Join with Health.com.kh on Telegram

ប្រជាជនខ្មែរទីពីរហើយដែលត្រូវបានគេរកឃើញថាមានវត្តមានវីរុសកូវីដ ១៩ក្នុងខ្លួន ក្នុងចំណោមមនុស្សសង្ស័យចំនួន ៤នាក់ក្នុងខេត្តសៀមរាប។ ករណីនេះហើយបានធ្វើឲ្យមានការភ្ញាក់ផ្អើលយ៉ាងខ្លាំងដល់ប្រជាជនទូទាំងប្រទេសផងដែរ ខណៈពេលដែលប្រមុខរដ្ឋាភិបាលបានប្រកាសបិទសាលារៀនចាប់ពីមត្តេយ្យដល់ថ្នាក់ឧត្តមតែក្នុងសៀមរាបជាបណ្តោះអាសន្នសិន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ថ្វីបើចំនួនអ្នកផ្ទុកវីរុសនេះបានកើនឡើងយ៉ាងខ្លាំងទូទាំងពិភពលោក វាបានក្លាយទៅជារឿងភ័យខ្លាចសម្រាប់មនុស្សគ្រប់គ្នាទៅហើយ។ ដូច្នេះទើបមានសំណួរសួរថា តើយើងអាចការពារខ្លួនឯងដូចម្តេចទៅ? រឿងនេះត្រូវបានចោទជាសំណួរយ៉ាងច្រើន ជាពិសេសពីសំណាក់អ្នកប្រើប្រាស់ប្រព័ន្ធដឹកជញ្ជូនសាធារណៈច្រើនតែម្តង ដូចជារថយន្តក្រុងជាដើម ព្រោះវាអាចជាប្រភពនាំឲ្យមានការចម្លងកម្រិតខ្ពស់។ ទោះបីជាយ៉ាងណាក៏ដោយ ជំងឺផ្លូវដង្ហើមមានការចម្លងខ្លាំងតាមរយៈ៖

  • ដំណក់ដង្ហើម(ដែលសាយភាយតាមរយៈទឹកមាត់របស់អ្នកជំងឺពេលនិយាយ កណ្តាស ឬក្អក និងច្រើនតែមិនអាចមើលឃើញនឹងភ្នែក ហើយហុយចូលក្នុងច្រមុះ និងមាត់អ្នកជា)
  • ប៉ះពាល់ដោយផ្ទាល់ជាមួយអ្នកធ្វើដំណើរ។

ដំណក់ដង្ហើមទាំងនេះត្រូវបានបង្កើតឡើងដោយអ្នកជំងឺ ដែលវាអាចធ្លាក់លើដី កន្លែងអង្គុយ ឬកន្លែងតោងក្នុងរថយន្តក្រុង។ ដូច្នេះដើម្បីបន្ថយការប្រឈមមុខ ចូរធ្វើការប្រុងប្រយ័ត្នដូចខាងក្រោមនេះ៖

  • ចូរព្យាយាមចៀសវាងការធ្វើដំណើរច្រើនម៉ោងជាមួយមនុស្សច្រើន
  • ខណៈពេលកំពុងតែជិះរថយន្តក្រុង ចូរព្យាយាមអង្គុយតាមកន្លែងមានលេខរៀង
  • ចូរចៀសវាងការប៉ះពាល់ផ្ទៃសម្រាប់កាន់តោង និងកន្លែងកាន់នៅកៅអីឲ្យបានច្រើនបំផុតតាមតែអាចធ្វើទៅបាន
  • ចូរប្រាកដថា អ្នកបានលាងសម្អាតដៃជាមួយសាប៊ូ និងទឹក ឬទឹកអាលកុលលាងដៃក្រោយពីប្រើបប្រាស់សេវាកម្មដឹកជញ្ជូនសាធារណៈរួច ជាពិសេសក្រោយពេលប៉ះពាល់ផ្ទៃដែលប៉ះញឹកញាប់។ 
  • យកល្អគួរតែចាំថា មិនត្រូវយកដៃមកប៉ះមុខឡើងខណៈពេលក្រោយប្រើប្រាស់ប្រព័ន្ធដឹកជញ្ជូនសាធារណៈរួច លុះត្រាតែប្រើទឹកលាងដៃមានជាតិអាលកុល ឬលាងសម្អាតដៃជាមួយសាប៊ូ និងទឹករួច។ 
  • ចូរនៅឲ្យឆ្ងាយពីអ្នកមានជំងឺប្រវែង ៦ហ្វីត ជាពិសេសអ្នកដែលកណ្តាស និងក្អក
  • ចូរចៀសវាងការធ្វើដំណើរបើសិនជាករណីចាំបាច់
  • បើសិនជាអ្នកត្រូវធ្វើដំណើរទៅកាន់តំបន់មានការផ្ទុះជំងឺវីរុសកូវីដ១៩ខ្ពស់ ឬត្រូវប៉ះពាល់នឹងអ្នកជំងឺនេះ ហើយមានជំងឺ ចុរទាក់ទងទៅមន្ទីរពេទ្យដើម្បីធ្វើតេស្ត និងវាយតម្លៃ។(អាន:ថ្នាំងងុយគេង ពេលអ្នកគួរប្រើ)
  • រក្សាអនាម័យនៃការក្អក ដោយប្រើកៃដៃ គ្របមាត់ពេលក្អក ឬកណ្តាស៕