វាមិនមានការព្យាបបាលពិសេសណាមួយសម្រាប់ការបង្ករោគដោយវីរុសកូវីដ១៩នេះនៅឡើយទេ។ មានរឿងច្រើនដែលត្រូវសិក្សាអំពីវីរុសថ្មីនេះ ហើយអ្នកវិទ្យាសាស្រ្តក៏កំពុងតែស្រាវជ្រាវរកមើលការបង្កើតវ៉ាក់សាំងដែរ។ ខាងក្រោមនេះខ្ញុំសូមណែនាំវិធីសាស្រ្តខ្លះៗដែលឪពុកម្តាយគួរតែធ្វើដើម្បីជួយបង្ការការរាលដាលជំងឺណេះទៅកូនរបស់ខ្លួន៖
- ចូរធានាថា គ្រប់គ្នាក្នុងផ្ទះសម្របខ្លួននូវទម្លាប់អនាម័យដៃយ៉ាងល្អ តាមរយៈការលាងសម្អាតដៃជាមួយសាប៊ូ និងទឹកយ៉ាងហោចណាស់ ២០វិនាទី។ ចូរដាក់ទឹកលាងដៃមានជាតិអលក់តាមខ្លួនដើម្បីប្រើពេលអត់មានសាប៊ូ និងទឹក។ ចូរលាងសម្អាតដៃមុនញ៉ាំអាហារ ក្រោយក្អក ឬកណ្តាស។
- ចូរប្រាកដថា កូនអ្នកនៅឆ្ងាយពីអ្នកមានអាការៈជំងឺផ្តាសាយ។ ចូរដាក់កូនឲ្យឆ្ងាយពីសាលារៀនបើសិនជាគេមានជំងឺហើយ
- ចូរបង្រៀនកូនពីរបៀបអនាម័យផ្លូវដង្ហើមល្អដូចជា ក្អក ឬកណ្តាសលើក្រដាសជូតមាត់ ហើយចោលក្នុងធុងសម្រាមភ្លាម ឬដាក់កែងដៃ
- ចូរចៀសវាងការប៉ះពាល់មាត់ ច្រមុះ ភ្នែក នៅពេលដៃប្រឡាក់មិនស្អាត និងបង្រៀនកូនឲ្យធ្វើដូចគ្នា
- ចូរលាងសម្អាត ផ្ទៃកាន់ ឬដាក់ឥវ៉ាន់ គ្រប់កន្លែងក្នុងផ្ទៃ
- ចូរកុំឲ្យកូនប៉ះពាល់របស់របរអ្វីទាំងអស់ពេលនៅក្រៅផ្ទះ។ យោបល់ដ៏ល្អនោះគឺដាក់ក្រដាសជូតដៃនៅតាមខ្លួនជាប់នៅពេលចេញទៅខាងក្រៅដើម្បីអាចជូតសម្អាតតុក កៅអី និងរបស់របរផ្សេងៗទៀត។
- ចូរលើកទឹកចិត្តឲ្យមានទម្លាប់ល្អរួមទាំង ការញ៉ាំអាហារសម្បូរជីវជាតិ រស់នៅសកម្ម និងគេងគ្រប់គ្រាន់ដើម្បីជួយការពារប្រព័ន្ធភាពស៊ាំកាន់តែមានសុខភាពល្អ។
- ចូរនិយាយជាមួយកូនអំពីវីរុសកូវីដ១៩ ដើម្បីឲ្យគេដឹង តែមិនត្រូវឲ្យភ័យខ្លាច ឬតក់ស្លុតឡើយ
- ចូរសង្កេតមើលអាការៈព្រមានរបស់វាដូចជា ក្តៅខ្លួន ក្អក ឈឺបំពង់ក អស់កម្លាំង ពិបាកដកដង្ហើម រាករូស ។ល។ ចូរស្វែងរកជំនួយពីគ្រូពេទ្យបើសិនជាក្មេងក្តៅខ្លួន និងក្អក។(អាន:ថ្នាំងងុយគេង ពេលអ្នកគួរប្រើ)
- យកល្អកូនគួរតែនាំឲ្យចាក់វ៉ាក់សាំងបង្ការជំងឺផ្តាសាយជារៀងរាល់ឆ្នាំ៕