ការគេងគឺជារឿងសំខាន់ ហើយគ្រប់គ្នាដែលមិនបានគេងពេលយប់គ្រប់គ្រាន់អាចនឹងមានផលប៉ះពាល់ហើយ។ ការគេងនឹងជួយដល់រាងកាយជួសជុលអ្វីដែលខូចខាត។ វាក៏ជួយដល់ការសម្រាកពីភាពមរមាញឹកពេញមួយថ្ងៃនិងចាប់ផ្តើមថ្ងៃថ្មីវិញមានអារម្មណ៍ល្អ និងគំនិតវិជ្ជមានដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ប៉ុន្តែនៅពេលអ្នកគេងមិនបានគ្រប់គ្រាន់ទេ ឬមិនបានគេតែម្តង អ្នកប្រហែលជាយល់ថាខ្លយនឯងងាយនឹងឆេវឆាវ ខឹង និងងងុយគេង។ តើមានអ្វីកើតឡើងក្នុងរាងកាយទៅនៅពេលគេងមិនបានគ្រប់គ្រាន់?
ផលប៉ះពាល់ទៅលើអ័រម៉ូន
ប្រព័ន្ធបញ្ចេញក្នុងរបស់រាងកាយមាននាទីទទួលខុសត្រូវលើការផលិតអ័រម៉ូនជាច្រើន។ ការគេងមានឥទ្ធិពលយ៉ាងគួរឲ្យកត់សម្គាល់ទៅលើការបញ្ចេញអ័រម៉ូន។ ខណៈពេលដែលអ័រម៉ូនខ្លះត្រូវបានផលិតចេញនៅពេលគេង ដូច្នេះក្រពេញបញ្ចេញក្នុងនឹងទប់ស្កាត់ការផលិតអ័រម៉ូនផ្សេងៗទៀតក្នុងពេលយប់។ ឧទាហរណ៍ អ័រម៉ូណលូតលាស់ដែលផលិតចេញដោយក្រពេញទីរ៉ូអ៊ីតនឹងត្រូវផលិតចេញនៅពេលគេង។ ការផលិតរបស់អ័រម៉ូន Cortisol និងអ័រម៉ូនផ្សេងៗទៀតត្រូវបានហាមឃាតនៅពេលគេងវិញ។
ដូច្នេះនៅពេលអ្នកមិនបានគេងគ្រប់គ្រាន់ ឬមិនមានពេលវេលាគេងគ្រប់គ្រាន់ ការផលិតរបស់អ័រម៉ូន ត្រូវបានរំខាន។ ការផលិតរបស់អ័រម៉ូនលូតលាស់ក៏ប្រហែលជាថយចុះដែរខណៈពេលដែលការផលិតរបស់ស្រ្តេសអ័រម៉ូនអាចនឹងកើនឡើង។ អតុល្យភាពអ័រម៉ូនបែបនេះរយៈពេលយូរអាចបង្កើនការប្រឈមនឹងជំងឺជាច្រើនប្រភេទ។
ការប្រឈមរបស់ជំងឺ និងបញ្ហាសុខភាពកើនឡើង
យោងទៅតាមការស្រាវជ្រាវបានឲ្យដឹងថា ការមិនទទួលបានការគេងគ្រប់គ្រាន់អាចជារឿងមិនផ្តល់សុខភាពសោះសម្រាប់រាងកាយ និងចិត្ត។ ជំងឺធ្ងន់ធ្ងរ និងរ៉ាំរ៉ៃមួយចំនួនមានជាប់ទាក់ទងនឹងការគេងមិនបានគ្រប់គ្រាន់មានដូចជា លើសសម្ពាធឈាម ធាត់ជ្រុល ទឹកនោមផ្អែម គាំងបេះដូង ដាច់សរសៃឈាមខួរក្បាល និងខ្សោយបេះដូង។ ការបាក់ទឹកចិត្ត និងការថប់អារម្មណ៍ក៏ត្រូវបានគេរកឃើញច្រើនលើអ្នកគេងមិនគ្រប់គ្រាន់ដែរ។
តើការគេងមិនគ្រប់គ្រាន់អាចប៉ះពាល់ដល់ជីវិតរស់នៅណាផ្សេងដែរទេ?
ការគេងមិនគ្រប់គ្រាន់ក៏មានបញ្ហាខ្លាំងក្លាដល់សុខភាព និងប៉ះពាល់ដល់ជីវិតរស់នៅដែរ។(អាន:ថ្នាំងងុយគេង ពេលអ្នកគួរប្រើ) ការកង្វះភាពរហ័សរហួន ប្រឈមនឹងគ្រោះថ្នាក់ បញ្ហាទំនាក់ទំនង ចំណង់ផ្លូវភេទថយចុះ គឺជាឥទ្ធិពលខ្លាំងក្លានៃការគេងមិនគ្រប់គ្រាន់កើតឡើងលើជីវិតរស់នៅ ហើយយភាគច្រើនគឺដោយសារតែអតុល្យភាពអ័រម៉ូនក្នុងខ្លួនតែម្តង៕