ឱកាសនៃការកើតដុំសាច់មហារីកក្នុងខួរក្បាលមានមិនដល់ ១ផាគរយផង។ ជាធម្មតា អាការៈដូចជា ឈឺក្បាល ឬវង្វេងវង្វាន់គ្រាន់តែជារបៀបដែលរាងកាយប្រាប់អ្នកឲ្យញ៉ាំទឹកច្រើន ឬគេងច្រើនទេ។ ប៉ុន្តែអ្វីដែលកម្រនោះ វាអាចជាសញ្ញានៃបញ្ហាធំជាងនេះ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ជាអកុសល អាការៈព្រមាននៃដុំសាច់មហារីកក្នុងខួរក្បាលអាចមានការប្រែប្រួលច្រើន។ វាមិនមានអាការៈច្បាស់លាស់បញ្ជាក់ថា ជាដុំសាច់ក្នុងខួរក្បាលឡើយ។ ដុំសាច់ក្នុងខួរក្បាលអាចមានជាមយយនឹងអាការៈខុសៗគ្នា អាស្រ័យទោតាមកន្លែងដែលវាតាំងនៅ។
អាការៈដែលត្រូវស្វែងយល់
ជាមួយនឹងដុំសាច់មហារីកក្នុងខួរក្បាលច្រើនជាង ១២០ប្រភេទ អាការៈរបស់វាក៏មានច្រើនណាស់ដែរ។ ប៉ុន្តែរបៀបដែលរាងកាយប្រាប់ឲ្យអ្នកដឹងគឺអាស្រ័យទៅតាម៖
- កន្លែងដែលដុំសាច់កើត
- ផ្នែកនៃរាងកាយដែលប៉ះពាល់ ឬកន្លែងដែលរាងកាយបញ្ជា
- ទំហំដុំសាច់នោះ។
ប៉ុន្តែដើម្បីដឹងថាពេលណាអាការៈនោះជាបញ្ហា អ្នកត្រូវតែដឹងអំពីរាងកាយខ្លួនឯងដែរ។ ការប្រែប្រួលសុខភាពអាចជាអាការៈមួយដែរ។ បើសិនជាអ្នកធ្លាប់មានអាការៈមួយ ឬច្រើនខាងក្រោមនេះ ចូរទៅជួបគ្រូពេទ្យជំនាញដើម្បីវិនិច្ឆ័យ៖
- ប្រកាច់៖ ដុំសាច់មហារីកអាចធ្វើឲ្យសរសៃប្រសាទរបស់ខួរក្បាលក្តៅខ្លាំង រហូតដល់ប្រកាច់បាន
- ការប្រែប្រួលផ្លូវចិត្ត៖ ប្រហែលជាអ្នកមានភាពវង្វេងវង្វាន់ច្រើន ឬមានបញ្ហាច្រើនក្នុងការស្វែងយល់ ឬគិតលេខលុយត្រូវបង់ពេលចូលហាងញ៉ាំអាហារ។
- ការប្រែប្រួលបុគ្គលិកលក្ខណៈ ឬអាកប្បកិរិយា៖ ដុំសាច់ក្នុងខួរក្បាលត្រង់ថ្ងាស់អាចធ្វើឲ្យសប្បាយចិត្ត មនុស្សដែលធ្លាប់តែស្ងាត់ស្ងៀមប្រែទៅជានិយាយច្រើន។ ពួកគេក៏អាចបាត់បង់លទ្ធភាពក្នុងការទប់ស្កាត់បញ្ហាទាំងនេះដែរ។
- បាត់បង់តុល្យភាពរាងកាយ៖ ដុំសាច់ក្នុងខួរក្បាលប្រហែលជានាំឲ្យអ្នករក្សាលំនឹងរាងកាយបានមិនបានល្អឡើយ។
- បញ្ហាមើលឃើញ៖ ដុំសាច់ក្នុងខួរក្បាលដែលគ្រប់គ្រងភាពឃើញច្បាស់របស់ភ្នែកប្រហែលជាប៉ះពាល់ដល់គំហើញរបស់ភ្នែក។ ភ្នែកដែលមើលឃើញព្រឹល ឃើញពីៗ ឬមិនអាចមើលឃើញអាចជាសញ្ញាមួយនៃដុំសាច់ក្នុងខួរក្បាលបាន។
- ខ្សោយដៃជើង៖ ការបាត់បង់ភាពរឹងមាំ ឬមានភាពខ្សោយនៅដៃ ឬជើងប្រហែលជាអាការៈមួយនៃដុំសាច់ខួរក្បាលហើយ។
- ការឈឺក្បាល៖ ប៉ុន្តែការឈឺគ្បាលមិនមែនសុទ្ធតែបណ្តាលមកពីដុំសាច់មហារីកក្នុងខួរក្បាលទាំងអស់ឡើយ។ ដុំសាច់ខួរក្បាលច្រើនតែធ្វើឲ្យឈឺគ្បាលជាប់ច្រើនជាងពីរបីថ្ងៃ ជាមួយគ្នានឹងការចង្អោ ឬក្អួតនៅពេលព្រឹក។
អាការៈនៃការរីករាលដាលនៃដុំសាច់មហារីកខួរក្បាលទៅកន្លែងផ្សេង
អ្វីដែលជារឿងភ្ញាក់ផ្អើល ហើយពិតទៀតនោះគឺថា ដុំសាច់មហារីកខួរក្បាលភាគច្រើនមិនចាប់ផ្តើមនៅក្នុងខួរក្បាលឡើយ។ (អាន:ថ្នាំងងុយគេង ពេលអ្នកគួរប្រើ)និយាយទៅគឺវាកើតចេញពីកន្លែងផ្សេង ដែលរាលដាលទៅខួរក្បាលទៅវិញទេ ដោយភាគច្រើនចេញពីសួត សុដន់ ស្បែក តម្រងនោម ឬពោះវៀនធំ។ មនុស្សម្នាក់ដែលមានប្រវត្តិមានជំងឺមហារីកទាមងនេះ ហើយចេញអាការៈសរសៃប្រសាទ គួរតែឲ្យគ្រូពេទ្យវាយតម្លៃ៕